السر في جعل النظام lmd رغم فشل الدول المتقدمة في تجسيده ***ادخل تعرف

[Ghania de Blida]

كي ولات الجامعة قاع LMD
c'est normal تطلع النسبة

[the che]

LMD signifie Licence Master Doctorat Ces diplomes correspondent à trois niveaux ou grades

BAC+3
BAC+5
BAC+8

الله اعلم هدا هو الأمر الراجح ولكن عند الإطلاع على هذه الوثيقة المتمثلة في communiqué difinitif LMD

https://www.mesrs.dz/document_pub/Cabinet/Communique%20ES.pdf

معناها عند الوزارة : أنظر السطر رقم 25 الصفحة 1 وتكرر الأمر في باقي الصفحات
غريبة الأمور إذا كانت الوزارة لم تفهمه بعد فكيف للطلاب ان يفهموه ؟

ابقي السؤال مفتوح للجميع

[mahboubi73]

واش راك تقول صاحبي واش هاذ الهدرة نظام ل م د معترف به عالميا و من قال لك انه فشل كذب عليك انظر الى فرنسا كل التكوينات تحت نظام ل م د صحح معلوماتك اخي الكلاسيك قديم تاع بكري و ضرك رانا في العصرنة يعني يجيب نظام ل م د لتسهيل حركة الطلاب نحو الجامعات الاخرى و ليسانس كي المهندس في الجامعة و الماستر كي الماجسيتر
الان الماستر تعتبر مرحلة مابعد التدرج غير ان الوظيف العمومي لا يعترف بها
عندي صاحبي ماستر يخلص لابورس تاع ماجيستر
خدم عقلك شريكي

[Dr_khaled]

كاينة منها خويا mahboubi73

[marouane17]

يا راجل واش هذي الهدرة

[mounabac]

ما فهمت وااااااااااااااالووووووووو فهموني واش راهو صاري في LMD و المدارس التحضيرية واشن هي LMD ou Classic

[Dr_khaled]

ل م د نظام جديد تعمل به الدول الاوربية منذ عدة سنوات اما النظام الكلاسيكي فهو قديم وقد تخلت عنه الدول الاوربية

[etoile filante]

ل.م.د مطبق في جميع بلدان العالم
لذلك ليس لنا الحق في نقد هذا النظام لاننا لسنا اهلا لذلك
ونزيد نقولك بلي لي يدرسوا كلاسيك هما لي يهدروا هكذا
لانهم ببساطة خلاصت عليهم
ولو انه لم ينجح لما عمم على جميع الشعب

[Ghania de Blida]

صحيح انا سادرس الكلاسيك و لكن في مدرسة عليا و ليس في الجامعة يعني ما نسحقش نطلع لروحي المورال لان احتمال ان اجد عمل اكبر من احتمال طالب في الجامعة
هذا حتى لا تظنون انني اشجع الكلاسيك لانني ادرسه
انا موافقة ان الlmd مطبق في الدول الاوروبية و لكن حسب معايير معينة متوفرة عندهم
فهل تظنون ان هذه المعايير متوفرة في الجزائر
اضافة الى ذلك
انا لا استمع الى ما تقوله وزارة التعليم العالي و البحث العلمي و انما استمع الى شكاوي الطلبة الذين وجدوا انفسهم حاصلين في هذا النظام
انا لا انظر الى النسب و الارقام التي تضعها الوزارة و انما انظر الى الواقع الحي انه اصبح العام بعامين

[islamsamir]

المشاركة الأصلية كتبت بواسطة خديجة الجزائرية

مطيحلي المورال ما والو الظاهر أنك أنت من أصحاب النظام القديم وحاب تطلع المورال لروحك هذا ماكان

المهم ،،، الأخ الكريم لو كان هذا النظام صح كيما راك تقول ماشي مليح لمذا مازالت تدرس به الدول الأوروبية ؟؟

Le LMD : l’université à l’heure européenne

Pour poursuivre ses études dans un des pays de l’UE, il faut bien connaître le LMD. Depuis huit ans, les universités françaises ont adopté trois grands niveaux de diplômes (appelés grades) : à bac + 3 (la licence), à bac + 5 (le master) et à bac + 8 (le doctorat). Le système a vocation à s’étendre à l’ensemble des universités européennes.

