الجزء 175من واش طيتي اليوم ...كوزينة كلى عضوات المنتدى....اتفضلو ا

[ام هدول]

المشاركة الأصلية كتبت بواسطة حياة نور الدين

الف الف مبرووووك افتتاح الجزء الجديد للكوزينة حبيبتي وتفضلي باروكي بعض اطباقي الطازة غير لهدي الايام حتى نلبز حاجة حلوة حبيبتي

المشاركة الأصلية كتبت بواسطة حياة نور الدين

وهدا الحلو

ياعيني حيوتة ...ياسلالام ...اطبقاك ...على قد بساطتها على قد اناقتها ...بدون مجاملة ..حبيبتي تسلملي ..كلش هايل من المالح للحلو ياحلوة...بقالي رولي الشفلور ..نجربو منين يجيني الشفلور

المشاركة الأصلية كتبت بواسطة أم يوسف2

بصحتنا ام هدول الكوزينة الجديدة
اسمحيلي انا ماجبت والو
حتى ننحي المشكل تاع للهاتف
الف مبروك

السماح حنونة ..ماش مشكل..طلي برك وطمنيا عليك وعلى البيبي ....واش طيبتي طبعا ...

المشاركة الأصلية كتبت بواسطة رزيقة16

الف مبرووك الكوزينة الجديدة

اهلين رزيقة هلت الانوار بشوفتك وبشوفت اطباقك ....المتقنة ...ربيي يتمملك بخير

المشاركة الأصلية كتبت بواسطة ام صفصف

الف مبروك مبروك اختي ام هدول افتتاح الكوزينة الجديدة،وان شاء الله تكون كوزينة مربوحة على الجميع
انا من المتتبعات لكن ليس دائما،وبما انك وجهتي الدعوة لكل عضوات المنتدى
قلت نحط باروك حلو في خاطرك

ياعمري كلك زوق وحنية ...شكرا على طبيتك وكرمك نورتني حبيبتي ...وشكرا على الحلو ..وكملي معنا اتحفينا
سؤال يبرك كفاش جا لبراج بالرسم هادك ...تقوال يد فنان رسمتو ماشاء الله

المشاركة الأصلية كتبت بواسطة ام صفصف

اختي فردوس الرحمان،ربي يرزقك الذرية الصالحة عاجلا غير اجل
ثانيا حبيبتي كلنا كنا منعرفوش نحمل الصور وتعلمنا
هناك فيديوهات فاليوتوب عن كيفية تحميل الصور لمنتدى الجلفة،تبعيها فقط وان شاء الله تنجحي،ونشوفو جمال اطباقك اختي
بالتوفيق

نرحب بفردوس الرحمان ..ونقولها ماتخافيش ادخلي وحكي وعبري ..وعلقي ..والصور منين تتعلمي ...حقيقة كلنا كنا مانعرفوش بالشوية تعلمنا ...

المشاركة الأصلية كتبت بواسطة mosta*limoges

الف الف مبرووووك افتتاح الجزء الجديد للكوزينة حبيبتي أم هدول لي عودة بالباروك

حبيتي طيموشة ...ام ياسمين ...فاطمة ...اهلين بيك في انتضارصورك ..

المشاركة الأصلية كتبت بواسطة أم ملك

السلام عليكم و رحمة الله تعالى و بركاته
ألف مبروك أم هدول الكوزينة
لبنات سامحونا على التقصير الوقت ضيق بزاف و الله المستعان و مرض اï»·ولاد ربي يشافيهم يا رب و زيد مين نبغي ندخل مراكز التحميل تعذبني و تحملي غير بالصورة
هذا باروكي طمينة درتها لبنتي داتها للمدرسة في البيت لم أحتفل لكن بنتي غاضتني راهي في التحضيري و قاتلي كامل جابو درتلها و ربي يغفرلنا إن كنا خاطئين

ام مللك ربي يعينك ياختي صح الوقت قصيرمع كانو الاولاد في الدراسة والامتحانات .قدقد ...المهم كي درتي لبنتك حاجة ...صدقني راهي تحفة ..ماشاءالله قعدت نتفرج فيها ..حرام تتكل ..هههههه

المشاركة الأصلية كتبت بواسطة amira19

الف الف مبروك افتتاح الكوزينة الجديدة

منورين يا حراير المنتدى

اهلا اهلا اميرة ..صاحبة موضوع الجمال والاناقة ...جملتي كوزنتي بطلتك ..شكرا ...

[حياة نور الدين]

اهلااا البنات

ام يوسف مرحبا

رزيقة الحمد الله اللي راكي مليحة اختي وربي يتمملك بخير وطيابك يشهي خاصة الدولمة

ام صفصف مرحبا بك وبحلوياتك وكنت مخبية هدي التحف يعطيك الصحة

فردوس اهلااا اختي وربي يرزقك الدرية الصالحة وكما قاتلك الاخت ام صفصف

ام ملك بصحتها بنتك وماعليش المهم فرحتيها وكي تكبر تفهم وربي يغفرلنا اختي واهلاا معنا

اميرة اهلااا وسهلااا معنا اختي

فاطمة اهلااا اختي

[مامات رفيف]

سلاااام حبيباااتي واش راكم تووووووحشتكم أن شاء الله تشفاو عليا

[حياة نور الدين]

