راااه قرّب الصيف...و تبدأ الأعراااس...تعرفوا واااش كاااين مور العرس؟؟؟...هههههه...شاااركوناااا

[الأمل القااااادم]

المشاركة الأصلية كتبت بواسطة toufik3480

احنا الحمد لله مكانش البدع بزاف .... مكانش لاصال .قاعة الحفلات وغيرها .المهر يتراواح بين 19 دورو وبين 20 مليون فرق شاسع ههههههه لأنها تختلف من الى .. يقولوا العريس يعرس ولمشوم يتهرس هههه.....موضوع قيم شكرا لك

أنتم باااالاااك مااازااال محاافظين على عوااايد زماااان...بصح المهر عندكم رااااه
غاااالي
لم تذكر لناااا واااش من ولااااية
أهلااا بيك

[الأمل القااااادم]

المشاركة الأصلية كتبت بواسطة khaledinho

ما كلاااه نحكيلك عندنا اههههييه حاجة أخرى
لازملك عام وانا نحكيلك
يقولو ** زواج ليلة يليقلو تدبير عام **

احكيلناااااا الملخص
رااااك درتلنااا تشويق
بااااش نعرفوا أعرااااس ناااس الجلفة
في انتظاااارك أخي
لااا تبخل علينااااا

[الأمل القااااادم]

المشاركة الأصلية كتبت بواسطة ryyyma

انا في حياتي ما حضرت عرس الا اعراس العائلة لي قراب بزاف

و كل واحد كيفاش يدير عرسو كيما حنا، في عائلة ابي يديرو فالدار أما في عائلة ماما يديرو في الصالة
أما بالنسبة للتسديرة ف في عائلة ابي لازم العروسة تلبس الشدة تاع تلمسان لأنه من الغرب أما عند عائلة ماما فلازم تلبس العروسة اللباس العاصمي

أما عن المهر ففي كلتا العائلتين ما يشرطوش الدراهم و انما يشرطو الهناء و على الراجل يفهم بلي لازم يمد دراهم حتى و لو ما شرطوش

مليحة هااااذي
و عندمااااا تزوجتي انت
وااااش من عااادة ديريهاااا
تااااااه الأب أو تااااع الأم؟
شكراااا لكي على المشاااااركة
نوّرتي الصفحة
أهلااااا

[rafika1988]

مشكورة اختي الكريمة على الطرح المميز اما عن الاعراس في منطقتنا اليكي هذا الرابط واقرئي المشاركة رقم 10 ستجدين الشرح المفصل عن عادات وتقاليد اعراسنا

https://www.djelfa.info/vb/showthread.php?t=138051

وربي يدوم الافراح ان شاء الله

[الأمل القااااادم]

المشاركة الأصلية كتبت بواسطة bio_lmd21

موضوعك متنوع
مشكورة أختي

بالنسبة لعائلتنا ليست هناك مشكلة في الذكر أو الانثى فنحن سواء عند والدينا

عندنا الوالد يدلل فينا احن البنات
بصح ماما تدلل في الدراري
عجب رانا عايشين بالعكس

و الحمد لله أسرتنا متدينة و مثقفة بما يكفي ليعلم الأب أن تحديد جنس المولود يكون من خلاله
فكما نعلم الأب لديه كروموزم جنسي XY
أما الأم لديها XX
و المولود المحتمل يكون بتطبيق الخلط المورثي للجينات
يعني حتى يكون لدينا
ذكر لازم XY
أو أنثى لازم XX
و المعنى أن الأم المسكينة ما عندهاش Y لي عند الأب باه يلومها على الأنثى....
هذا بين قوسين فقط للآباء و للمقبلين على الأبوة ربي يهدينا أجمعين

بالنسبة للتسمية في دارنا لي يسبق للطبيب منهم في زوج يسميه هو
بابا سماني و سمى الدراري
و ماما لحقت و سمت غير أختي

و لكان الزوجة تتعب و تجيب الأولاد و تهتم براجلها
و الله ماهي خسارة فيها مليون منصورية
و ما فيها والو ساعة على ساعة تنحي على بالها تلبس المنصورية مكان مئزر المطبخ
و دير العطر مكان رائحة الثوم و البصل
و دير ماكياج بدل الغبار

مادابيا نشوف ماما تحط الحطة في لعراس
كنشوفها فرحانة بالدنيا و ما فيها
و مادابيا الأزواج ساعة على ساعة يتفكروا نساهم بهدية بسيطة دون مناسبة....

