|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
انا هنا في خدمتكم اصحاب البكالوريا
 |
|
|
أدوات الموضوع | انواع عرض الموضوع |
2018-08-03, 15:24
|
رقم المشاركة : 16 | |||||
|
اقتباس:
ريان خصني كامل سلاسل الاستاذ مصطفاوي و الفيزياء راني ضعيفة بزااف جبت 14 بغيت نسقسيك شكون هو الاستاذ لي تبعتي معاه في اليوتيوب كاش ملخصات عندك في الميكرو فيما يخص المواد الأدبية ابعثيهالي كامل تعيشي ولا ديري موضوع و طلعي فيه قاع واش عندك منها قاع نستفادوا ريان مش معولة تعاودي !!واش كنتي حابة ديري صراحةةة
|
|||||
|
|
2018-08-03, 16:19
|
رقم المشاركة : 17 | ||||
|
اقتباس:
طيب اسيل ضرك نبعثلك السلاسل على الخاص
انا الفيزيا اذا قريتي الرد تاعي في هذا الموضوع قلت باللي اجتهاد شخصي في المنزل بمعونة ربي طبعا تابعت استاذ شريفي جميع فيديوهاتو وانا ننصحك بيه والله رائع وماتندميش كي تبعيه وكي تبعيه خصصي كراس تكتبي معاه وش يكتب كامل حتى الملاحظات الصغيره هاذيك لي يقولها بالدارجة ديري شكل سحابة بلون فاتح واكتبي هذيك الملاحظة ومبعد كي تكملي تتبعي معاه الدرس لازم تعاودي تراجعيه وحدك باش تتثبتلك المعلومه راجعيه حبه حبه خطوة خطوة ولو جبتي معاه يوم كامل المهم انك تفهمي صاحا كي تكملي لازم تروحي تشوفي التمارين تاعو والحل تاعو اكتبيه لانو تمارينو رائعة كي يحل التمارين تكوني ديجا عندك فكرة كبيره على الوحدة هذيك ديجا انتي هذي المرة الثالثة لي رح تجوزي الباك عندك مكتسبات قبلية معتبره و ماتنسايش الاسئلة الشائعه لي حطيتهم هذا العام صدقيني يعاونوك ياسر ومبعد كي تحسي روحك فهمتي الوحدة ابداي بالتمرينات تاع المغني حليهم كي تلقاي فكرة جديدة اكتبيها في كراس خصصيه للافكار -انا درتها ونجحت معايا بزاف الحمدلله- لقيتو في اخر العام لقيت فيه الافكار لي جمعتهم من بداية سبتمبر وللاسف نهار الباك كنت مضغوطة قطعت منو الاوراق الاخيره باش نكمل نراجع في الطريق وفي القسم الوقت لي بدا الاختبار مديتهم للاستاذة لي تحرس حطته فالبيرو وكي جيت خارجه نسيت نرفدهم والله غاضوني حسيت تعبي راح و انا كنت معولة نصورهولكم المهم نصورلكم الاوراق لي بقات فيه المهم دوني الافكار لي تلاقيتي بيها جديدة وتحاوري مع روحك مثلا غلطتي في تحويل ولا كاش عفسه ؟ اكتبي في كراسك هكا مثلا : يا اسيل لازم التحويل في الوحدة الفلانية يكون كذا وكذا لانو الغلطه هاذي تكلفك الكثير يا اسيل وممكن تبعدك على النقطة الممتازة اهدري مع روحك وركزي على اخطائك وين جاية ؟ كي تحلي تمارين شوفي اكثر حاجه تغلطي فيها باه تصححيها واكتبيها في كراس بلي انتي عندك اشكال في الحاجه الفلانية و مالازمش تبقاي تغلطي فيها فهمتيني ؟ وحلي البكالوريات وديري نفس الشي لي قلتلك عليه اصلا الهدف من حل التمرينات هو انك تعرفي افكار جديدة وانك توالفي على طريقة طرح الاسئلة و انك تعرفي اخطائك و تصححيها انا الفيزيا قريتها اكثر من جميع المواد وحبيتها حب صادق جبت 17 ولكن كان بامكاني نجيب 19 نقلك علاش ؟ لاني بديت في الموضوع الاول لي هو جاني سهل سهل جدا يعني اقل حاجه نجيبها 19 بديت فيه وكلش ومبعد فاتت ساعه رحت بدلت الموضوع رحت للي جاني صعيب بسبب سؤال !! والسؤال هذاك لي بدلت على جالو الموضوع كي صححوا قالوا بلي حذفوه .. يعني حليت موضوع الصعيب وخلطتو بزاف صدقيني خلطت خلطت خلطت والتوتر والخوف اكي علابالك بالحالة موضوع صعب + الوقت فاتت منو ساعه + تردد في تغيير الموضوع والحمدلله جبت 17 رغم اني كنت قادرة نجيب الاكثر ولكن الحمدلله لا مانيش معولة نعاود والله ماكنت دايره في راسي والو صدقيني اسيل ماكانش عندي هدف محدد ما بعد البكالوريا لذلك وقعت في اشكال كبير وقت التسجيلات بقيت مترددة ودرتلهم مشاكل فالدار ههههه قلتلهم مانيش حابه والو خلوني نقعد فالدار احسن كان هدفي المعدل الكبير في البكالوريا كيما قتلك ولكن ماجبتوش لحكمة بالغة لا يعلمها الا الله الحمدلله |
