اين انتم يا نتعاقدي ولاية ام البواقي ؟؟؟

[هدية]

عندك الحق و مشكوووووووووووووووور
مرورك جد فعال
انا للاسف ما كنتش معاكم في الاحتجاج اللي درتوه بصراحة
لاني كنت مغفلة ونحسب في روحي مش مفصولة
اكيد راكم تستغربو
انا كنت نعمل عادي وجات العطلة وكل الناس الناجحين في المسابقة حكمو مناصبهم وخلصو انا حمدت ربي و في العطلة خدمت الاسبوع الاول كامل دعم وكملت العطلة عادي وبعد العطلة دخلت نخدم عااااااادي يعني كنت خدامة نورمال حتى يوم 3-04 -2011
يوم الاحد 03-04-2011 على الساعة 10 صباحا كانت الفاجعة العضمى ليا وللمدير وللمعلمين والاكثر للتلاميذ تاعي اللي بكاو عليا
جات وحدة من ام البواقي وتقول بلي عطاوها المنصب تاعي و انا لازم نخرج
شفت التعيين تاعها
والله مكتوب فيه وبقلم الرصاص -* تعين ابتداءا من 17 - 03 - 2011
يعني انا جيت خارجا وخاسرا من 17 03 حتى 03 - 04
و لهذا السبب انا ما كنتش معاكم
كنت نشغولة بهاذ المصيبة يعني كلحوني و هذي هي الي ذبحتني
حسبي الله ونعم الوكيل

[هدية]

[

SIZE="6"]بزايد من الهدرة دوكا خلاص رانا تلمينا وعادت كاينة نقطة تواصل ورانا كاما جاهزيييين وكتا حبيتو حددو تاريخ و نطالبو بحقنا امام مديرية التربية
و في اسرع وقت من فضلكم و نتمنا يضم اكبر عدد ممكن
ويكون سلمييييييييييي
و ما تنساوش نحن نعد الطبقة المثقفة ماذا بينا ما يكون فيها حتى مشكل [/SIZE]الى الامام
و ما ضاع حق و راءه مطالب

[ايمان الله]

نعم نعم نعم اخوتي

و الله يا أختي هدية معاك الحق كل الحق لازم نجتامعوا

و ماذا بينا الأخ nasro04 يحدد لنا الموعد المنشود (المنتظر)

ويعلن عنه هنا ضمن هذا الموضوع

ظهر الحق و زهق الباطل ان الباطل كان زهوق

[peace_messenger]

راني معاكم حتى النخاع ، لازم نتفاهموا و نديروا حل في أقرب وقت أنا أيضا حاصل على ليسانس لغة فرنسية و درست كأستاذ فرنسية في الابتدائي و تم فصلي يوم 17-03-2011.

[peace_messenger]

المشاركة الأصلية كتبت بواسطة هدية

[

SIZE="6"]بزايد من الهدرة دوكا خلاص رانا تلمينا وعادت كاينة نقطة تواصل ورانا كاما جاهزيييين وكتا حبيتو حددو تاريخ و نطالبو بحقنا امام مديرية التربية
و في اسرع وقت من فضلكم و نتمنا يضم اكبر عدد ممكن
ويكون سلمييييييييييي
و ما تنساوش نحن نعد الطبقة المثقفة ماذا بينا ما يكون فيها حتى مشكل [/SIZE]الى الامام
و ما ضاع حق و راءه مطالب

السلام عليك أختي هدية ،تقريبا لدينا نفس المشكل
و ماذا بينا الأخ nasro04 يحدد لنا الموعد المنشود ويعلن عنه هنا ضمن هذا الموضوع سنتواصل إن شاء الله و سيتم تحقيق مطالبنا حتى وإن تطلب منا الأمر الاعتصام في العاصمة.

عندي سؤال : هل أنت من أم البواقي ؟
و من أي دائرة أو بلدية من فضلك ؟

[هدية]

أنا من ولاية أم البواقي بلدية عين مليلة

[nasro 04]

السلام عليكم راني نقتارح عليكم يوم 12 افريل تجيو لمديرية التربية علاش هاد اليوم بالدات علا خاتر يوم الاستقبال بالنسبة لمدير التربية تاني حاجة يوم 17 افريل من المتوقع رايح يكون يوم الزحف نحو العاصمة للاحتجاج و راني على اتصال مع الاخوة من الولايات المجاورة انا مانيش مسجل على صفحات الفايس بوك ارجو من الاخت هدية ان تتشرف و تمثلنا حنا نتاع ام البواقي si non تسجل رقم هاتفي لكي نكون على اتصال مع الاخرين على الفايس بوك يا ناس ام البواقي انا دايما كنت ضد فكرة البراني يعيش و يتمتع على ارض الشاوية و احنا ولادها نبقاو نستناو وقتاش يفرحونا ب شهر ولا شهرين نتاع استخلاف و كي تروح ل concours يبجلو علينا المتخرجين الجدد والبرانية بعد واش اسئلة والا واحد ينجم يجاوب ماشي علخاطر صعبة لانها لا تمت للتعليم و لا للتربية بصلة وفوق هادا كل مايحشموش و يقولونا معدل السنة الاخيرة هو المعيار الاساسي في النجاح في المسابقة وبين هادا وهاداك لي عندو خبرة و اثبت جدارته في الميدان يدفنوه مسكين هادا عيب و عار و مستور حنا يد في يد نفضحوه و نسترجعو حقنا انشاء الله

[هدية]

السلام عليكم
راني وضعت رقمك يا اخ على صفحتنا في الفايس بوك بعنوان ولاية ام البواقي
و ممكن جدا تتلقى اتصالات من بعض الاخوة

[ايمان الله]

سلام

جميل جدا أختي هدية أنك استجبت لفتح صفحة في الفايس بوك خاصة بنا

و ان شاء الله هناك سنلقى كم هائل من المظلومين مثلنا . و مع بعض نظموا مظاهرة في يوم 12 ان شاء الله أمام مديرية التربية

و لازم نطالبوا بأن يخرجوا علينا البرانية من مناصبنا ........ طفح الكيل............أرجوا منكم اخوتي التفاعل

وشكرا

[djame...1l]

عندكم لا ما تجوش يوم 12/14/2011 امام مديرية التربية لولاية ام البواقي