اقتباس:
المشاركة الأصلية كتبت بواسطة freeman2008
أولا أنا مانيش غبي
ثانيا يا خويا لكان جيت عيساوي حر من دمي و لحمي ما هوش هذا رايك فيا و في الكلام لراني قلته
|
السلام عليكم و رحمة الله و بركاته
يا خويا ما قصدتش نجرحك بكلمة ''غبي'' و إذا كنت زعفان راني متخطي...
يا خويا راني معاك مانيش ضدك بصح أنت ثاني قلتلي''جخرارة''...
مادام أحنا ماناش متفاهمين و نكرهوا بعضنا و نحسدوا بعضنا كيفاش تحب البراني يحترمنا و يديرلنا قيمة...
إذا كان في مسعد مثلا أولاد طعبة يضحكوا على ولاد عيسى و كلهم اولاد نايل،كيفاش تحب واحد جاي من العاصمة أو من ولاية اخرى يحترمنا؟؟؟
و منبعد راك قلتلي خاب ضنك فيا،علاه؟؟؟
أنا تكلمت على الفساد الإداري،روح شوف أغلبية الإدارات اللي تلقاهم خدامين ثمة وليدات البلاد يعني بن عمي و بن عمك
شوف واش راهم يديروا فينا من المكر و العنصرية و السابوطاج و الرشوة...
نعطيلك مثال:مستشفى مسعد كان زريبة نتاع غنم قبل ما تجي المديرة نظماتو و طبقت القانون و رجع سبيطار نتاع الصح بعد ما كان متسخ متعفن و المرضى مساكين في حالة و تلقى الممرضين ما همش لاهيين بخدمتهم لاهيين بحوايج أخرى...
و المريض يعاني ما يلقاش حتى واحد يبدللو لفراش نتاعو...
مع أنه السبيطار كان تحت أيدي وليدات لبلاد...
روح شوف البلدية واش راه صاير فيها مع أنه مافيهاش خدام واحد خاطي لبلاد إبتداءا من المير إلى غاية البواب...
اللي حبيت نقولهالك يا خويا:أحنا شينين في بعضانا و نكرهوا الخير لبعضانا هذا هو المشكل...
يا خويا نعتذر منك مرة أخرى و نطلب منك السماح،بصح مرة أخرى حاول ما تسيئش الفهم...
سلااااااااااااااااااااااااااااااام...
( تقرير عن مشاركة سيئة )، و الموجودة أسفل كل مشاركة .
2010-07-20, 17:57
العرض العادي