||||
|
|
|
2018-08-03, 18:52
|
رقم المشاركة : 18 | |||
|
.gif){kind=icon}
ريونة عزيزتي والله لا أعرف ماذا أقول
رسالتك وصلت إلى القلب أما ملاحظاتك تلك في الفيزياء لا مثيل لها بمجرد أني قرأتها حسّيت بلي راني رايحة نجيب 20/20 البكالوريا الجاية وماتوليش الفيزياء صعيبة عليا ريان انت مابخلتيش عليا ختي و خبرتني بطريقتك والله ماعرفتك كيفاه نشكرك ختي والله صراحة انا والله ما كانت عندي طريقة نهائيا في الفيزياء لي تساعدني باه نفهم و نحل....... ربي يخليك ان شاءءء الله ريان ختي ان شاء الله تصدقلك الصيدلة و تنجحي و نجي نشري من عندك بارستامول  ما تضحكيش راني من نيتي وانت تجي حاكمة ضرستي و تبكي عندي كي ليوم ان شاء الله فقط التوكل ايه والله غي هذوك الاسئلة الشائعة استفدت منهم بزاااااااف ريان صراحة انا والله تمنيتك تجيبي فوق 17 كنت قاع المجتهدة بيناتنا قدر الله مشاء فعل هذيك حكمة من الله لا احد يعرف مصيرها خيرها في غيرها ياك ! هيا مليح كي ماكنتيش حاطة حلم في بالك يعني كيما جات تجي انا صراحة نحوس نلم اكبر تجارب نتعلم منهم في أوت باه كي نبدا نريفيزي و نقرا نطبقهم مانكذبش عليك راني نخمم غي في 19 لازم نرد حقي لي ضاع لي قهرتني المواد الأدبية لي حفظتها مايعلم بيها غي ربي و في الاخير غي 13/14 يخبطوا الرياضيات اللي خفت منها نهار الباك و تشوشت جبت 16 هذي الوحيدة اللي فرحتيني العلوم بلعتها وممبعد تلقيت 17 في كل الاحوال عزيزتي ريان مكتوب الله صرا انا شحال بغيتك تعاودي ،،شوفي انت معليش روحي اقراي في الجامعة بصح تسجلي للباك و روحي فوتي اخيرا ريان صحيتي بزااااف راهم وصلوني السلاسل الله يحفظك خيتي اي حاجة تلقايها وتحسي بلي تفيدني ماتبخليش ريونتي خاصة في الفيزياء شكرًا شكرًا شكرًا |
|||
|
|
|
2018-08-03, 19:00
|
رقم المشاركة : 19 | ||||
|
اقتباس:
هههههههه ونتي شكون قالك على ضرستي سبحان الله
ضرستي اليامات لي فاتت دايره فيا حاااااالة وحويلة هبلتني هبلتني جوزت معاها اصعب اياااااااام حياتي بربي نجي عندك تنحيهالي ههههههههه بلا مزية خلاص عزيزتي وش حتجتي باذن الله راني هنا ههههه اني قتلك قدر الله وماشاء فعل صددقيني كون عطاوني حقي وعلاماتي لي نستاهلهم نجيب معدل 17 هكا دايما الليسي تاعنا محقور حسبي الله ونعم الوكيل المهم وش خطر في بالك كامل سقسي وانا باذن الله نحاول نجاوب باللي قدرت عليه ومانبخلش عليك ابداااا اسول سقسي قد ما قدرتي تستاهلي كل خير ربي يعطيك ما تتمناي عزيزتي |
||||
|
|
|
2018-08-03, 19:09
|
رقم المشاركة : 20 | |||
|
ريان خيتي ربي يعطيك و يحققلك واش في قلبك |
|||
|
|
|
2018-08-03, 19:20
|
رقم المشاركة : 21 | |||
|
fi février wela mars nseksik machi Derwk
3: |
|||
|
|
|
2018-08-04, 12:00
|
رقم المشاركة : 22 | |||||
|
اقتباس:
امين يارب واياك امين ايه لي تجيك واعره ولا صعابتلك سقسي ما تخمميش خلاص فرنسية اذا كنتي تعرفي ديري فقرة ما تخافيش لانو الفرنسية رح يجيك نص والاسئلة كامل على النص مايجوش اسئله على القواعد انا فرونسي ما قريتهاش وخدمت خدمة نظيفة جاني النص تاع 8 ماي ساهل وغلطت في سؤال واحد ودرت فقره ماشي كونط غوندي وفاللخر مدولي 11.5 في الانجليزية ننصحك تلشارجي ولا اشري مرجع المراجعه النهائيه للشعب العلميه لونو وردي هذاك فيه القواعد مشروحة بالعربيه وتمارين محلولة وجدول اسم فعل صفه لكل unit وفيه مواضيع محلولة والله جيد جدا ديري الفقرات الموجودة في الكتاب حضريها مليح لانو كل عام ماتخرجش على الفقرات لي كاينه في الكتاب حلي الانشطة الموجودة في الكتاب واشرحي المصطلحات تاع كل وحدة خصصيلهم كراس واكتبيهم مع الوقت توالفي المصطلحات هاذوك ويولولك من رصيدك اللغوي وعن تجربة كاين ملخص فيه 11 صفحة نظن راهو مشهور ضرك نحطهولك هذاك فيه القواعد كامل راجعي منو هو هذا وش عندي حاليا اذا تفكرت حاجه راني نقولهالك باذن الله ما نغادرش القسم هذا مادمت قادرة على ذلك احبك ايضا غاليتي في الله دعواتي لك اقتباس:
طيب اهلا بك في اي وقت
 |
|||||
|
|
|
2018-08-04, 12:52
|
رقم المشاركة : 23 | ||||
|
اقتباس:
حبيت نسقسيك فقط فبما يتعلق بكراس الأفكار الجديدة ، هل كنتي كي تلقاي فكرة جديدة تكتبي كل التمرين + الحل تاعو أو تكتبي فقط السؤال المعني + معطيات التمرين و الحل ؟؟ و من فضلك هل يمكنكي وضع كراسك الخاص بالأفكار الجديدة في موضوع جديد ؟ مشكورة 
|
||||
|
|
|
2018-08-04, 15:59
|
رقم المشاركة : 24 | |||
|
السّلام عليكم ورحمة الله وبركاته |
|||
|
|
|
2018-08-04, 20:05
|
رقم المشاركة : 25 | |||
|
سلام ختي بغيت نسقسيك وين اللي مليح في الرياضيات العملاق ولا المغني |
|||
|
|
|
2018-08-04, 20:47
|
رقم المشاركة : 26 | ||||
|
اقتباس:
السلام عليكم رايت انك من بلعباس نفس ولايتي |
||||
|
|
|
2018-08-04, 22:53
|
رقم المشاركة : 27 | ||||
|
اقتباس:
نعم اختي انا من سيدي بلعباس ممكن نعرف وين تسكني تحديدا |
||||
|
|
|
2018-08-04, 23:00
|
رقم المشاركة : 28 | ||||||
|
اقتباس:
عليكم السلام تمنياتي لك ايضا بالنجاح والتوفيق اخي ان شاء الله الامتياز نعم تقريبا نكتب السؤال واجابته مايهمش معطيات التمرين الا اذا كانت مهمة في الفكرة نكتبها بالدارجة برك ماشي نكتبها بالتفصيل واحيانا نتكلم مع نفسي ونكتب هدرات لروحي باش نتفكر هذيك الحاجه نعم باذن الله رح نصورهولكم رح تستفيدوا منو الكثير بحول ربي بالتوفيق ^^ اقتباس:
عليكم السلام والرحمة عادي جدا الحمدلله لانو ربي هو لي قدرها و هو يجي منو غير الخير .. الحمدلله وما نتمنالكمش تفوتوا على نفس تجربتي في التنقيط وتاخذوا حقكم وتتحصلوا على الامتياز <3 بالنسبه للموعد المناسب للتحضير فيها اختلاف كبير انا ماننصحش بالدراسة المكثفه جدا ممكن اذا واحد حاب يبدا يبدا بوتيرة منخفضة للغاية انا في العطله قريت الوحدة الاولى تاع العلوم و حليت انشطة الكتاب تاع الانجليزية للوحدات الثلاث بصح على حساب تجربتي ماكانش كيما واحد يكون مع البرنامج تاع الليسي بالضبط لان الوقت كافي واكثر من كافي صدقا والله كافي جدا جدا جدا جدا اما عن الدروس الخصوصية فلابأس انك تلتحق اذا كاين اساتذه ممتازين التحق باه ما تعانيش تأخر وتحجز بلاصتك قبل فوات الاوان  بالتوفيق والنجاح ان شاء الله اقتباس:
عليكم السلام
اختي ما استعملتهمش في زوز في الرياضيات حليت تمارين استاذ مصطفاي وركزت على البكالوريات وجبت 18.5 مع الاخطاء التافهة لي ماكانش المفروض نغلط فيها والحمدلله انا استغنيت على هاذوما في زوز وعادي بصح نظن المغني احسن خصوصا اذا كنت علمية اما للرياضيين ماعجبنيش الصراحة موفقة ختي |
||||||
|
|
|
2018-08-04, 23:38
|
رقم المشاركة : 29 | ||||
|
اقتباس:
|
||||
|
|
|
2018-08-04, 23:43
|
رقم المشاركة : 30 | ||||
|
اقتباس:
وفيك بارك الله امين يارب واياك اية اسئلة باذن الله نكون حاضرة ونجاوب بلي نقدر عليه دعواتي لكم |
||||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