مع العلم أني ما نروحش لعراس ههههه
يكسرولي راسي بالحس
وزيد غير المشاكل
و أهم ما فيه يديرولك سكانار مع الدخلة
وش لابسة..كفاه تمشي...و قداه مديت العون والا الكادو....يا يمى على النساء

و العرس كان وحد الزمان غير في الدار يديروه
درك احم احم
ندير عرس ولدي والا بنتي في لاصال و الا ماكان لاه
و زيد لازم فرقة عيساوى تدخل لعروسة من الطوموبيل حتى لاصال لداخل
مبعد فقيرات مع العشية +قهوة +حلويات بين قوسين عصرية غير الللللللوز يخبط*هلكونا بعجينة اللوز القاطو كامل كيف كيف غير اللون و الشكل يختلف هههههه*
لعشيه يجيبوا فنانة مشهورة لازم للنساء في لاصال
والرجال راكم تعرفوها*تحيي السهرة فرقة فلكلورية* ههههه
و لي ما عندوش باه يجيب فنانات والا فنان
لازم Dj مليييييح

و الحمد لله كاينين ناس يديروا العرس بالأناشيد الدينية و كاينين لي يجيبوا فرق ملاح

العشاء يبداوا يعشيوا الناس البرانية مبعد يعشيوا لافامي هههههه مساكن
و العشاء كل واحد و مقدوره
على العموم
شوربة+كسكسي والا شخشوخة+مرقة زيتون+سلطة+ديسار+ليموناد والا عصير
عندنا في لا فامي
احم احم
يديروا شوربة+كسكسي+دولمة بالزيتون+دجاج محمر وحده +سلطة متنوعة يعني فيها كلشي *ماسيدوان*+ديسار+عصير*و ساعات تلقاي لي يدير مرقة حلوة*باللوز تاني هههه*
احم احم
يعني لي يجي عندنا لازم يكون تقريبا صايم نهار كامل و ادا غلط و جانا متغدي خلات عليه السبيطار يعيط *لا قدر الله*
راني نضحك معاكم برك

العروسة
قبل ما تجي سيييير خطبوها
كاينة منها
يعني كاين خاتم خطوبة+لاطارت *لازم كبيرة* هههههه
و يتفاهموا على الشرط فيها
كل واحد و عقليته
بصح على العموم عندنا يقولوا مالين لعروسة. احن ما نشرطوش
مالين لعريس.كي ما تشرطوش احن نشرطو على ارواحنا
صداق بنتكم 10 ملايين سنتيم+مقياس نحاس هههه ذهب باينة خلاص*و كاين لي يجيب طقم بارير بالعربية +و خاتم للعقد+خاتم للفاتحة+*ادا حبوا سلسلة مع الصوف* و الصوف لازم يكون تع كانيش ههههه
و كيفاه ....عبالكم لازم لاكاليتي

بالنسبة للعائلة نتاعي يقولك الفايدة في لهنا
*يلعبوها برك أو فاقوا هههه سير كون يقولوا مالين لعريس نقدروا نجيبوا غير الخاتم بابا علابالي بيه نورمال
بصصصصصح ماما....بعد ما يروحوا نعلقولها السيروم في السبيطار
لاتونسيون طاحت
وين راح بالك....
لالا....
مسكينة ملفرحة بالخطابة ما كلات حتى حاجة حلوة من الصباح علابيها طاحتلها لاطونسيون هههههههههه

