حادثة طريفة - الصفحة 2

اشراقة ميمي الصبح · 2010-05-25, 16:46

اقتباس:

المشاركة الأصلية كتبت بواسطة imad cabiste

هههههههههه فكرتيني في العام ليفات غبت أنا و5 صحابي 15 يوم ورا بعضاهم حتى بعثولنا كونفوكاسيون لدار
أيا زهري كي جيت خارج لقيتها حذا الباب هزيتها ولقيت جارنا برا ديتو معايا باه يدخلني كي رحنا للمراقب العام مابغاش يدخلني قالو لازم باباه
أيا لعشية هذيك يا بعد عاودت رجعتلو أنا وصحابي صحابي كامل دارو سارتافيكا غير انا كي روحنالو كل واحد عطاه السارتافيكا ماقبلهاش عليهم وحاوزهم كامل أنا قتلو راني جبتلك بابا الصباح قالي ماشفيتش قتلو اشفا مليح الشيخ يخي جيناك وقتلي لعشية ارواح نعطيك بيي قالي اييييييييييه صح شفيت عليك ( شعرة قتلو علاه تكذب) وعطاني بيي وصحابي حاوزهم نتفكر اللحضة اللي قالي فيها شفيت عليك نموت بالضحك

يعطيك الصحة لعبتهالو

اشراقة ميمي الصبح · 2010-05-25, 16:47

اقتباس:

المشاركة الأصلية كتبت بواسطة قطرة حنان

قتلتوني بالضحك و خاصة انت يا عماد غشيتيه حتى في الهدرة
انا عندي ياسر حكايات ....>> و تقدرو تقولو نسيتهم ...>> كيف نتفكر راني نجي نحكيلكم وعد

رانا نستناو

الهام الحياة · 2010-05-25, 22:09

راني تفكرت حادثة بصح ماش طريفة ... جامي ولا نسيتها
نهار كونت عند عمتي.. و عمتي عندها كلب واعر ياسر ... خطرت كيف كنت انا و بنات عمي نلعبو تحل هاداك الكلب .. هربنا الكل نجريو و انا لقيت الحل خرجت للشارع فرحانة و نحكي في الحكاية للناس... و في الشارع كانت كاينة عركة ...>> 2 اولاد يتعاركو .... امالا انا قاعدة بحد الباب و قاعدة نحكي.. و الطفل هداك رمى على صحيبو زجاجة مكسرة ... ماعلاباليش كيفاه حتان لقيتها في راسي ... هاداك النهار نشفت من الدم تقريبا ... و مبعد اداوني للسبيطار و خيطولي راسي
الحمد له ما قاستش مخي .. وسلكت على خير ..
الى حد الان هادي نتفكرها مليح مليح ..

asma1856 · 2010-05-25, 22:15

هههههههه حكاياتكم مضحكة انا غدوة الا ما نسيتش نحكليكم

الهام الحياة · 2010-05-26, 10:57

هيا اسماء وين راك ... راني حابة نضحك شوية