منجحتش

[B|-_-|F]

المشاركة الأصلية كتبت بواسطة سارة

و الله انا احسدك على كلامك رغم ماانت فيه ربي يحفظك و يجازيك بصح الباك كان بالنسبه ليا كل شئ

أختي
شوفي أشحال في عمرك
و شوفي أشحال الدنيا طويلة
و شوفي أشحال من الفرص أكتر من الباك

إن شاء الله خير

[عبدالباسط عبيد]

ويبقى الامل....

[B|-_-|F]

المشاركة الأصلية كتبت بواسطة سارة

ههههههههههههههههههههه اكيد راهم خاوتنا ربي يوفقهم قلبك كبير تستاهل كل خير

إن شاء الله تلقاي رجل صالح لــينسيك ألم الباك

[mimi_dellys]

و عسى ان تكرهو شيئا و هو خير لكم
ماعليش اختي ربي هو اللي شاف صلاحك
وقل لن يصيبكم الا ما كتب الله لكم

[h3-power]

https://www.djelfa.info/vb/showthread.php?t=340920
لاتفقدي الامل

[شيماء13]

ماتفقدوش الامل
وعسى ان تكرهوا شيئا وهو خير لكم

سارة ختي وعلاش راكي اديري بلاك خير ماتحصيه العام الجاي تجيبيه فوور حنونة

[ل..ب..ن..ى]

السلام عليكم ورحمة الله تعالى وبركاته

اختي سارة
اسمعيني مليح
وماتقنطي روحك ما والو

(ولا تيأسوا من روح الله إنه لا ييأس من روح الله إلا القوم الكافرون). سورة يوسف

(وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون )

استخيلي روحك جبتي الباك ب 10.00
واش كنتي راح تديري بيه
بالاك تطيحي في شعبة ما تنجميش تكملي فيها حياتك !!!!

كل عطلة خيرية
والله لا يضيع من احسن عملا

ماتنسيش بلي الجامعة واعرة
سورتو ادا كنتي في شعبة وانتي حابة شعبة اخرى

هكدا تضيعي سنين من حياتك ماشي عام واحد برك

ماتقنطيش روحك اختي
وابتسمي
خاطر الباك ماشي نهاية الدنيا

شقيقتي في عامها الاول لم تتحصل على الشهادة
وكانو كامل الناس دايرينها بلي تربح

خلعت الغاشي كي ماجابتش الباك
قنطت وقريب تجيبها في صحتها

كانت تقول ياربي غي 10.00
المهم عاودت الباك
والحمد لله جابتو والمعدل تاعها اهلها للشعبة اللي حبتها

وراهي اليوم في السنة 4
ومن المتفوقين في الجامعة

استخيلي لوكان جابتو هاداك العام
لوكان راهي تتكور بين الشعب
ولا تعاود في السنة الاولى

خسرت عام
وربحت سنين حياتها

ماتقنطيش روحك

حتى لالجيري ما تكاليفاتش هههههه


العام الجاي ان شاء الله نفرحو بيك

افرحي حمومة خاطر القراية ماشي هي كلش

ربي يوفقك اختي

وماتنسايش بلي كي تقنطي روحك
راح تشبني خفيف هههه


ايمالا اضحكي
وربي يوفقك




سلااااااااااام

[سلسبيل02]

اختي سارة عسى ان تكرهوا شيئا وهو خير لكم
نتي تعبتي ودرتي لي عليك وربي ما فيه غير الخير ان شاء الله العام القادم

[نينا الجزائرية]

المشاركة الأصلية كتبت بواسطة سارة

ربي يحفظك على وقوفك جنبي بصح اختي هادي المرة الثانيه و جبت9.72 و الله رح نهبل كرهت كل شئ فقدت الامل مشكورة على وقوفك معيا بصح تعرفي بلي الدموع يسيلوا وحدهم كي تسمعي الزعاريد نتاع الجيران للاولادهم

