هل اهلي علئ حق

[محمد جديدي التبسي]

المفروض يتقدم للبيت وتحكو عن شروطك وشروطه ان توافقتم ووجدتم أرضية مشتركة تتزوجي وتكملي دراستك وفي الأول والأخير القرار لوالدك لأنه ولي أمرك.

[من قسنطينة]

السلام عليكم
انت واش حابة تسمعي من الأعضاء بالضبط انهم يشجعوك انك تحاربي اهلك اللي تعرفيهم مليح وكبروك على جال راجل ماتعرفيه ماتدريه؟ ولا حابتهم يقولولك اتزوجي بيه من ورا اهلك وحطيهم في الأمر الواقع؟
اول حاجه خلاص راكي مازلتي صغيره تتزوجي في السن هذا من بعد نأكدلك تندمي
الثانيه والأهم انه أهلك أولى بيك يالفحلة ماكانش راجل على وجه الأرض يستاهل توقفي في وجه والديك على جاله
والديك رباوك ومدوا من حياتهم باش كبروك وقراوك ووصلوك باش تولي طبيبة وان شالله ربي يكملك وينجحك في حياتك وتعوضيهم ولو جزء بسيط من خيرهم
ماتجيش اليوم تفكري بانهم ماعندهمش الحق يداخلوا فيك او تفكري انهم ظلموك
نفرضوا وقفتي في وجه والديك واتزوجتي من هذا الشخص اللي راه عاجبك وانتي اصلا ماتعرفي عليه والو وغدوه مع الوقت وش دراك واش يوليلك واش دراك كيفاش تعيشي معاه نأكدلك تولي حياتك جحيم فقط من كثرة " كون درت وكون عملت "
اذا كان هذا الراجل مكتوبك او ماعنده واين يروح راكي تديه تديه بصح الاهم انك تديه وانت مقدره نفسك وهو مقدرك باحترامك لاهلك
يابنتي اللي ماعندوش خير في اماليه ماعنده خير في حتى واحد وواحد ماراح يقدره ويحترمه
ونختم كلامي بقول الرسول صلى الله عليه وسلم " خيركم خيركم لأهله "
وربي يوفقك ان شالله لاتخاذ القرارات السليمة

[kingwil]

برأيي هذا الشخص رجل و أمثاله قليلون
في هته الايام اشباه الرجال بجرون وراء العاملات و يتذللون طمعا في المال ,

[shams7]

انا كنت في الاولى ماستر اختصاص هندسة الطرائق في المواد و كان لي مستقبل رائع خاصة واني انسانة نشيطة و سيرتي الذاتية كانت تبدأ في النضوج*
حينما تقدم لأخي شاب سلفي استخرت الله عدة مرات ثم وافقت بسرعة. لأن ذاك النوع مما يعجبني و مما تمنيته رغم اني خطبت عدة مرات من قبل من طرف مهندسين و أساتذة*
بعد موافقتي انتظرت شروطا كعدم العمل و الجلباب ف شرطه يوم الرؤية الشرعية طاعة الله و رسوله و طاعة الوالدين*
لم اعتبره تنازلا عندما تخليت عن مواصلة دراستي حتى أعمالي الحرة كالتجارة تركتها و بعت ما تبقى من سلع و رضيت به و تكلمت معه بعد الفاتحة*
فوالله لم يمر يوم الا و حمدته على هذا الزوج اتفقت افكارنا و ارتاحت نفسي له و الحمد لله اتعلم منه الكثير،السلفي يعرف قيمة المرأة هذا ما استنتجه كل يوم
نصيحة لك استخيري الله و افعلي ما يرضي خالقك
فلا طاعة لمخلوق في معصية الخالق

[بـــيِسَة]

انا في رايي عملك هو الاول كيفاش هدا
تعبتي وسوفريتي باش غير تتخلاي على خدمتك
مكاش منها ودبري راسك.