لنغير عادات وتقاليد الاعراس

[Nina82]

أنا مع المهر لأنه حق للمرأة ويطلب بالمعقول أما بقية الشروط فما أنزل الله بها من سلطان.
و باقي الأمور كل كل قدر إستطاعته المهم الرضى والإقتناع بالطرف الآخر و كما تقو أمي الحبيبة قسنطينة ما تبناتش في نهار يعني مش لازم تروح عروس لاينقصها شئ فهذا غير معقول تأخذ ما في إستطاعتها و يا من عاش الله كريم.
ثاني شئ كما تقو أمي دائما هههههههه لعناد يدي للواد واحد ما يقارن روحو بالآخر لأنه كل واحد ظروفه لأنك خطبت الفتاة و أنت تعرف ظروفها وهي قبلت وتعرف ظروفك أما أخطر الأمور فهي أ تقبل الفتاة بشخص ليست مقتنعة به أو لا تحبه فتبالغ في المطالب كنوع من التعويض حذااااااااااااري هذا الموضوع لأنه المادة عمرها ولاتعوض هذه الأمور المعنوية فمهما قدم هذا الزوج المسكين فهي كالذي يشرب من ماء البحر فلا يروى أبدا فهذا ظلم بين لنفسك و لهذا الإنسان الذي ستتربطين به رغم هذا أنا لا أقصد الحب الخرافي و لكن يمكن أن نقبل ولكن لا نكون راضييييييين فالشرط هنا الرضا والقبول و الله يوفقنا جميعا ويقدرنا ما فيه الخير.
ربنا هب لنا من أزواجنا و ذريتنا قرة عين و أجعلنا للمتقين إماما

[malika massaad]

شكرا للمشاركة والله يعطيك ما تتمناي

[منى84]

المشاركة الأصلية كتبت بواسطة استاذة انجليزية

حنا في قالمة فتنا الولايات كامل :
اولا خاتم تع الشوفة و الطارطا و معليهش يكون معهم قرعة ريحة
ثانيا الفاتحة حاجة ذهب و فخذ لحم و تبديلة مع الصباط و الملابس الداخلية و الريحة و الصابون و الشومبوا و حوايج العشا نديهم لاهل العروس مثلا تليتلي و طماطم و فواكه زيدالقهوة و الحلوياتو الشرط مقياس ت 20 حتى 25 او مليون30 او محزمة + صوارد عموما 50000
مبعد الحنة ااو العطية يزيد يديلها الكبش و حوايج العشا
العقد الخاتم والغاتوو نورمالمو يديها تتغدى للدار
و اخيرا العرس ويلبسلها لا ليونس
و هي لازم دير 4 او 6 او 7 مطارح و بصاطات صوف و بونج و قنادر ثقال الوحدة من 15000 الى 70000....الخ

أنا نسكن في قالمة بصح منيش قالمية راني حرت و تشوكيت في عاداتهم مكانش عادات كيفهم راني درت معضم الولايات ونعرف عادتهم بصح قالمة حبستلي راسي بدليل شوارع قالمة معمره غير بالصياغ .
المهم راني غيرت بعض العادات و بربي انشاء الله العطية أو الجرية راني نبدل فيها مثلا علاه توري العروس أو أهل العريس الفاليزة امام مرأى الناس أو المصور التي فيها ملابس نوم و داخلية تلبسها ليلة الدخلة ماش محته عليا نوري واش كاين فيها هذي خصوصية العروس .
2/ عادات الحنه لا داعي للتباهي ووضع صينية كبيرة فيها انواع من الحلويات و هنا يحدث الخربه بين الحنه أو توزيع الحلويات أنا سأقتصر على توزع صرات فيها قشقشه أي حلوى و لوزة و دراجي ...
3/ مسألة العيود أنا قلتلوا متجبليش العيد بصح عطاهملي دراهم هكذا احسن خير من القاطو اشكال و أنواع حاجه ذهب وووو و عيد الكبير يجيب فخد و حاجة ذهب وووو هذا كل رفضتوا و عطاني دراهم على مقدوروا.
4/عرسوا انشاء الله راح يعمل عشاء خفيف بين أصحابوا

[samasima]

أنا كون من رايي ما نديرش عرس خلاص ندير حفلة عائلية وأنتهى الأمر علاش الفساد كامل
ولا واش رايكم أنتم

[zora1411]

و الله تقاليد اليوم صعبةعلى الرجل أو المرأة الخسارة من الجهتين و كل تفكيرهم في الناحية المادية كيف و كيف و كيف ؟؟؟؟؟ حتى بعد العرس بشهرين أو أقل تبدأ المشاكل لا نهاية لها يجب أن نقف كلنا ضد هذا الأسلوب الغير حضري ..........أسلوب المظاهر ونلتفت إلى ما هوأسمى ........... الحب والود و التفاهم و القناعة لنعيش حياة سعيدة

[كمال الاسلام]

الحمد لله لا شيء من هذه العادات

أقلهن مهراً أكثرهن بركة





المنطقة تاعنا مزال شادين شوية في المهر ومزال منفجر انفجار باقي المناطق

خاصة لشادين في التقاليد

ويوقولوا هي لازم


مثل قسنطينة ولا تلمسان

منعرف يلزم يسرلها فستان تقليدي ب10 ملايين ويلزم 20 مليون ذهب



ربي يهيدنا ان شاء الله

[malika massaad]

مشكوووورين