إلى سكان الشرق و خاصة قسنطينة . فهموني في هاذي

[** دنيا الأمل **]

مع انني من قسنطينة
لكن هذه الكلمة لا اعرفها
لكن ربما اذا تحولت الكاف الى قاف يصبح معناها
"لا تسأل"
ماتصقصيش"
كما قال الاخوة

[maint]

المشاركة الأصلية كتبت بواسطة zawch

بارك الله فيكم جميعا على المحاولات
اني كيفكم قلت يمكن الكتابة غالطة
و رجعت و سالت الشخص قالي
جداتوا قالتهالو كيما هاك
ما تصكشيش كي نعودوا نهدروا ؟
و معنى الكلمة ما تصكشيش يبقى مبهم

الكلمة صحيحة اخي
ما تصكشيش
ومعناها لا تسترقي السمع
انها كلمة قديمة ومتداولة بالشرق الجزائري

[imi25]

السلام عليكم بالرغم كوني من قسنطينة الا انني لا أعرف معنى هاته الكلمة

[بحر العطاء]

* بسمـ الله الرحمــــان الرحيمـ *

السلامـ عليكمـ و رحمة الله تعالى و بركاته :

و الله رجعت غريبة في مدينتي.

أنا قسنطينية vري...مي جامي سمعت هدي الكلمة عندنا.

المهمـ حنا نقولو متسقسيش و معناها " لا تسأل "

و السين ماشي بالصاد.

راكو دوختوني...إدا عرفتو الجواب الصحيح قولولي لا نبات نخممـ

تحياتي الخالصة لكمـ من أختكمـ الصغيرة أنفــــــــــال.

سلامــــ ...

[thorpe]

؟؟؟؟؟؟؟؟؟؟؟؟؟؟؟؟؟
ههههه انا وليد قسنطينة لكن ما سمعتش بيها ربمى قد اخطات في كتابتها او الي كتبهالك غلط هو ثاني قولو يصلحها وان شاء الله نجاوبك هههههههههههه كوديتني

[zawch]

المشاركة الأصلية كتبت بواسطة maint

الكلمة صحيحة اخي
ما تصكشيش
ومعناها لا تسترقي السمع
انها كلمة قديمة ومتداولة بالشرق الجزائري

شكرا راح نقدملوا إجابتك
و ان شاء الله تكون صحيحة
بارك الله فيكم كما بورك في الزيت

[رحيق القلوب]

ما تصقسيش معناها لا تسأل عندنا في الشرق

لكن حسب المثال * ما تصكشيش علينا كي نعودو نهدرو
هنا معناها لا تتنصتي علينا هنا الكلمة هذة تفيد عدم التصنت

[far.light]

هده الكلمة تعني لا تسأل وهي متداولة الان وهدا هو معناها
نتمنى تلقا معناتها لاجل الاستفادة

[yacinevisa]

السلام عليكم
انا نعرف ناس جيجدل فقط ينطقو حرف القاف - كاف
القلب يقولولو الكلب
كيما المفتش الطاهر يكرهوه الجواجلة لانو يقلدهم في هدرتهم//// راك بديت تكلكني///////

[redha12]

معناها ما تسقسيش و لهجة قسنطينة مغمومة و انت سمعتها تصكصيش
يعني لا تسال