و بدون ما ننسى كندا ،،، و إن كان حقا فاشل هناك أظن ان الدول الغربية سوف تتدارك الأخطاء بسرعة و تصحح الإشكال فالتعليم عندهم ليس كالذي عندنا و ماجيبش جامعة la Sorbonne في باريس لي إجوا الناس يقراو فيها من كل بقع العالم إلى جامعة الجزائر اللي إجيو ليها غير الكحالش تع زيمبابوي و مالاوي و إن كان فاشل في الجزائر فأظن ان الخطأ من عدنا ، لأننا أحضرنا حضارة جديدة بدون ان فقه فيها شيئا او ان تركيبتا البيولوجية لا تتحمل هذا العبئ لربما ،،، و إن كانت الدول الأوروبية قد تخلصت من النظام القديم بكري فهي على علم بمذا تفعل و خاصة بتبنيها لهذا النظام الجديد منذ سنوات و لحد الأن ...

هذا رأي الشخصي .... و انا واحد كنت حاب نقرى ترجمة رغم انها تخصص كلاسيكي لاكن لم أكترث إلا انه للأسف تم حذف هذا التخصص هذه السنة و تحطمت الأحلام و راني واحد من الناس لي يقراو LMD و نورمال ،، تحلى الحياة

[kahlouli bilal]

المشاركة الأصلية كتبت بواسطة dr_khaled

العام هذا 80/100 من الطلبة سجلوا في نظام ل م د في انتظار بلوغ النسبة 100/100 السنة المقبلة أو التي بعدها
تفرت فيكم أيها الكلاسيكيون

السلاااااااااام عليكم
ما فهمت الهدرة الأخرة هادي كيفاه أتفرت في الكلاسيكيون
باه يكون في علمك خو أحنا الكلاسيكيون كيما راك تقول
ما نأكلو ما نشربو في النظام تاعكم هاد ل م د صالح ولا .........
خاطر رانا دارني برومو دانجينيار وعدنا جميع الخيارات
وزيد كي كون نظام ل م د مليح وصالح في البلاد حاجة ساهلة خلاص
تعاود ترد الباك وتسجل في فرع ل م د عادي
سال على روحك أنت لكان تقدر تسجل كلاسيك
سلااااااااااااااااام

[imanou91]

حنا العرب بطبيعتنا اي حاجة جديدة منتقبلوهاش ربي يستر من ل م د و الكلاسيك في نفس الوقت درك متتكلوش على الدولة
الواحد يتكل على راس المال اللي عندي هاهم دي انجنيور وقاعدين و متخرجين من ل مد و كدلك قاعدين
عندك دراهم افتح وحدك وبرهن متقعدش تتسنى في حسنة الدولة عليك المهم في الاول و لاخر عندك ورقة تخرج
تقبل مروري اخي

[Ghania de Blida]

المشاركة الأصلية كتبت بواسطة kahlouli bilal

السلاااااااااام عليكم
ما فهمت الهدرة الأخرة هادي كيفاه أتفرت في الكلاسيكيون
باه يكون في علمك خو أحنا الكلاسيكيون كيما راك تقول
ما نأكلو ما نشربو في النظام تاعكم هاد ل م د صالح ولا .........
خاطر رانا دارني برومو دانجينيار وعدنا جميع الخيارات
وزيد كي كون نظام ل م د مليح وصالح في البلاد حاجة ساهلة خلاص
تعاود ترد الباك وتسجل في فرع ل م د عادي
سال على روحك أنت لكان تقدر تسجل كلاسيك
سلااااااااااااااااام

يسلم داك الفم
تحيا الكلاسيك و تحيا les ingenieurs

[thegoldenboy]

والله يا جماعة غير عيب
في عوض نناقشو بعقولنا ........
نسيت وين راني ياخي هادا منتدى الحوار الأكاديمي والطلابي ولا راني غالط
الكلاسيك نظام رانا عايشين عليه بمعنى رانا قرينا عند المهندسين و رانا نقراو عند حاملي الماجستير و دكتوراه النظام القديم
والمهندسين هوما لي راهم واقفين على الشركات لي توفرلنا الخدمات أي سونلغاز و سوناطراك و ........
لا أنا ولا أنت تقدر تحكم على نظام مليح ولا لالا
لكن و لكي نكون عقلانيين الدولة تعمم في ل م د و تضيق على القديم
أي واحد يقدر يقولك واش معناتها

نزيدكم حاجة أنا راني ليسانس آلية
و راني نحل في مسابقات الماجيستار و ما راهيش صعيبة خلاص

[hafid47200]

pr moi vive les écoles
psk les étudiens de l'unnivérsité la9inha ragda w tmongé
ga3 ma ya9rach w ytala3 3amou
mais les étudiens de les écoles msakin yabchou tjr lesba7 w mazal khayfine
en plus les écoles ga3 ma3tarfine bihoum en étrangé psk rahoum 3arfin wach m3anaha école