هل اعالج ابنتي ام احافظ على زواجي؟؟؟

[مخلوقة فضائية]

السطر الإفتتاحي جعلني أعتقد كثيرا أن لشك زوجك مبررات والله أعلم ...
على كل حال هي ابنته أيضا وهو المسؤول الأول عنها لا أنت فليسافر هو ويمكث معها
شفاها الله وأصلح حالكما

[عابرة طريق]

السلام عليكم

اولا هذه من المفروض بنته حتى و يلا لا

المرض مرض و هذه بنتك و نسب النجاح في مثل هذه الحالات تكون لاباس بها لما يكون الطفل طفل فالاعضاء عنده تكون مرنة

تخيلي لو ضيعتي فرصة العلاج لانبنتك و يجي الوقت فسوف تندمين

اولا حاولي اقناع هذا الزوج

فان لم تستطيعي فسمحيلي لكن مرض بنتك اولى

سبحان الله وين وصلنا

مابقا ني رجال ني نساء الا من رحم الله

[النجمة القطبية]

بصراحة مفهمتش وراهي السعادة الزوجية اللي راكي تحكي عليها مفهمتش
هدا انسان والناس تسعد معاه !!!!!!!!!!!
يعني فرضا لسمح الله انتي مرضتي متروحيش للسبيتار خاطر السي السيد شكاك تقعدي تموتي في الدار
بصراحة معنديش واش نجاوبك لانك انتي شخصيا انانية خممتي في نفسك وفي السعادة الوهمية اللي بنيتيها والطفلة تضيعولها مستقبلها ولا كيفاه
واش هو محل زوجك من الاعراب ادا كان حتى باش يتكفل بفلدة كبده ميقدرش
يا سيدي ادا قاتلاتوا الغيرة يحك جيبوا ويوفرلك مكان اقامة ويجي معاك !
راح تتحاسبوا على هده الطفلة كلميه وخليه ينعل بليس ومتفرطوش في علاج الطفلة مهما كانت الحلول
ربي يشافيها ويعافيها

[nilly]

karime amrs
عضو مميّز

واوا لخي ا التقيت بشخص في هذا المنتدى يفك. مثلي بنقطة معينة برافوا

علاش تخافون ازواجكم لهد طريقة لازم موافقة منهم حتى لو في ضرو يات بزاف هكا شحال من واحدة ماتت يماها ولا باباها مراحتش لان زواج مش موافق لا هناك اشياء لا تستدعي المناقشة فيها بسيف عليه ماعحبوش الحال يكير فسما وتص فكم هدا نتاع الخوف هو لخلاهم يتحلبوا لو كان بدلته طريقة تشفون كيفاش راح يتبدل .

[sousou 5]

سلاام اختي
لماذا تتحدثين عنه وكأن الامر لايعنيه او ليست ابنته ؟! الا يتألم حين يراها كذلك ؟! الا يشعر بندم و حسرة حين يرى اندادها بصحة وعافيه؟!
ادعي ربي يفرج عليك اختي و حاولي فهميه انو هاذي بنتك و ربي ابتلاكم فيها و عطاكم امتحان في هده الحياة و يشوفكم الا تصبروا ولالا لازم يتقبل الامر و مشكل الثيقة هذا لازم تعالجوه انا قريت ردود التخوان كاين لي قتلك خلصي معينة بالدراهم وي حل مليح بصح اذا معندكش شوفي وحدة من عائلتك ولا حاجة قرية من المستشف و حاولي معاه مرة اخؤى واذا محبش قولي لوالديك خليه يزبروا عليه
وربي يشفيها و يفرج عليك

[nihal159]

و زوجي يرفض ذلك جملة و تفصيلا لانه بطبعه شكاااااك
علما ان اهلي لايعرفون شيئا عن عقليته هذه فقد سترته لسنين

الجملتين إقتبستهم من مشكلتك؛ ياختي زوجك شكاك و أنتي صابرة و مغطية عليه كل هذه السنين؟ و تقولي سعيدة جدا بحياتي الزوجية؟؟؟؟؟؟؟؟ و الأدهى و الأمر أنّك حابة تضيفي لحياتك السعيدة سعادة أكبر و هي أنّك تفرّطي في علاج بنتك المسكينة و تحكمي عليها بالشلل مدى الحياة من أجل زوج شكّاك؟؟ ماعندو ثقة لا في نفسو لا فالإنسانة لي متزوجها؟؟؟؟.
نقولك حاجة واحدة؛ إذا فرّطتي في علاج بنتك رايحة تندمي طول حياتك؛ كل يوم و كل ساعة و كل دقيقة تشوفي بنتك فيها مشلولة على كرسي متحرّك؛ رايحة تبكي الدم بدل الدموع؛ لأنّك بسبب ضعفك و أنانيتك رايحة تضيّعيلها مستقبلها.

[كلنا راحلون]

احيانا نبق بلا راس فمشاكل ناس وعل هد سؤال يعرض وفرضا بنت وقع لها مكروه كيف تفسريها مع روحك روحي للمستشفى
الله يرزقها الصحة والعافية

[أم رقية نسرين]

يا ختي وش من زواج حابة تحافظي عليه كي تخلي بنتك تعاني حياتها كامل؟؟؟؟؟ وين هي امومتك تقارني زواجك بمستقبل بنتك؟؟؟؟؟؟
وتزيدي تقولي جد سعيدة والله مفهمت والو وبما انك ذكية ساهل عليك تلقاي حل
ربي يشفي بنتك