الفرق بين طالب ثانوي وطالب جامعي ؟؟ ولماذا العنصرية - الصفحة 2

نينا الجزائرية · 2010-02-28, 18:16

بارك الله فيك خويا الصغير علالو موضوع يستحق النقاش فعلا

نعم هذيي ظاهرة منتشرة
التكبر علي ماذا حتي مستوي الجامعة راه في الحضيض
ولانا درست في الجامعة ومكان والو اذا مدرستش خارجها وقريت كتب
ولا متدي والو من الاساتذة مناهج قيدمة اكل منها الدهر وشرب
تاني مستوي الطالب حدث ولا حرج اعوامهم كلها يدوها من التنقال والكوبياج
الكوبياج في الطوالب الكراسا ختي الحيوطة يا عجبة ربي مسلكوش منهم
في الاخير حامل تلك الشهادة يخدم بيها ولا يخرج استاذ راهم رايحيين يهردو البلاد
هذا ميعنيش ان هناك ناس تقري بجدية ومنضبطة وتقري من اجل التوفق والعلم
لكن تاكد 80 بالمئة دايينها تمسخير وتجواز وقت وامور تافه من بينها العشق والغرام
اخي لا فرق بينك علالو الانسان المثقف والثقافة لا تقاس بشهادة
فلرنها في الاجيال التي سبقتنا ثقافة واسعة
وبين جيلنا الان طبيب متخرج حديثا ولا يفقه شيئا الا ما درس اذا كان متمكن من ما درس
اما بالنسبة لامنيتك في التجنيد نقولهالها ونعاود تحصل علي شهادة البكالوريا لانها تساعدك لتدخل مدارس عسكرية وتقدر تبني مستقبلك المهني في العسكر
لانو كثير راهم ثماك وكي تكون بقرادك افضل من جندي بسيط
واخيرا كل التوفيق ان شاء الله
ربي يحفظك ويخليك دائما من الناجحين يا رب
اختك الكبيرة نينا الجزائرية

¨°o.سيدو~علالو.o°¨ · 2010-02-28, 18:43

اقتباس:

المشاركة الأصلية كتبت بواسطة thorpe

لا شكر على واجب اختي imane32 راني قلت حوايج برك ماشي كلش لانو كون نحكيو كلش ههههههههه نولي انا هو صاحب الموضوع ماشي خويا علالو هههههه راني غير نمزح ما يزعفش مني خويا لعزيز

المهم ان شاء الله يقوينا ربي ويوفقنا على قول الحق حتى ولو كلفني الامر حياتي تحياتي للجميع

*يكفيني فخرا ان تشاركني الموضوع ولا نقلك راه ليك الموضوع*

*سلام*

¨°o.سيدو~علالو.o°¨ · 2010-02-28, 18:48

اقتباس:

المشاركة الأصلية كتبت بواسطة نينا الجزائرية

بارك الله فيك خويا الصغير علالو موضوع يستحق النقاش فعلا

نعم هذيي ظاهرة منتشرة
التكبر علي ماذا حتي مستوي الجامعة راه في الحضيض
ولانا درست في الجامعة ومكان والو اذا مدرستش خارجها وقريت كتب
ولا متدي والو من الاساتذة مناهج قيدمة اكل منها الدهر وشرب
تاني مستوي الطالب حدث ولا حرج اعوامهم كلها يدوها من التنقال والكوبياج
الكوبياج في الطوالب الكراسا ختي الحيوطة يا عجبة ربي مسلكوش منهم
في الاخير حامل تلك الشهادة يخدم بيها ولا يخرج استاذ راهم رايحيين يهردو البلاد
هذا ميعنيش ان هناك ناس تقري بجدية ومنضبطة وتقري من اجل التوفق والعلم
لكن تاكد 80 بالمئة دايينها تمسخير وتجواز وقت وامور تافه من بينها العشق والغرام
اخي لا فرق بينك علالو الانسان المثقف والثقافة لا تقاس بشهادة
فلرنها في الاجيال التي سبقتنا ثقافة واسعة
وبين جيلنا الان طبيب متخرج حديثا ولا يفقه شيئا الا ما درس اذا كان متمكن من ما درس
اما بالنسبة لامنيتك في التجنيد نقولهالها ونعاود تحصل علي شهادة البكالوريا لانها تساعدك لتدخل مدارس عسكرية وتقدر تبني مستقبلك المهني في العسكر
لانو كثير راهم ثماك وكي تكون بقرادك افضل من جندي بسيط
واخيرا كل التوفيق ان شاء الله
ربي يحفظك ويخليك دائما من الناجحين يا رب
اختك الكبيرة نينا الجزائرية

