طلعولي المورال

[aminosse1]

أختي العزيزة تقريبا عندنا نفس المستوى برك أنا ما جبت 17 الفصل لاول جبت 16 و هذه الخطرة خدمت غاية نشا اله 17 .أنا ما نحفدش بزاف .
وهذا لي صرالك كان يصرالي بزاف خاصة في الرياضيات وباش تخلصت منه بالتمارين لذلك يجب عليك بالتمارين أما بانسبة للتمارين لوخرين قاع لا ما كونتيش عارفة الإجابة بيني للأستاذ بلي راكي فاهمة وتفلسفيله باش يعطيك النقطة.أنا متايحيني المواد الأدبية .الأدب جبت 10 والتاريخ والجغرافيا جبت 12 علوم شرعية 14.لموهيم لمافهمتيش حاجة في الرياضيات هذا هو الفاسبوك نتاعي Amine K-amine .وديري حسابك أختي بلي راكي تخدمي للباك.وداعا

[aminosse1]

أختي تقريبا عندنا نفس المستوى برك أنا م جبت 17 الفصل الأول جبت 16 وهدي الخطرة خدمت خير م الفصل الأول إن شاء الله 17 .أنا م نحفدش بزاف .وهدا لي صرالك كان يصرالي بزاف وباش تخلصت منه بالتمارين لذلك أنصحك بالتمارين أما بانسبة للتمارين لوخرين قاع ماكونتيش عارفة الإجابة بيني للأستاذ بلي راكي فاهمة وتفلسفيله باش يعطيك النقطة.أنا لي تايحوني الفصل الأول المواد الأدبية الأدب جبت 10 والتاريخ 12 والعلوم شرعية 14.لموهيم لا مافهمتيش حاجة في الرياضيات هذا هو الفاسبوك نتاعي Amine K-amine . وديري حسابك أختي بلي راكي تخدمي للباك.وداعا

[arabamine31]

شوفو ندو في السنة الاول والثانية 11 باش نطلعو ونخدعوهم فالباك

[kaka9999]

يالجماعة احمدو ربي
انتم الان حبطوتلي مورال خلاص
انا شو بقي لي معكم في منتدى
انا اتمنى سوى اجيب 12
مواد كلها سهلة ولاباس بها لدي الا رياضيات لدي عقدة لاتوصف منها
معظم فروض واختبارات اخليها ورقة بيضاء
كرهت الدراسة علشان رياضيات
اتمنى لكم نجاح وليس سقوط فيي فصل اني نهاية المطاف
لكن حاولي من هذا اختبار ايسجاد نقاط ضعفك وترميمها
وان شاء الله تجيبي 18 في اخير

[asma4]

ان شااااااااااااء الله تجيبي 18 حتى لو ماخدمتي ممكن خدمتي في الفرض و انا عندي نفس مشكلتك مع الردود الجميلة و الله طلعوا لي المرال انا معدلي 15.26 في الفصل الاول و خائفة ننزل اتمنى لك التوفيق و المفاااجئة ان شااء الله تجيك في الجلائة و تدي 18 و جميع الاعضاااء

[heraizhouda]

في الحقيقة هي قاسية لكن من المفروض تراجعي نفسك عن سبب الوقوع وكوني واثقة من نفسكي و المهم مازال وهو الباك
صدقيني انا اتعمد الخطا في الامتحانات و الفروض لكي احضر نفسي للباك جيدا
انتي مزيا اخطات في المشتقة وحسب اما نحن فقد خدعنا في الرياضيات لان الاستاذ حدد لنا الدروس التي ندرسها ونحن صدقناه ولم نراجعها ابدا ولما ذهبنا الى الاختبار وجدنا كل شيء مقلوب احمدي ربك
المهم رضاك انتي وليس الناس

[زهور الياسمين]

سلام سلمى

متزيديش تقولي هكذا
انا كيمانجيبش نقطة مليحة و نشوف لي يقراو معاية كامل داو خير مني ديقلي سي نورمال
و كي نشوف و حدخرين انا ديت خير منهم نحمد ربي و نقول الحمد الله لي فضلني عليهم
يا اختي و لا انتي شعبة العلوم انا رياضيات
لو كان تشوفي الفصل الاول عامباتلي خدمت جبت 11.5 فالاختبار جامي ما صراتلي و الكارثة انا تاني صراتلي فواحد الفرض باش ندير -x درت x هبلت كي رجعلي الورقة