المشاركة الأصلية كتبت بواسطة روعة الصحراء

اهلا اختي حياة والله ضحكتيتي والله خبيت ندخل الصور الميكرو تاعنا شوية عيان اعدريني نحاول مرة اخري حبيت نسالك سؤال عندى موضوع تدابير المنزلية في اي قسم نحطو وشكرا

روعة تفضلي رابط قسم التدابير المنزلية

https://www.djelfa.info/vb/forumdisplay.php?f=314

المشاركة الأصلية كتبت بواسطة مامات رفيف

سلاااام حبيباااتي واش راكم تووووووحشتكم أن شاء الله تشفاو عليا

اهلااا اختي انا منعرفكش بصح متشرفة بك ومرحبااا معنا

[مامات رفيف]

المشاركة الأصلية كتبت بواسطة حياة نور الدين

روعة تفضلي راب



اهلااا اختي انا منعرفكش بصح متشرفة بك ومرحبااا معنا

الشرف ليا حبيبتي شكراا

[ام أمينة]

المشاركة الأصلية كتبت بواسطة مامات رفيف

سلاااام حبيباااتي واش راكم تووووووحشتكم أن شاء الله تشفاو عليا

اهلين وسهلين أم رفيف والله مشفيتش عليك وقيلا كنتي قديمة في الكوزينة ياريت تعرفينا عليك

[حياة نور الدين]

انا عشايا عدس بقالي من الفطور وزدت معه قلب بقري شرمولة والحمد الله
ودرت تحلية مزجت بين تحليات ههههه وتراميسو خلطها تصفى وكول خخخ

[الرجاء الاماني المجد]

الف مبروك الكوزينة ام هدول

[ام هدول]

مسا الخير لبنات ياعمري ياعمري وشحال ف رحت بالاحبة هلمو وزدو وحكو واش طيبتو مايهمش الصور ماعليش ....صراحة بيناتنا تعلمو ربي يعشكم وحاولو مع مراكز التحميل ننتمعو بالصور ونستفادو من الافكار تع بعضنا .....بصح نقبلكم ...مام بلاصور ..طلتكم برك تكفيني

[زهرة الريف*]

السلام عليكم ورحمة الله وبركاته
سلامي لكل الاخوات و ماشاءالله عليكم وعلى يديكم لي يتلفوا فالحرير وربي يبارك في الرزق والصحة والذرية
أم هدول مبروك عليك الجزء الجديد من الكوزينة إن شاءالله تتعمر بالخيرات وكل ماهو مفيد
جيت نطلع بعض الصور مي الله غالب النت ثقيلة محبوش يتحملولي لي عودة بإذن الله

[زهرة الريف*]

بصحتك العشاء أم هدول والبطاطا تاع ام وليد جربتها السمانة لي فاتت جي بنينة
بحورة واش راك لعزيزة وبصحتكم الخيرات واكلك كالعادة لايقاوم وخاصة المحاجب شهتيني فيهم وقيلا غدوى بإذن الله نصبح عليهم وندير هم للغداء
حياة. ...... بصحتك العدس والتحلية وأكيد من يديك فور
أم صفصف. ....المبرجة و القاطوا هايلين ربي يبارك في يديك
أم ملك. .....بصحتها البنوتة الحفلة وراك قلشتي حباباتها منضر الطمينة يسخف يعطيك الصحة
فردوس الرحمان. ....موستا. . الرجاءالأماني. .....أميرة .سلامي وتحياتي ليكم هذا واش هز مخي ولي نسيتها تسمحلي وحقها على راسي

[ام هدول]

كنت قلتلكم ...على املاط ام وليد في الفرن ...نحطلكم الطريقة بنين روعة
تغلي شوية بطاطا ....وتقطعيها مربعات ....ومن بعد في اناء تحطي من 6الى 7بيضات او اكثر حسب الحاجة وضيفي زوج حباتطماطم مقطعين مربعات ومن الاحسن تخليها بيها بالعصيرتاعها ...وتزيدي شوية معدنوس وفرماج ...حسب الرغبة والتوابل كما تحبيمع شوية ملح ..والبطا طا طبعا .وزج مغارف زيت الزيتون او زيت عادي ...انا اضفت (علبة تونة .وشوي خميرة الحلوة ..).وتدهني المول تاعك بالزيت وتصبي الخليط..وضفي جبن مبشور من فوق ادا كان عندك انا ماعنديش ماحطتش ... والى الفرن حتى تنشف .وناخد تحميرة ..

[ام هدول]

[B]نحطلكم عشايا ومن بعد نردلكم بالوحدة ....
فول

شكشوكة البادنجال بطريقة حياتي كلها امل او ام هاجر اين انت ياترى زورني كل سنة مرة..حرام تنسوني بالمرة ..حرام ...

[sali kanouza]

الف مبرووووووووووووووك افتتاح الكوزينة الجديدة ام هدول دمت متالقة وبارك الله فيك وفي الحراير راكم ماشاء الله

[البحر الصافي]

السلام عليكم ورحمة الله
الف مبروك ام هدول الكوزينة
والفريت اوملات تهبل بصحتكم طريقة هايلة
عشانا كان غراتا كرم جا بنين هايل ومصورتش
بعض طياباتي
شخشوخة

بسباس بلوك جديد لام رحاب


قراتا مونشتو





اللهم ادمها نعمة واحفظها من الزوال