*مش عارف واش نقلك والله والله والله*

*غير ردك تطرق الى عديد من المواضيع*

*وهدا يدل على مستواك العالي من الجوانب*

*الثقافي الاجتماعي التوعوي التربوي*

*راك طايرة خمسة وخموس عليك اختي.. اختي الكبيرة*

*وزيد فرحني بزاف بزاف بزاف*

*يارب يفرحك ويوفقني في حياتي برك هذا واش نتمنى*

*وشكرا على طيبة قلبك...وعلى ردك الحلو*

*ربي يحفظك ويسترك ويخليك للمنتدى ولينا كامل يارب*

*ويحققلك واش راهو في قلبك آمين يارب العالمين*

*منعرفش نشعر كون راني شعرتلك شوية*

*مي مكانش الرد كيما رد من القلب ولا واش قالوا ؟؟....دعواتكم*

*وربي يجيب الخير*

*سلام*

¨°o.سيدو~علالو.o°¨ · 2010-02-28, 19:12

اقتباس:

المشاركة الأصلية كتبت بواسطة كمال الاسلام

وعليكم السلام

كنت راح نكتب الموضوع سبقتني يا علالو

نستعرف بيك

وللاسف هنا في المنتدى
و لقينا هذه الظاهرة

كاين بعض الطلاب الجامعين حسبين روحهم فوق الغاشي

ربي يسترنا ويهدينا

*الله يسلمك اخي*

*الاكيد هذا وقاعنا ورانا عايشينوا*

*عليها قريب كتبتوا انت ولا هو ولا هي*

*ربي يهدينا ويسترنا برك*

*سلام*

¨°o.سيدو~علالو.o°¨ · 2010-02-28, 19:15

اقتباس:

المشاركة الأصلية كتبت بواسطة شهاب

سلام علولو

موضوع بالعامية لازملو رد بالعامية

باش نفهمو بعضنا

أنا نقولك مكانش جياحة كيما الجامعة الا من رم ربي

اللي يطلع للجامعة يحط روحو وصل

وهو هذاك وين بدا

الخاوة نهار كامل وهوما يشغلو بالغاشي ويتكبرو

وما كانش هدرة من عندهم مافيهاش كلمة "أنا"

وهذا الصنف يسمون الجياح جمع جايح

سلام

*اممممممم استماااااااااا جياحة الا من رحم ربك*

*الله اعطينا الصبر خويا شهاب*

*سلام*

¨°o.سيدو~علالو.o°¨ · 2010-03-01, 04:14

اقتباس:

المشاركة الأصلية كتبت بواسطة V0LCAN0

سلام عليكم
شوف خويا ماشي كامل الناس يتكبرو وخير دليل هذا المنتدى الجميع راهم سواسية وكامل رانا نشايخو عادي رغم ان مستوياتنا الدراسية العلمية والثقافية جد متباينة
بصح مرات مالازمش تلومهم خويا لعزيز زوج يقراو طب او هندسة او حقوق يتناقشو في وضوع وواحد صاحبهم حبس قرايتو في الثانوية جالس معاهم صدقوني ما راح يفهم والو وهذا تاني كاين في المنتدى لكل فئة من الاعضاء اقسام خاصة
ولكل مقام مقال انا مثلا درست لغات اجنبية مرات تلقائيا بسبب الدراسة نستعمل اللغة الفرنسية او الانجليزية الكثير من الاصدقاء تبالهم راني نفيس عليهم ولكن الامر عادي ومع الوقت تفهموا الوضع ولي ماتفهمش ربي يسهل عليه
اما بخصوص الدراسة وهذه رساله لك علالو من أخ الى أخيه اياك اياك وثم اياك والله رانا في وقت لي ماهوش قاري واحد ماراه يقيمو
اما الجيش فحدث ولا حرج الضباط ومافوق راهم يتقلشو اما البقيه الله لا يشوفك فيهم