انا هاد الاختبارات سافة مي حتى يرجعولنا النقاط و يبان و لا خدمت
بصح الكارثة في الفزياء ملي حطلي السوجي و انا نشوف فيه ما فهمتش مام با الاسئلة بقيت غير نخرط

اختي حنا نعرف نقراو مي مرات يطيح علينا الغباء

نعطيك خطة باش ما تقولك والو ماماك انا دايما نديرها و تنجح 100/100 ههههههههههههه
كي تزgــي عليك قوليلها قضاء و قدر تجي ساكتة هههههههههههه تقولي عندك الحق

bon courage selma

[loqmandz]

ما تكسريش راسك الرياضيات الكل رانا هردناها المواد الاخرى فيها و عليها قرينا قرينا والو ركزي على العلوم على خاطر هي سباب سلاكنا

[azizovic]

اختي تدكري لكل جواد كبوة و احمدي ربي ماشي فل الباك .
انا طحت من 17 الى 13 .

[بالقيم نرتقي]

شكرا ياااااااااااااسر على كل من دخل لموضوعي وحاول ينقص عليا
والله حكيتلكم مشكلتي وما ندمتش عرفت وين نحط روحي ومع من نحكي

[heraizhouda]

اقتباس:
المشاركة الأصلية كتبت بواسطة قطر الريحان
[color="darkslategray"]اولا السلام عليكم ورحمة الله تعالى وبركاته
واش راكم خاوتي مع الامتحانات هادو ........
والله انا حالتي ما تفرحش خلااااااااااااااااااااص
خربتها في المواد العلمية كامل ....وحتى الادبية ما خليتلها والو
معدلي نتاع الفصل الاول 17.37اما الثلاثي هذا فانا متاكدة انو مش سقوط حر بصح طيران حر.........الى الاسفل طبعا
انا مورالي راه زيرووووووووو
عادت عندي عقدة من الرياضيات والله
تخيلو عطانا تمرين على دراسة دالة
غلطت في المشتقة باش نديرها 2 تهفيت ودرتها -2 وراحلي تمرين عليه 10 نقاط كامل
فيزياء حدث ولا حرج اذا جبت 12 راني مليحة .......الثلاثي الاول جبت 19 زعما
علوم نفضل نخلي البير بغطاه
نروحو للمواد الادبية
فرنسية في الثلاثي الاول جبت 19.5 ودرك ان شاء الله نوصل ل 16
انجليزية المرة لي فاتت 19 ودرك بالاك 17.....مقبولة
ادب كيما المرة الاولى كيما الثانية ما تفرحش
اجتماعيات لالا الحق صححلي ورقتي وشاعت في الليسي كامل سلمى جابت اعلى نقطة ......17 هههه
شريعة الثلاثي الاول 20 ودرك ان شاء الله نجيب مليح برك




ايا انا واش داني خدمت في الثلاثي الاول هكا حتان نخربها هكا في تخيماستخ هادا
ياو الحاجة لي راني خايفة منها اني نخربها في الباك العام الجاي ونتهف كيما الهفة نتاع الرياضيات



انا هكا ولا هكا معدلي مش راح يفوت 15
والله يبارك ماشاء الله...راها تستنا فيا عقوبات زجرية وردعية من ماما ....الحق كامل فيا ....راكي ما تقراااااااااايش والله انا الهم نتاع الرياضيات سهرت عليها الليالي
بصح دركا صايي رفت عنها القلم ونحيتها من البروقرام

اصبحتن الرياضيات كالشبح الذي يلاحقني والكابوس الذي يءرقني




يا جماعة نتمنا نتوما تكونو خدمتو شوي مش كيما حالتي
على وجه ربي طلعولي لمورال باسكو راني رايحة فيها



ملحوظة هامة ......مساءا عندي اختبار علوم وراني قاعدة صايي كرهتتتتتتت [/color]

بالعكس عزيزتي يفترض أن لا تنزعجي لأن الأخطاء التي وقعتي فيها في هذا الامتحان ستظل راسخة في ذهنك و بالتالي ستجعلك لا تتسرعين و تتذكرينها في كل امتحان
و بالتالي ستأخذين حذرك
فأن تخطئي في امتحان عادي هو درس لك حتى لا تخطئي في البكالوريا ان شاء الله
جميل ان نخطئ لنتعلم و نحتاط في المرات القادمة
ربي يوفقك اختي

[am85]

المهم راه العام الجاي

[جزائرية هنا]

الحمد لله على كل شيء