أنا نادمة كيف أصلح ما فعلت

[دمعة على خد الزمن]

انشاالله تمر بخير بصح فوتي كل ما ترينه او تسمعينه وحاولي تتقربي من حماتك واطلبي السماح منها أكثر من مرة ومتنسايش خذي معك هدية لتسعدي قلبها وكل عام وإبنك بخير

[كمال الاسلام]

ربي يصلح الامور ان شاء الله


هذه هي العائلة فيها المشاكل

الصبر ثم الصبر ايتها الاخت


وعاملي من يسيء اليك باحسان ولا ترد له بالمثل

سوف يأتي يوما ويعرفون انهم مخطئون في حقك

[مريم الطالبة]

لازم عليك تطلبي السماح من حمويك علاخاطر راهم في مقام والديك و حتى و لوكان مايسمحولكش انتي ماتقطعيش الامل و ابقاي تطلبي السماح حتى يسمحولك لان برضاهم تتصلح الامور و استعيني بالصبر و الصلاة و اكثري من الدعاء ........... الصبر ثم الصبر ثم الصبر لان الحياة الزوجية دائما فيها بعض المشاكل فقط عليك ان تتصرفي معها ببعض الحكمة حتى لاتتفاقم الامور و المشاكل في العائلة........... و ان شاء الله فيها خير

[حواء]

يا ترى كيف جرت الأمور
ان شاء الله على خير
الله يصلح الأمور

[سَلْسَبِيّلْ]

اختي الفاضلة خلي ماتروحيش لان الجرح مازال ماطابش خلي نيهداو ولازم تطلبي السماح من مرت سلفك واهل زوجك وهذه الدنيا هكذا لكن لازم نتعلمو من اخطائنا همك نساناذي في همومي الله يكون معاك

[karimi]

الحمد لله على كل حال

[غصون الاسلام]

اتركي كل شيء للايام

فالايام كفيلة بارجاع الامور الى مجراها الطبيعي


و كان الله في عونك

[ساحرة الجزائر]

إعتذري للجميع .....وإن لم يتقبلوا اعتذارك واش عندك فيهم ...احكمي دارك وزوجك وما تدخليش بين زوجك واهله لانه مهما يكون تبقاي انت البرانية وهو ابنهم ........ حسب حكايتك رايحة تبقاي انت المذنبة في حقهم ماشي ابنهم ..لكن رغم ذلك ....اجبدي روحك عليهم وما تهدريش عليهم مع زوجك ....خليه يدبر راسو مع اهله .....لكن في نفس الوقت ما تحرشيهش عليهم....

[ام رنا]

رمضان راه قريب ان شاء الله وهو شهر التسامح والمحبة اختي
في جال زوجك وراحتوا لان اكيد يكون قلبه يتقطع على واش صار
روحي لامه واطلبي السماح عارفة انه صعب انك تروحي تعتذري لكن ماعليش باش حياتك تمشي بطريقة مليحة اطلبي السماح واعملي لهم فطور رمضان عندك
وبعدها من رائيي نقصي من المرواح عندهم نصيحة وماتاخدي ماتجيبي حنونة معاهم خاصة من زوجات اخوانه الي هما بنات خالته هاد الشي صعيب هما اهل وانتي الوحيدة البرانية في وسطهم يعني مهما تعملي راح تكوني الدخيلة في وسطهم
يعني اخطي الخطوة خطوة التسامح وربي يوفقك يارب اختي ويعينك

[توتة اميرة]

ما نعرف واش نقولك بصح مادا بيك تستغلي شهر سيدنا رمضان و تطلبي السماح و قوليلهم جابها الشيطان و هادا ماكان و ان شاء الله تتصلح الامور بيناتكم مع انها من الاول كانت شوية مكهربة

[ليلى المغامرة]

علاه يخي تعتذري راهي هي الغالطة والي صاب المراة بالصرع ماهي غير مشيئة ربي سبحانو ولا كاشي واحد دارلها سحور المهم تحبي توطدي العلاقة بينك وبين اهل زوجك ماعليك غير تخطي الجرة تاعهم

ومع الوقت ذرك يعرف كل واحد بلاصتو

[طيب القلب]

المشاركة الأصلية كتبت بواسطة أم براء

شكرا لكل من أجابني
شكرا لكم جميعا على نصائحكم و كلامكم العذب الذي قلل من لوعتي و أحسست فعلا بالراحة لكل ما عملتموه من أجلي

يوم الجمعة سأذهب لبيت حماتي لأعمل عيد ميلاد إبني أرجوا أن تدعو الله لي أن تمر بسلام و تعطوني إقتراحات و نصائح أعزائي و شكرا مرة أخرى

لازم تكوني ذكية وتقراي للبعيد المشاكل العائلية ماشي ساهلة قد توصل إلى العيب أوصيك ختي لازم عليك تسمحي في حقك كي تستمر الحياة انا المشاكل الي فتتها عند ربي خبرها و الحمد لله
ملاحضة
انا في انتضار ردك على احر من الجمر

['' أمة الرحمن '']

السلام عليكم اختي
عليك ان تعتذري من اهل زوجك و تطلبي السماح منهم
وكان الله في عونك

[imene08]

ربي يهديك يا أختي
كان عليك مناقشتها حول علاقتك و ابنها بيهم و لا دخل للآخرين لكنك أخلطت الحابل بالنابل
واش نقولك إعتذري
صدقيني أنا وحدة لوكان درتيلي هاكذا "ممكن نسامحك لكن ماننساهالكش" حاولي مرارا و تكرارا و في كل مناسبة تعتاذري و الهدية تؤلف بين القلوب
ماما تقولك أعتذري من زوجة سلفك و كناتها اللأخريات لأنك أحرجتهن أمام عجوزتك حتى و إن أخطات هي أيضا لأنها تحدثت بالسوء عن أم زوجها أمامك
ديري لمة أعرضيهم كامل فيها و اعتذري علنا و تناقشوا في الأمر و صفوا النفوس
و أخزوا الشيطان و ربي يجيب ساعت الخير

"ربي معاك"

[مجنونة بخيالي]

ربي يعاونك اختي
هذي المشاكل تصر في كل العائلات اختي ديري واش قالولك اطلبي السماح وديري اللي عليك بصح الا ماقبلوش انتي اجبدي روحك بصح لازم ترجعي راجلك ليهم ماشي مليح يقعدو معاديين بعضاهم مهما كان هذي مو
اختي ماتقلقيش روحك
طمنينا عليك