*مقلتش الناس كامل قلت الاغلبية برك*

*وشكرا على النصيحة ان شاء الله نقدر عليها برك*

*ولكتبها ربي اهلا وسهلا بيها*

*شكرا خويا*

*سلام*

¨°o.سيدو~علالو.o°¨ · 2010-03-01, 04:15

اقتباس:

المشاركة الأصلية كتبت بواسطة imane32

عندك الحق خويا علالو الأغلبية نتاع اللي يطلعوا للجامعة تقولي ختارعوا سواريخ كي يروحوا في لويكاند ميقعدوش في الدار يضلوا داخلين خارجين باش نشوفوهم و تلقاهم في الجامعة ما هم والو. بصح كاين خرين ما شاء الله حاطين على رواحهم و يتعاملوا مع الناس كامل كيفكيف مهمش متكبرين و ليعياذ بالله.إن شاء الله في سبتمبر نكونوا في الجامعة يا خويا علالو و منتبدلوش.وغير نحي من راسك العسكر لا خاطر في العسكر ثاني يشوفوا على المستوى نتاعك إمالا كمل قرايتك خير.
تقبل مروري.

*غدوة اهنا وغدوة لهيه ههه هادا هو طالب الجامعي*

*زعما شوفوني ههه ماشي كلهم باش نكونوا متفاهمين*

*ان شاء الله سبتمبر نكوا مع بعض في الجامعة علاش لالا *

*ادعلي اختي ايمان ادعيلي برك*

*سلام*

¨°o.سيدو~علالو.o°¨ · 2010-03-01, 04:16

اقتباس:

المشاركة الأصلية كتبت بواسطة imane32

و الله يا خويا thorpe راك جبتها قد قد و التحليل 100 بالمئة صحيح يعطيك الصحة و جزاك الله كل خير.

*اممممممممم وانا*

¨°o.سيدو~علالو.o°¨ · 2010-03-01, 04:16

اقتباس:

المشاركة الأصلية كتبت بواسطة نورالظلام

ما فهمت هذا الموضوع نديه جد و هزل ....

شوف اللي يتكبر على صحابوا لانو دا لباك هذا مريض ...مسكين تخلع في الشهادة برك

بصح كاين ناس كي تطلع للجامعة تلهى بمشاغل جديدة و دنيا جديدة ...يكون معندوش لوقت باش يرجع يزور الثانوية ...

بالصح اللي صحاب صح صح ما تفرقهم لا ثانوية و لا جامعة ...

اما حكاية العسكر .. ياو راك صغير برك ...عارف وش معنى عسكر ...ما لازمش كي نتقلقوا نهبلوا وشنهي عسكر هذي حذاري

واش نقولك تهلى في روحك و في باك و لا مكانش المشروع اللي تفاهمنا عليه

*حتى انا نعتبروا مريض....اختي مبقاش صغير في الدنيا هادي*

*كامل عارفين وكامل واعين ولكن الدنيا تفرض علينا شي صوالح*

*رايح نندموا عليها ولكن مكانش الحل ؟؟*

*والعسكر فيها فيها ولا بوليسي*

*والمشروع ميتبدلش هو هو*

*دعواتكم وربي يجيب الخير*

*شكرا اختي بزاف بزاااااااف*

*سلام*

¨°o.سيدو~علالو.o°¨ · 2010-03-01, 04:18

اقتباس:

المشاركة الأصلية كتبت بواسطة سمية .ب

و عليكم السلام
هذا الامر يرجع للشخص نفسو و صح كاين بزاف يلي يطلعو للجامعة تتبدل تصرفاتهم و تخلعهم مظاهر الجامعة
لكن يا اخي علالو كل واحد و التربية التي نشا عليه ويلي يكون صديق لك فعلا فلا اعتقد انا الجامعة او اي امر اخر يفرقكم ..
و الجامعة فترة مهمة و انا شخصيا هزيت منها تجارب بزاف
و ربي يوفقك في الباك و ان شاء تنجح باذن الله تعالى
بارك الله فيك

*فعلا على حساب تربية والمتربي متربي*

*الدنيا تجارب ...وجامعة و التعليم جزء من الحياة الدنيوبة*

*ان شاء الله نقدروا نهزو تجارب والايجابيات وبس *

*ربي يوفق ...ويفرج على كل مؤمن*

*بارك الله فيك اختي سمية ودعواتكم*

*سلام*

¨°o.سيدو~علالو.o°¨ · 2010-03-01, 04:19

اقتباس:

المشاركة الأصلية كتبت بواسطة rahma111

ضرب طلة على الجامعة وشوف ..جاب لي ربي هادي حشمة مشي تكبر.
تخلطت عليك برك.

