ماهو مصير خريجي علم الاجتماع

[khirour]

أنا نسيت الجامعة ونسيت الدبلوم وراحت اصلا الثقة في المسابقات خلاص مكان لاه نكذبوا على رواحنا البنت ربي يفتح عليها بزواج الشاب ربي يجبلوا تجارة باه يبني بيت

[أبو وهيبة]

اجتياز مسابقة الماجستير
مسابقة الأساتذة المجازين / في الابتدائي.
مسابقة مستشاررئيسي في التوجية المدرسي والمهني بالاضافة مسابقة في مستشار التكوين المهني.

[السامري]

عبارات وكلمات لما قراتهااحترت وتحسرت على ما اسمع واقراء دائما يااخوتي اليس الرزاق هو الله وماعليك سواء التوكل عليه...والصبر فان الصبر مفتاح الفرج....واعملوا والله هو الرزاق

[lfarid]

أنا طالبة خريجة علم الاجتماع التربوي أدرس في الابتدائي وعندنا الحق في مسابقةمستشاري التوجيه

[عمرانو]

وهو كذلك ما نعولوش على الديبلوم

[farabi98]

الله المستعان يفرج ربي سبحانه وتعالى .....الدعاء ثم الدعاء وكثرة الاستغفار تجلب الرزق

[rida elbaladi]

أنا خريج علم الاجتماع منذ2002 لم أفوت امتحان من يومها .....أنجح في كل مسابقة كتابية و كي نوصل للشفاهي ....يجيب ربي....ما فهمناش ايلا معرفة و لا زهر ....أنا نقول مكتوب ربي ماوصلش ....و الحاجة المليحة تطول....

[جريو بلقاسم]

ربي يفرج المهم الحصول على شهادة وبعد ذلك يحلها القادر...ربي يجبر احوال البلاد

[ميلود الأسمر]

التهميش و اللا مبالات وربي يفرج

[amelb78]

و الله البطالة على جميع الاختصاصات أول شيء راكم ربحتو دبلوم حتى اذا ماخدمتوش بيه راهي عندكم معرفة على الاقل الواحد لما يكون في موقف او مع ناس مثقفين يعرف يتكلم و يتناقش معاهم و تعرف الصح من الغلط و علم الاجتماع راه مطلوب في جميع مسابقات التوظيف و ربي مايضيع رزق حد

[nacim]

وعلاه انتوما رايحيين للجاميعة حابيين تولو اغنياء ولا علماء فهموني ..... الي حاب يولي غني يتبع التجارة ياك فيها 90 بالمائة تاع الرزق ولا كيفاش ... الي يروح للجاميعة لازم يعيش كما ابن حنبل يخدم الصابون ويبيهو باش يقدر يوكل روخو ويكمل طريق العلم

[halim252]

السلام عليك معشر الاجتماعيين ، أنا أحد الدارسين لهذا العلم الرائع لست اتفلسف ، لقد احزنتني بعض التعاليق خاصة و ان الدارسين للعلوم الانسانية ينظر اليهم نظرة دونية في مجتمعنا بسبب عدم معرفة الناس بأهميتها ، سؤالي هل الانسان كإنسان له قيمة في مجتمعنا الجواب على هدا السؤال يعطي مكانة العلوم الانسانية في الجزائر.
أما بخصوص العمل ، أخوكم تخلرج في 2001 تخصص تربوي ، عملت بالليسانس 2 عامين في اطار عقود ما قبل التشغيل ، أكثر من 25 مسابقة دون نجاح حتى الاستخلاف ماصحليش ، هل نتوقف و نبدأ في التحسر و البكاء على الاطلال ، لا و هنا أؤكد على ضرورة عدم الربط بين التخصص الدراسي و العمل ، مالقيتش الخدمة بديبلومك بدل و شوف في بلاصة أخرى و الرازق ربي ، و اعلم الأخوة بفتح المجال لمتخرجي علم الاجتماع للعمل في مختلف مؤسسات التضامن الوطني في سلك الوساطة و المساعدة الاجتماعية و كدا التكوين في المؤسسات الاجتماعية كل دلك تجدونه في الجريدة الرسمية في 9 نوفمبر المهم في الاسبوع الاول من نوفمبر2009 ، جدوا في الطلب و صححوا عقيدة الايمان بالقضاء و القدر و اتخدوا الاسباب تفتح لكم الابواب و الى لقاء قريب.

[doussa23]

السلام عليكم
اول شيء الرزق على ربي سبحانو
و زيد بلي قرار الرئيس التوظيف من الان الا لخريجي الجامعات
يعني كاين امل و الي يحكم في ربي عمرو و لا يضيع
المهم عندك سلاح في يدك خبيه حتى يفرج ربي
و الحمد لله رانا نشوفو في مسابقات التوظيف كثرت صح فيها معرفة ياسر بصح اذا ربي كتبلك الوظيفة هاديك راك توصللها
خلي املكم في ربي كبير ولا داعي للاحباط و نزيدو نحبطو الي مزالو و اكثر الي في الباك
موفقين اجمعين يا رب.

[نينا الجزائرية]

فرصهم ضئيلة جدا للعمل
ام االان فهي منعدمة
في رايي يلغيو التخصص هذا من الجامعة مدام يخرج البطاليين

[farabi98]

السلام عليكم يا خاوتي وعلاش هذا القلق أليس الخالق هو الله عز وجل نكبروا إماننا به وإذا ما لقيتوش خدمة بالشهادة راهي ابواب الرزق مفتوحة إلى ان ياتي امر الله .

إصبروا وصابروا رانا قاع في نفس المشكلة لكن الي فيها الخير يجيبها بي سبحانوا.