|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
عند اختيار النثر في العربية ،،،،،،،،،،،،لماذا النقطة تكون قليلة
 |
|
|
أدوات الموضوع | انواع عرض الموضوع |
2020-04-26, 20:49
|
رقم المشاركة : 18 | ||||
|
اقتباس:
من بداية السنة درت زوج ملخصات واحد خاص بالنصوص كل محور نقول واش القضية لي يعاجها ، نشوف الشاعر ولا الكاتب ونكتب الموضوع لي يناقشه الرابطة القلمية الخصائص ينحفظو ا ، الشعراء لي كانوا ينتميو الرابطة، النثر العلمي خصائصه ، النثر العلمي المتأدب و خصائصه، الشعر التعليمي خصائصه ، الشعر الاجتماعي ... القيم ديما ينحطوا (القيمة الأدبية ديما كاينة توظيف المحسنات البديعية و الصور البيانية ) والقيم الأخرى حسب النص : قومية إذا كان الشاعر جزائري مثلا و يتحدث عن القضية الفلسطينية ، قيمة وطنية يتحدث الشاعر عن قضية وطنه ، تاريخية ، دينية ، سياسية حسب النص و ثاني المقال تحفظي تعريفه و خصائصه ، تعرفي إذا مقال تاريخي ، اجتماعي ... حسب موضوع النص .، كاين المسرحية ، والقصة ، ثاني تحفظي الخصائص تاعهم نمط النص هذا السؤال كنت ديما تغلط فيه في الاختبارات و غالبا يكون عليه من نقطتين إلى 3 نتي كتبي كامل الأنماط و خصائص نتاعهم بينك بين نفسك شوفي الاختلاف ما بينهم كيما السردي والوصفي يجيو متقاربين و التفسيري تشوفي الكاتب يفسر و يشرح قضية ، والحجاجي يعطينا الحجج و البراهين ويحاول يقنعك حاولي تعيشي معه القصيدة أو النص باش توصلي للإجابة لي نيشان و الخصائص ثثاني يعاونوك و باقي الأسئلة من النص حاولي برك تقراي مليح تلخيص النص يعتمد على المنهجية استخدمي الفراغ في أول التلخيص ، النقطة ،الفاصلة ، ديريه بأسلوبك يعني واش ففهمتي من النص ، اشكلي (اضبطي الكلمات) أسئلة البناء اللغوي تجاوبي عليها بسهولة إذا كنتي فاهمة القواعد كاين محل الجمل ، يمدلك زوج صور بيانية و يقولك اشرحها و نوعها حاولي تفهمي بلي المجاز المرسل معنده حتى علاقة بالتشبيه مثلا مجاز مرسل علاقته المكانية : سألت القرية يذكرك المكان وهو قاصد الاهل نتاع القرية مكان حتى تشبيه في المعنى مكان لا مشبه لا مشبه به بالنسبة للاستعارة يكون كاين المشبه أو المشبه به و القرينة ، تكون باينة بلي راه مشبه شيء بشيء آخر إذا تلفتلك و معرفتيش لا استعارة مكنية ولا تصريحية بقاي تقولي شبهنا كذا بالإنسان و أو شبهنا الإنسان بكذا لي تجيك منظقية هذيك هيا و تشوفي لي مذكور محذوف و بالتالي تعرفي تصريحية أو مكنية بالنسبة للتشبيه الاختلاف بينه و بين الاستعارة تلقاي 4 عناصر واحد محذوف أو اثنان يا الأداة يا وجه الشبه يا الاثنين الكناية كيفاش تفهميها : هي الكلام بالمعاني ، مكانش تشبيه في المعنى و إنما يمعني على النظافة و لا على الكرم من الجملة تفهمي كاين كناية عن صفة ، عن موصوف ، عن نسبة تجي واضحة في المعنى تلقاي مثلا أينما يسير الجود يسير (مثال فقط ) و كاين ادوات الاتساق و الانسجام و دورها اعذريني على الشرح الطويل ، بصح أنا هاك كانت طريقتي ، نحاول نفهم ، ومدير الاختلاف بين الحوايج لي نخاف نغلط ما بينهم ، راجعت فقط من كراسي درا ملخص و راجعت من ملخص الأستاذ خالد حماش ، حليت مواضيع بكالوريا تقريبا في شفهيا ، شفت طريقة الإجابة، و عاودت حليت كل مواضيع الفروض و الاختبارات ربي يوفقك |
||||
|
|
2020-04-27, 07:50
|
رقم المشاركة : 20 | ||||
|
اقتباس:
شكرااا جزاك الله خيرا اختي |
||||
|
|
|
2020-04-27, 15:24
|
رقم المشاركة : 22 | ||||
|
اقتباس:
)مثلا هل اجبت باخذ جمل من النص نسخ و لصق او جملك الخاصة ،،،،و هل اجاباتك كانت مطابقة تماما لاجابة التصحيح الوزاري او لا ) |
||||
|
|
|
2020-04-27, 23:00
|
رقم المشاركة : 23 | ||||
|
اقتباس:
العام لي فاتبالنسبة للبناء الفكري : على ما أتذكر كان كاين سؤال جبت الإجابة من النص على شكل نقاط مهم قسمت الإجابة على شكل رؤوس أقلام أعدت صياغة الجمل مدرتش تغيير كبير . والسؤال الاول كان حسب فهمي للنص سؤال واضح ، و الأسئلة الأخرى كانت فهامة مشي من النص التلخيص حاولت ندير أفكاري واش فهمت من النص تترك الهامش في أول الفقرة ، الفاصلة ،النقطة ، تضبط الكلمات بالشكل ، يكون تلخيص بسيط على حسب النص تقسم عدد سطور النص على 4 مثلا كاين 12 سطر دير في حدود 3 و 4 و هما و إذا في القصيدة كل بيت تحاول تشرح بأسلوبك المهم ميكونش كيما اسلوب الكاتب اعادة صياغة الجمل بأسلوب بسيط نمط النص لازم تعطيه وقته الكافي باش تحدده كيما شرحت لشيماء في التعليق لي قبل لأن للنقطة عليه من 2 إلى 3 ،كيما قالتنا استاذتنا حتى الأساتذة و يكون ما بينهم جدال كاين لي يقول سردي و كاين لي يقول وصفي، معندهش قاعدة محددة ، لازم تخدم عقلك فيه و تشوف لي مناسب أكثر بالنسبة للبناء اللغوي لازم تكون فاهم دروسك مليح ماش غي مراجع وكان تكون داير الاختلاف مليح ما بين الاستعارة والكناية والتشبيه و المجاز كل واحد فاهمه مليح سؤال تاع الصور البيانية يجيك ساهل تبقا بلاغتها حنا في القسم الأستاذة كانت عاطيتنا 5 أفكار نسجللوهم دينا في بلاغة الصور البيانية سواء كانت تشبيه أو استعارة أو ... : _ توضيح المعنى وتأكيده _ فتح المجال للخيال الفني _ تجسيد المفاهيم _ التنويع في الكلام نسيت الفكرة الخامسة ... و كاين المحسنات البديعية كيما الطباق بنوعيه و أثره توضيح المعنى وتأكيده من علاه الإتيان بالكلمة و ضدها كاين السجع انتهاء الفواصل بنفس الحرف أثره: أحداث رنة موسيقية تأتي لها الاذن و تستصيغها الانفس كاين المقابة ... المهم و كاين سؤال يجي على أدوات الاتساق والانسجام ودورها أحيانا هي : ( مع التمثيل من النص ) حروف الجر حروف العطف اسماء الإشارة اسماء التوصيل ... كاين بزااف نسيتهم مهم دورها ربط فقرات النص ، اتساق فقرات النص .. و مرات في البناء الفكري يقولك واش هو الرابط ما بين البيت كذا و كذا غالبا يكون حرف العطف تذكره و تقول دوره لي هو ربط فقرات النص و كاين سؤال ثاني الحقل الدلالي و الحقل المعجمي ، وكاين محل الجمل و الإعراب لازم تكون مراجع فقط هذو هما الأسئلة لي نجي في الباك لازم فقط تكون اجابتك منظمة مثلا إذا كان السؤال الأول فيه سطرين 1_ .......؟ ......؟ تجاوب 1_ ........................... _ وهذا الجواب الشطر الثاني هما تكون اجابتك منظمة في الصورة البيانية أكتبها ثم ولي للسطر و كتب شرحها اشرحها ثم ولي للسطر و كتب نوعها المهم التنظيم و المنهجية .... كل عام و كيش يكون الموضوع كيما باك 2017 على ما اذكر موضوع المسرحية كان صعب بالنسبة للشعر نتوما راجعوا الاثنين ولي يجي ساهل بالنسبة لك و تقدر تجيب فيه أكبر عدد من النقاط إختاره ربي يوفق آخر تعديل nr.houda 2020-04-27 في 23:02.
|
||||
|
|
|
2020-04-28, 04:46
|
رقم المشاركة : 24 | ||||
|
اقتباس:
شكرا جزيلا لك جزاك الله خير يوجد سؤال في البناء الفكري يعني الجمل من النص او جملك الخاصة او كلاهما و من فضلك هل مازال عندك ملخصك او كراسك في القسم ،،،،،فلا اعلم انت تعيدين في الباك هءا العام ام لا |
||||
|
|
|
2020-04-28, 16:00
|
رقم المشاركة : 25 | ||||
|
اقتباس:
أكيد راح يكون الجواب من النص لكن من الأحسن تصيغه بطريقته الخاصة وكاين أسئلة كيما القضية التي يعالجها النص ولا يكون الجواب حسب فهمك للنص .. أظن أن الكراس لايزال عندي ، بالنسبة للملخص كنت قد صورته لإحدى البنات هنا و لاتزال الصور معي أي مساعدة انا هنا لا أنا لا اعيد الباك رحلتي معا انتهت ، فقط متواجدة للمساعدة . وفقك الله |
||||
|
|
|
2020-06-05, 18:10
|
رقم المشاركة : 28 | ||||
|
اقتباس:
انا صراتلي في الباك 1 تاعي مع الشعر قالولي كيفاش خيرتيه ميمدوش عليه زعما من ناحية الموضوع قادرين منعرفش الشاعر واش راه يحكي و في الاخير جبت 17 فيه الوغ نتي استغلي الفرصة حلي بزااااااااااف المواضيع وين تشوفي روحك متمكنة حلي ربي يسهل ان شاء الله |
||||
|
|
|
2020-06-05, 20:27
|
رقم المشاركة : 29 | |||
|
النثر لازملوا. التوسع في الإجابة . |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
