ملاعب قطـــــــر تحفـــــة ربانية العبرة لمن أراد أن يعتبر شوفو يا مسؤوليين وين راهم سيادكم/*/*****

[la gouche2]

شكون هي دولة هادي و مسؤولين
يك عساس و موظف و اي شخص يدي مرتب مقابل وضيفة ، نتي ركي طالبة مزال مشتيش وش كين في واقع انا كملت دراستي و رني خدام عقود ما قبل تشغيل و رني شايف وش كاين ، نزيه في بلادنا مرهش محبوب و الي يخدم سيريو ولى مودا قديما يعني لازم كيما رهم يقولو بوجي تاكل روجي،
مبادئ الي قتلك هي الي تبدلت كان الموظف يخاف من لعقاب كي يغلط و لا يرشي ، زيد كان يحكم فيه جانب اخلاقي يسمى يخاف ربي ، دركا لالا موظف الي عندو معارف الا حب ميجيش كامل للخدما و يدير وش يحب واحد ما يهدر معاه ، و لوكن عندنا عقاب ، و قوانين مطبقة صح ، ميكونش حالة ادارة نتاعنا هكدا الي يجي عندنا يهرب ، القانون يطبقوه على زوالي ، هادا اتسع مولاش في 10 و لا عشرين و ولى فيها اخطي راسي و اضرب و هادي مشكلة كبيرا ، مكنش عقاب يعني هاد شيء كامل مسؤولية دولة ، و علابالك تاني بلي في حبس محبوس ولى يقرا و يشوف برابول و الانترنت و يخرج كي يولي عندو مناسبة عائلية و ياكل مليح ، كيفاش هادا يسمى عقاب ، ردع يجب ان يكون يساوي قيمة الفعل ، و لا مجال للعواطف و لا الغايات في ردع الجاني ، هكدا قرينا ، لوكن كل جاني ياخذ عقابو نتاع صح نس تولي تخاف حبس ، و نزيد نقلك حاجة صعيب لحال بش تحكمي في ولدك في هاد لوقت ، لازملك من عمرو عامين و نتي تبعي فيه ، المجال اصبح مفتوح يعني وليدك يقدر يعرف و يشوف و يسمع الي انتي متتصوريهش ، مع مشاكل الي عندنا و مفاجات ، لازملك تخلقي منو راجل نتاع صح و هادي خدما كبيرا مشي ساهلة .

[la gouche2]

شباب يا عيني عل شباب ، ون ره مسكين ، معندو ميدير ، ضيعوه و افكارو اصبحت مشتتة ، ميقدرش يخمم بطريقة فعالة ، ميقدرش يعرف وش يصلح بيه و لا ون ره ريح ، لوكن ره مليح و يخمم ميلوحش روحو في لبحر ياكلو حوت ، ولاو يخمو غير كيفاش يعيش كيما ولد الموكانتي ، برطابل مليح، لبسة اخر صيحا ، مصروف في جيب ، و لقدام ، مستقبل عندو يكون مليح و اخلاص ، يعيش حاضر .
حقيقة ان الدولة بذلت مجهود جبار في مجال تكوين و تعليم شباب ، من تكوين مهني للجامعة ، الى كل انواع القروض المقدمة للشباب لاجل العمل او اقامة مشاريع ، لكن السؤال يبق مطروح ديمن ، شكون النس الي يستفيدو من قروض على مثال نتاع 400 مليون و لا اكثر ، بطبيعة الحال النس الي عندهم معارف ، و كين بزاف الي استفادو من هادو قروض و هوما اصحاب مشاريع و مهن ، و يبق البطال الي قرا سنوات ولا دار سطاج ، يستن وكتاش يقبل ملف نتاعو ، اومبعد يكره من الانتضار ، و ينس موضوع و يدير طابلة دخان .

[منير منيري]

يا جماعة ربي يهديكم وشكون لي قال مسؤولين تاعنا ميخدموش .عندنا ملاعب افضل من ملاعب قطر ب 100 مرة .بصح مسؤولين خافوا من العين بناو الملاعب تحت الأرض ههههههههههههه

[mohbadboy]

الله يبارك
اين نحن من هذا ؟

[fatouma alg]

ان شاء الله يكونو عندنا ملاعب كيما هاك
وبلا هدرة زايدا
تحيا بلادي كيف ما كانت
شكرا على الموضوع

[la gouche2]

ولاهي يبالي رد نتاعي ره فات من رقابة يعني ان ، مرهيش هدرا زايدا
زيد يالزيادة احنا في فضاء حر ، الا منقدرش نهدر هنا في منتدى الجلفة بحرية و نقول رايي بصراحة ، نجبد روحي خير .
يجب انا نتعلم المناقشة و الاثراء و ذلك لاجل البناء لا لشيء اخر لا فائدة منه

[fatouma alg]

انا مانيش نهدر عليك خويا
وناقش كيف ما حبيت

[خالـ الجيجلي ـد]

السلام عليكم ورحمة الله وبركاته .....
مشكور أخي على هذا الموضوع وهذه الصور الرائعة
ماشاء الله قطر تستاهل تنظيم كأس العالم لكن احنا في الجزائر لن نستطيع فعل أي شيء ولن نستطيع لا تنظيم كأس العالم ولا تنظيم أي تظاهرة أخرى فنحن لا نملك أي ملعب يليق بمنتخبنا المونديالي ولا نسعى لبناء أي ملعب ينافس حتى ملاعب الدول الخليجية والأوربية .فلهذا ترفض الدول الأوربية اقامة المباريات الودية على ملاعبنا و ترفض المنتخبات الكبيرة مواجهة منتخبنا على أرضه وبين جماهيره . أما قطر فقد احتضنت وبكل احترافية مختلف التظاهرات والمباريات دون أدنى مشكل أو ضرر. أما الجزائر ف *حدث ولاحرج*
لذا نحن نأمل التفاتة من مسؤولينا و اداريينا للنهوض بهذا البلد العاشق لكرة القدم والشغوف بمنتخبه الوطني .

بقلم خالد

[أحمد الوفاق]

ماشاء الله ياو حنا ما عندناش مسؤولين رياضيين متفهمين الصوارد كاينيييين

[أميرة العرب]

السلام عليكم

الصور لم تدهشني

بقر ما أجبتني هده العبارة

شعب يعشق كرة القدم حتي النخاع معندهش ملعب
بزاف عليكم


شكرا

[هشام البرايجي]

khouna staifi rak kayem biha tjr merC 3lik /mon frère la gauche2 t'as raison dans tous ce que t'as dit mes salutations

[kamelz_1994]

خويا صلي على النبي

خليي ساع حتى يتبنوا وبعد نحلوها مانش حتى مشكل

[amina lbatniya]

منقووووووووووووووووووول رانا كرهنا من copie collé