من جهتي لوكان نصيب ندير كلشي في نهار واحد
و كي ندير الخطبة ندير العرس وراها بشهور برك
باه ما نكتروش على العريس
راكم تعرفوا....هدا عيد صغير...وهدا عيد كبير...والمولد يعيط.....
و لازم ندير الخطوبة وراء عيد ميلادي و لعرس قبل ما يلحق عيد ميلادي الجاي ههههههه
و الحق تاع ربي
لوكان نشرط نشوف قيمتي في هداك الشرط
و انا قيمتي اكبر من أي شرط
و الفاهم يفهم
الفايدة في لهنا و راحة البال
أقلهن مهورا أكثرهن بركة
و للشباب ادا العروسة عاونتكم هدا ما يخليكمش تحطوا من قيمتها من بعد.....راكم فاهمين واش راني نهدر
و بارك الله فيكم

بين قوسين التقاليد و العادات لي هدرت عليها راهي من الشرق الجزائري

المهم
بالاك كترت ملهدرة
أختي ام انفال الله غالب رانا غارقين في مجال البحث العلمي
و هدا الموضوع نحالي على بالي و خلاني نهدر....نهدر...نهدر
اففففففففففف
غلبت
راني نزيد نولي و الحاجة لي نتفكرها نزيدها
.
.
.
.
.
.

ماااا شااااء الله
قلتي و فصلتي
ماااا خليتي وااااالو
ربي يجيبلك ولد الحلاااال
و يعطيك على حسااااب قلبك
فعلاااا رد راااائع
أنت لي نحيتيلنااا على قلبنااااااا
مشكوووووورة
أختي
و أهلاااا بيك في أي وقت

[انس البليدي]

حنا لعراس عندنا .........اذا مادرتش قاطو باللوز ..الخ كيشغل مادرتش عرس

[توفيق3480]

المشاركة الأصلية كتبت بواسطة **أم انفال**

أنتم باااالاااك مااازااال محاافظين على عوااايد زماااان...بصح المهر عندكم رااااه
غاااالي
لم تذكر لناااا واااش من ولااااية
أهلااا بيك

من ولاية برج بو عريريج ... تختلف حسب العرش الذي تنتمي اليه العائلة . فالقبايل اذا كان زوجوا الطفلة لوليد عمها فمهرها 19 دورو ويدبر راسوا منين يجيبهم

[thorpe]

هههههههههه والله موضوع قمة قمة يا اختي الغالية يعطيك الصحة في الطرح وطريقة الطرح والصور والكلمات هههههههههههههه
اما عن الاعراس انا كرهتها غير من اعراس خاوتي الكبار ههههههه لانو الدمير والقضيان كامل كان على راسي وزيد نشفى على خويا نهار تزوج كان الماء ما كانش والعين ما تجيش بزاف وراكي عارفة العرس يدوندي الماء هههه الله غالب وليت حمار نقل الماء وندير هادي وزيد هادي و الي قالتلهم احبسو رحت لعرس عمي طاحت فيا القرعة انا و2 اولاد عمي نغسلو الماعن نتاع العرس ياااااااااااااااا ربي ههههههههه بنات عمي قاعدين ويضحكو عليا وانا يديا بالصابون والخزم والمشكل الماعن كل دقيقة يزيدو ما نعرف منين يجيو ايا دورت وراي لقيت واحد قلتلو ارواح دقيقة كمل هادو نروح نقضي حاجتي ونولي ههههه رحت ما وليتش قلتلهم باي باي
اما المهو على ما اضن كانت 10 ملاين و الاعراس نتاع خاوتي الاثنين كانو في لاسال الاولى كانت صالة بسيطة والثانية كانت كادو هههههههه
شكرا جزيلا على الموضوع الرائع والله ضحتيني صح
ربي يجيبنا بنت الحلال ان شاء الله

[الأمل القااااادم]

المشاركة الأصلية كتبت بواسطة bio_lmd21

انت و السوق خويا ندبر عليك زيد اصبر الغرام تع الذهب زاد طلع و المهور راهي في السما

كشم يكون جديد راني نقلك :d

واااااش بيجووووتيي
كل الصيف كل شيء يطلع
ربي مع الشبيبة

[الأمل القااااادم]

