قولولي وش راح نطيب لعجوزتي

[أم اسيل]

أختي حنا عندنا في سطيف أول أكلة تقدمها العروسة تكون فيها الخميرة باش يطلع زهرك كيما الخميرة كي تطلع ومن بعد أنت حرة انا تزوجت لتيبازة و اول مرة طيبت البغرير بالعسل وثاني مرة حبيت نعمل طبق يكون خفيف و بنبن وكان موسم الصيف فطيبت الكمب باللحم المرحي وجا يحمر الوجه اذا حبيتي نعطيك المقادير ونكتبللك قاع الاطباق لب درتها ونا عروسة
ربي يكملك بالخير ان شاء الله

[lulajijlia]

انا نصحك طيبلهوم شربة فريك مع المطلوع

[lyna2007]

المشاركة الأصلية كتبت بواسطة khalisa

حنا عادتنا حاجة فيها خميرة سفنج او مطلوع

حنا كذلك عادتنا نطيبوا حاجة فيها خميرة كالمطلوع

ومؤخرا اصبح الامر ساهل يطيبوا المسكوتشو فقط
وكل جهة وعاداتها

[*سماح 94*]

لازم تكون ماكلة ثقيلة وباينة يعني شخشوخة ولا بربوشة ولا تليتلي و...........باش تشوف بلي عروسها فحلة وتحمر الوجه

[أبو سهيل رياض]

طيبيلهم قلوبهم بالطيبة واللسان المليح و التواضع الدنيا وما فيها أما الماكلة هاذ الوقت ما تهمش بربوشة أو شخشوخة وقبلها شربة فريك الله الله ومعاها بيتزا أو خبز الدار تاع الفرينة يجيهم خفيف وزيدي ما تنسايش السلاطة متولة بالميوناز وو ومتنسايش الحميس حار أو زيتون كاسي واللبن لأنها الاكلة لعجبتني في سطيف ( البن مع الزيتون كاسي مع البربوشة ) وأختميها بالطجين الحلو والديسير أو سلاد فروي وضحكة وبشاشة في وجوهم يروحو وهم متندمين كان جابوك قبل من اليوم

[سيلين05]

شوفي واش يحبو هما ياكلو وطيبيلهم ومبروك عليك

[bluemoon]

ربي يكملك يا خليصة من الافضل تديري الغرايف ( البغرير) لخاطر الخميرة فال خير عليك احنا هكدا نديرو في عوايدنا باش تطلع حياتك و يتضاعف الخير كيما يتضاعف البغرير و كما قال الرسول عليه الصلاة و السلام تفءلوا خيرا تجدوه

[amalee]

1- ربي يكملك ويهنيك انشاءالله ولكل وحدة
كل عائلة و عادتها يعني العجوزة هي اللي تقول واش تعمل من الاكل
كاين اللي تقول الشخشوخة او خبز الدار .........وكاين اللي تخليك امام رغبتك

[nada nina]

الف مبروك ونتمنى لك السعادة و خذي بنصائح الاخت الفاضلة

[omseheil]

اذا كان غدا طيبى شربة و مطلوع و سلاطة و اذا كان عشا لا بديل عن الكسكسي م اعملى سلاد فروى مور العشاء ما تكثريش الانواع لكن يجيو بنان ربي يهنيك و يطعمك السعادة الدائمة

[linda43]

شوفي هذه نصيحة مجربة شوفي هوما واش الماكلة اللي راهي يشتوها بزاف واتعلميها مليح و اتفنني فيها و طيبيها على خاطرش ما كانش كيما الماكلة الي يشتوها هوما خاصة العجوز وحاولي أنك تعمليها بقداه كيفية باه تبينيلهم بلي راك قافزة و ربي يكملك انشاء الله

[احرار]

يعزيك في راسك خمي على راجلك كيفاه تهني راجلك.....

[nari21]

والله غير عندك الحق

[ziani0727]

أديها البيدزيريا

[يونس معبدي]

والله امر محير
ربي يكون في عونكم يالبنات
وربي يسعد الجميع