السلام عليكم
اسقاس امقاس عام سعيد
احنا نديرو
كسكسي الحليب بالقديد
المقادير
كيلو و نصف بطاطا
رطل كوسة
رطل قديد
فنجان حليب كليلة
فنجان حليب فول يابس مقشر
كيلو كسكسي
3سنينات ثوم
لتر حليب البقرة او الماعز
بيض مسلوق للتزيين
4حبات فلفل اخضر حار
التحضير
نقشر البطاطا و نغسلها جيدا و نقطعها الي ارباع
نفس الشيء بالنسبة للكوسة ثم نقوم بغسل القديد و الكليلة و الفول نقشر الثوم ونفرمها فرم ناعم
في قدر نضع البطاطا و الكوسة و القديد و كليلة و فول يابس و
فلفل اخضر حار و الثوم و نضع عليها الماء ثم نضعها فوق النار باش اطيب
و بيد ماهي اطيب نقوم بتحضير الكسكسي
نحط في قصعة و نبخ بشوية ماء و زيت و بعد ماتغلي القدرة نحط البربوشة نفورها
بعد ما تتفور التفويرة الاولي انحيها من الكسكاس و نحلها بشوية ماء و بعد مانحلها نديرلها شوية ملح و نرجعها تتفور
بعد ما تتفور التفويرة الثانية انحيها من الكسكاس و نحلها بالسمن البلدي
بعد مايطيب القديد تكون الخضرة هي تاني طابت نضع فيها الفليل الملح مع الاخذ بعين الاعتبار بان القديد فيه الملح يعني مانكثرش
نضيف الحليب ثم نطفي عليها لازم تكون المرقة عاقدة شوية
نضع الكسكسي في صحن نضع القديد في الوسط و نزين الصحن بالخضر و الفلفل و البيض و نسقيو الكسكسي بالمرقة تقدم مع سلطة خضراء
و غدوة من ذاك نديرو الشرشم و نسميوه اخلاصت
نحطو القمح المنقوع ليلة كاملة في قدر مع الماء وبدون ملح في الاول حتى تشوفي الحبة تاع القمح انفتحت يعني تتفلق هكذا يكون طاب تزيديلو الملح وتخليه يطيب قيس ما يدخل فيه الملح وتصفيه وتفوريه باه ينشف من الماء مليح وتكوني وجدتيلو الطمينة تاعو نخلطو في قصعة الغرس زايد الزبدة وقليلا من الروينة يعني مسحوق القمح مع الشرشم يكون سخون باه السخانة تلملك كلشي مع بعضاه
( تقرير عن مشاركة سيئة )، و الموجودة أسفل كل مشاركة .
2011-01-11, 20:48
العرض العادي