المشاركة الأصلية كتبت بواسطة red moon

مشكورة يا أختي على الموضوع

و لكن للأسف أشعر بالغم عندما يكلمني أحد عن الأعراس و عن الزواج بصفة عامة لأنه صار من المستحيلات السبع عند جل الشباب نظرا لتكاليفه الباهضة ناهيك عن غلاء السكن للإيجار أو للبيع.
إذا فالتفكير في الزواج هو مرض بحد ذاته،والله غير تغيضني عمري كي نشوف الأعراس و الكورتاج فيه تقريب 30 سيارة ماركة هاذي كورولا وهاذي ميجان كاسكيطا و هاذي شيفرولي و هاذي كابتيفا ووو و البارود و التزغريد و الكاميرا hd تصور في العرس و الديجي و الطعام و اللحم 10 نعجات و القاطو على كل لون،و أنا و غيري الكثير يشقى و يتعب و يسافر و لكن دوما نحن في الزيرو ما درنا والو،هناك فتاة من أقاربي طلبتها للزواج على بالكم واش قالتلي قالتلي يا إما أتدير كيما الناس أي كما ذكرت سابقا يا إما درق وجهك علينا و هاذ الهدرة ما تزيدش تعاودها،علاش كون ما عنديش الدراهم باش ندير عرس ب 40 مليون و نشري شامبرا ب 6 ملاين أو أكثر رغم أني عامل و عندي دخل محترم يسمح لي بالعيش الكريم و لكن العقبة الوحيدة في طريقي هي الزواج اللذي أصبح كابوس مفزع،أكره الأعراس أكره الصيف و الخريف و الشتاء و الربيع و كل الفصول الأربعة أكره كل شيء من حولي.
آســــــــــــــــــــــــــف و أرجــــــــــــــــــــــــوا المعـــــــــــــــــــــــــــــــــذرة
أني اثرت الهموم في نفوس الكثير و لكن للأسف هذه هي الحقيقة المرة و في الأخير

123
viva
l'algerie

لا تتأسف أخي
كااانت فرصة و فرّغت لي في قلبك
و هو حاااال الكثيرين من الشبااااب للأسف
ربي يعطيك الزوجة الصاااالحة
و يفرّج ان شااااء الله
أسعدتني مدااااخلتك أخي
أهلااا بك

[الأمل القااااادم]

المشاركة الأصلية كتبت بواسطة bio_lmd21

وجدي روحك ماله

عندك ما تشوفي

ماااا تشوووف غير الخير
إن شااااء الله

[mahdidou]

بارك الله فيك هههههههههههههههههه

[الأمل القااااادم]

المشاركة الأصلية كتبت بواسطة bio_lmd21

انت نويت لحلال و حبيت السترة ليك وليها
و هي شافت لحلال في واش يديروا الناس
ربي يطيحها في لي يجيب كيم الناس
و ربي يطيحك في لي حابه لحلال كيفك

خلاصة القول الطيور على أشكالها تقع
بالتوفيق

اللهم آااااااااااااااميييين
و نعمة القول

[الأمل القااااادم]

المشاركة الأصلية كتبت بواسطة جهاد البيريني

.والله ما نعرف حاجة على الاعراس
الله غالب ما نخدمهمش
بصح شفت صوالح هاك وهاك
يعني الحالة ما تعجبش
وتبقى من خصوصيات المجتمع الجزائري
سلام...

ايييييه ... بصّح احكيلنااا وااااش تعرف على الأعرااااس
واااش هي عاااداااتكم
في الأعرااااس...
في تسمية المولود...
أي حااااجة متعلقة بقبل العرس او بعده

في انتظاااارك
أشكر لك مشااااركتك
أخي الكرييم

[الجزائري_dz]

السلام عليكم


ايه اختي راني عاد مسييتش هههههه

ومنيش عارف واش نحتاجو للعراس
خاطرش انا كي نحضر لعرس غير نزهى و نضحك وتبقاو على خير

بصح انا عندي خويا ان شاء الله راح يزوج هاد الصيف
ان شاء الله ربي يباركلو و يعينو
وانا علابالي بلي دارو المهر 10 على الورق بصح خويا مسكين راهو دافع 14 والكلام
هدا ماني عارف

شكرا اختي فرفورة55 على الموضوع الترفيهي
و التتقيفي


دمت بخير ان شاء الله