حابة نشري بوش ادوي مليحة ادخلو انصحوني

[آسيا 27]

مسا الخيراختي
روحي عند اللي يبيعو لوازم الحلويات و قوليلو يعطيك لابوش تاع السيليكون تدير 350daوتجي معاها دوي وحدة و انت زيدي اشري لي دوي اللي يعجبوك كبار و لا صغار كانلي ولا سامبل و من الاحسن يكونو تاع النحاس و لا دوي وحدها تدير100da
و اذا ما بغيتيش لابوش تاع السيليكون اشري هاذوك تاع البلاستيك استعمال واحد يعني جوتابل ولا كرام شانتيي جربي تديريها شادة روحها باه تجيك شابة ان شاء الله نكون افدتك
سلااااااام

[ام هدول]

بيلسان صورتلك لابوش ادوي تاعي هاي ليك

[بيلسان91]

شكرا لكل وحدة جاوبتني
ام هدول تاعك زي تع قناة سميرة

[زينب 83]

شوفي بيلسان اشري تاع الكتان تكون خشينة و من داخل تلقايها قلاسي هايلة ما تفسد ما تتقطع
تاع السيليكون مليخة لكن تزلق تقلق في الخدمة و تاع البلاستيك اذا ضغطتي تطرطق

[جنة الفردوسْ]

بيلسان انا عندي كيما تاع الغالية رزيقة وشريتها ب 50 راهي مليحة بزاف

[minina2601]

انا نوصيك على ليدوي اشريهم تاع inox خاطر صحاح وما يفسدوش

[بيلسان91]

شريت ليوم بوش ادوي مخدومة بالسلكون نقلكم الحق لقيت انواع بزاف ومع نصائحكم
خيرت هادي بربعين الف ونشالله تكون مليحة نعود ندير المورانغ راني نشتيها نموت عليها

[أم يوسف2]

بيلسان هادا وين شفتك هاديك الاولى كانت عندي بصح ماشي مليحة ماعجبتنيش لكن شريت وحدة كيما تاع ام هدول وشنو صغيرة شوية عليها لكن تخدملي مليح
وشفت واحدة حطت فكرة خدمتها ب قماش تاع البرابلوي قطعت ولصقت فيه لي دوي قلت بالاك نجربها ونشوف

[بيلسان91]

المشاركة الأصلية كتبت بواسطة أم يوسف2

بيلسان هادا وين شفتك هاديك الاولى كانت عندي بصح ماشي مليحة ماعجبتنيش لكن شريت وحدة كيما تاع ام هدول وشنو صغيرة شوية عليها لكن تخدملي مليح
وشفت واحدة حطت فكرة خدمتها ب قماش تاع البرابلوي قطعت ولصقت فيه لي دوي قلت بالاك نجربها ونشوف

شكرا على الاجابة شفت كيف تع ام هدول بعشرين الف تتباع
نشالله تكون لي شريت انا مليحة متزيدش تشيطني برك

[أم يوسف2]

يلسان ايه تاعي صغيرة على تاع ام هدول شريتها كانزميل مي مازالها مليحة شادة روحها مام تاعك تبان مليحة كي تديري مورانغ صوريهولنا ناكلوا بعينينا

[بيلسان91]

المشاركة الأصلية كتبت بواسطة أم يوسف2

يلسان ايه تاعي صغيرة على تاع ام هدول شريتها كانزميل مي مازالها مليحة شادة روحها مام تاعك تبان مليحة كي تديري مورانغ صوريهولنا ناكلوا بعينينا

والله منعرف وقتش نعملها

[أم سيفاكس]

المشاركة الأصلية كتبت بواسطة حياة نور الدين

اللي كما تع سميرة هدوك الازرق بلاستيك خشين ميتقطعش يديروا من 25 الف حتى 40 الف على حساب الحجم تاعهم وليدوي حديد قصديي اينوكس

لدي نفس اللي عندك ورائعة وسهلة التنظيف

[انا هي رزيقة]

هذي مليحة اختي بليسان نورمالمون تصلحلك...... متنسايش توريلنا النتيجة كي تخدمي بيها ان شاء الله ..

[بيلسان91]

المشاركة الأصلية كتبت بواسطة انا هي رزيقة

هذي مليحة اختي بليسان نورمالمون تصلحلك...... متنسايش توريلنا النتيجة كي تخدمي بيها ان شاء الله ..

نشالله نهار نخدم بها كاش حاجة نصورها ونعتهالكم