ختي صديقتي مقربة تعرفت عليها في جامعة مرة ثالة او رابعة باش جابتو
متفقديش الامل هذي المرة بتسعة عام جاي ب14 معدل
اذا مقدرتيش تعاوديه نظامي عادي عاوديه بالمراسلة وحاولي تعملي تكون
او ممكن تدخلي جامعة التكوين المتواصل
وكاين معاهد تستقبل مستوي نهائي ادرسي ثمامك
مهيش نهاية العالم الباك
كيما قال الاخ ممكن تلقاي زوج صالح ح
ممكن تنجحي في تربص
خاصة الاعلامي الالي راه مطلوب تقني سامي في اعلام الي
وتتحصلي علي منصب عمل
قوليلي لوكان نجحتي بمعدل عشرة واش راحة تسجلي بيه
ممكن تعاودي تجوزي باك اخر
لان معدل عشرة مراهش يفتحلك باب باش تدرسي عشبة ترضي طموحاتك
الوفات تخرجو بليسانشس
الجامعة تخرج البطالين خاصة الفرع الادبي و العلوم الانسانية
الاف الحقوقيين الصحافة والاعلام والادب وعلم النفس وعلم الاجتماع
اختي بشوبة تفز وعون وتوكل من الله
راح ينفتحلك باب النجاح

[kawo]

ana tgani majbtosh wkraht kawi kraya

[عاشقة الحور]

و عسى ان تكرهوا شيئا و هو خير لكم و الدنيا ما هيش رايحة تخلاص كي ماجبتيش الباك نورمال خيرها في غيرها

[cherifc]

ألى كل من لم ينجح في هذه البكالوريا المهزلة ....اقول له هارد لك في العام المقبل اين سيكون الباك له معنى وقيمة لا تياسو منروح الله هناك من تحصل على الباكالوريا في المرة الثانية او الثالثة وهم الان اطباء ومهندسون و....ناجحون ربما اراد الله بكم خيرا واراد ان تتحصلو عليه بمعدل جيد يؤهلكم الى تخصصات جيدة لان الباك بمعدل 10 ليس باك حقيقي لانهم سيفرضون عليهم تخصصات مال اصحابها هو التقاعد المبكر دون العمل حتى ....اتمنى لكل راسب هذه المرة الفوز في المرة القادمة .....سارة الدنيا ليست باك فقط ...اتمنى لك حياة سعيدة وتوفيق دائم في حياتك وهارد لك في الباك المقبل ......تحياتي

[kawo]

lala maalish njib bac 10 nrayah o moin jabto ana 4foi wmajbtosh

[ل..ب..ن..ى]

سارة.............B|-_-|F.................kawo

ان شاء الله
ربي يوفقكم العام الجاي

ماتقولوش خسرنا الباك
خاطر ماخسرتوهش ..........
انها عثرة فقط في مشواركم الدراسي
وحياتكم الواقعية

وكل عثرة تنوض منها

سارة قلتي ان عثرتك هده هي الثانية

علابالكم حاجة؟؟؟؟؟؟

اينشتاين عاود الباك 7 خطرات
في 6 مرات ماجابوش مايغيضكمش الحال

احد اشهر جراحي الجزائر
السيد سعيدي عاود عامو الاول في الجامعة

من لا يخطئ لا يتعلم
راكم تغيروا
خاطر تعثرتو وفقتوا بعثرتكم
وان شاء الله تصحوها نحو الاحسن

ماتغيضكمش عمركم

هده نقطة من الدنيا


سلاااااااااااام

[cherifc]

أختي kawo الباك ليس كل شيء حياة المرء مليئة يالمسرات والنجاخات احسن من الباك..ربما الله لا يريده لك لانه ليس فيه خير لك ... هناك من تزوجت وبنت اسرة واولاد وهي الان احسن من كل اللائب تحصلن على الباكالوريا هذا مثال فقط وهناك من ذهبت الى الجامعة وانجرت الى عالم الرذيلة رغم انها بنت ناس بسبب الوسط الذي تعيش فيه في الجامعة ...انا اعلم انك بعيدة عن هذا فقط اردت ان اضرب امثلة عن انه ليس الباك هو كل شيء فهناك من تخرج وهو الان على مشارف الخمسين ولا يشتغل ...على الانسان ان يكون مؤمن بالله وبالقضاء خيره وشره وربي يصبركم