*الجامعة ماشي خالعتني ختي...باش نروحلها*
*لافامي كامل لتم ومنحكيلكش على جيراني وصحابي*
*متخلنيش نقلك جاري طبيب*
*اظن انت تخلطت عليك عوض تروحي لقسم الالعاب *
*دخلتي الموضوع صدفة....شوفتي الفرق *
*قوليلي شكون لراهي مخلطة عليه انا ولا انت هههه*
*سلام*

¨°o.سيدو~علالو.o°¨ · 2010-03-01, 04:29

اقتباس:

المشاركة الأصلية كتبت بواسطة رحيق القلوب

السلام عليكم

كلمة شكر لك اخي علالو على الموضوع المميز و الهادف و انا صراحة باعتبار ي طالبة جامعية اعتبر هذا التصرف نوع من انواع التكبر و حدثت معي هذه الحادثة شخصيا لما ما تحصلت على الباك نتاعي فى المرة الاولى و لما المرة التانية جبتو الي كانو يتكبرو عليا كامل تحطو *

و صراحة انا الي دير كامل هادي التصرفات كامل والله ما نقيمو كيما يقولك الى باعني بالثوم انا نبيعو بقشورو

و للمزيد اخي علالو ماشى غير صحاب الثانويات الي يشكي من هذه التصرفات حتي في الجامعة خويا كاين ناس تقرا معاهم في نفس المجموعة حتي مام ساكسيون يتكبرو تقول غير هوما الي تحصلو على شهادة بكالوريا

و فينالمون كامل راح نتخرجو و كامل حاملين شهادات جامعية و لماذا هذا التكبر ?????????

. وكيما قلت كل واحد كيفاش كاتبلو ربي حياتو كاين الطبيب و كاين مهندس وكاين الماسو وكاين و كاين

واخيرا هذه حقيقة اخي و لاداعي لانكارها في البنات و في الذكور

و الحمد لله ما نيش منهم صراحة اخي و ما تقولش راني نكذب لاني وراء شاشة

تمنياتي لك بالنجاح و دخول ابواب الجامعة ان شاء الله

تحيااااااااااااتي سلام

*شرفني تحليلك هايل بزااااااف...والردك الوافي والكافي*

*باينة انت مش منهم كتبة الخروف معروف*
*قصدي الوجه الخروف معروف*

*دعواتكم............والمكتوب اهلا وسهلا بيه*
*رحيق القلوب بارك الله فيك*

*سلام*

رملاك · 2010-03-01, 04:50

سلام
أنا مازلت ملحقتش للجامعة كي نلحق نقولكم ههههههههههههههه
تحياتي و على حساب ما تحكيلي أختي كاين مننها هذه الظاهرة بصح انا اذا رحت للجامعة مرانيش رايحا ندير هذا التصرف المذموم
لأن التكبر صفة مذمومة نهى عنها الاسلام
تحياتي

سارة · 2010-03-01, 05:05

في البداية اريد شكرك على الموضوع المتميز و هاذي الظاهرة حدثت معي من اقرب الاصدقاء
ولكن ربي يهديهم اما على العسكرية لا لا لازم تثبت وجودك و تدي شهادتك و منبعد تبينلهم بلي انا نجحت مثلكم و متغيرتش شكرا لك على الموضوع الرائع و بارك الله فيك

¨°o.سيدو~علالو.o°¨ · 2010-03-01, 05:13

اقتباس:

المشاركة الأصلية كتبت بواسطة mimicabba

سلام
أنا مازلت ملحقتش للجامعة كي نلحق نقولكم ههههههههههههههه
تحياتي و على حساب ما تحكيلي أختي كاين مننها هذه الظاهرة بصح انا اذا رحت للجامعة مرانيش رايحا ندير هذا التصرف المذموم
لأن التكبر صفة مذمومة نهى عنها الاسلام
تحياتي

*رانا نستناووووووووو ههه*
*ان شاء الله ...كي ليووووووووم وربي يوفقنا كامل*
*سلام*