الحلوى المسمومة من مطبخي

[فستقية]

المشاركة الأصلية كتبت بواسطة الطائعة لزوجها

شكرا اختي ا على النصائح الثمينة فكنت اجهل ان المحسن الغذائي له اثار وخيمة فيجب علينا من اليوم فصاعدا ان نمتنع عن اضافة الملونات و الملمعات و المحسن الغذائي و ان نطعم اولادنا اكلة صحية خالية من السموم بوركت اختي

العفو والحمد الله اني قد وفقت في توصيل ولو معلومة بسيطة والكل هنا نستفيد ونفيد
لاجل صحة اطفالنا وصحتنا علينا بمقاطعة هذه المواد فيكفي ما نتناوله من هرمونات و كيماويات في خظارنا ولحومنا لما نزيد الطين بلة

[ام هاديل وياسين]

بارك الله فيك اختي كلامك كلو صواب رانا نحضرو السم بايدينا
مكانش كما حلويات زمان امهاتنا كانو يحضرو حلوة الطابع والمدلان والكعك ويكفي
وكانت البركة ومكانش لمراض كما ضرط ربي يهدينا ويباعد علينا هاد السوسة

ونزيد لكلامك مول السيليكون راه حتى هو مضر ومعلومة ثانية قريتها هنا في المنتدى

انا اندومي مضر بالمكونات ال حاطينها معاه راه سم قاتل

[زينوبة 45]

بارك الله فيك ربي يهدينا

[كلاك]

شكرا على النصائح القيمة ونسأل الله الهدايا والصحة والعافية لنا ولكل جميع المسلمين

[أم رقية نسرين]

بارك الله فيك ختي
موضوع في الصميم الحمدلله ربي ساترنا و المصنعين لهاد الملونات و ااملمعات ( الغذائية ) أكيد همهم الوحيد هو الربح و للأسف الشديد صحتنا هي الثمن
إن شاء الله نوليو لعادات الأكل الصحية
جزاكي الله خيرا

[om kamilia]

فعلا فستقية , رانا ناكل في السم البطيء انا حرص في البيت , غيركما شريت ملون ابيض في حقيقة ما قدرتش نديرو سم تاع الصح , غير درتو مع لية بدى يتفاعل كما لاسيد,

امالا خطيكم من الملمعات و منكهات, مكاش كما ماكلة زمان , و قاطوتاع زمان تحفة و بنة و يشهي , اما دوك يعمر العين ويعمر الجسم سموم

و الله نصيحة استعملوا بدائل طبيعية لحلوياتكم واطباقكم , فان نسبة الامراض في ارتفاع, و هناك امراض غريبة ,اتقوا الله في انفسكم وذيكم, و الله لحد الآن عائلتي ما يستخدموش كل هذه المسببات,و الحمد لله,

لازملنا ثقافة توعية , مش اي منتوج يستهلك , فالسوق هو تقنيات البيع فقط للربح على حساب صحتنا , حتى الخضر و الفواكه طعمها تبدل , نلقاو كل شيء في غير وقته و بحجم ولون فاق الطبيعي , مثلا عنب لي يتباع و خاصة غالي كل حبة حبة بصح بنة مكاش باين منتج كميائي ,

انا في رايك فستقية و حتى لازم نديرو بالنا ف ي الدوات لي نستعملوها في طهي سريع و غير ذلك من الااني البراقة و طياب فيها مضر


و لآ غلطت سمحولي , هذي فقط نظرتي للموضوع

[اميريم19]

اين المفر؟ هذه السموم تحاصرنا حتى في المواد التي من المفروض طبيعية فالخضر تسقي بمياه ملوثة والاغنام والابقار تقتات من المزابل اكرمكم الله والدجاج تضاف الهرمونات الي غذائه الله يسترنا ويلطف بنا

[lyna2007]

المشاركة الأصلية كتبت بواسطة اميريم19

اين المفر؟ هذه السموم تحاصرنا حتى في المواد التي من المفروض طبيعية فالخضر تسقي بمياه ملوثة والاغنام والابقار تقتات من المزابل اكرمكم الله والدجاج تضاف الهرمونات الي غذائه الله يسترنا ويلطف بنا

والله يأختي عنك الحق أين المفر
كل الخضر. معدلة جينيا ، والخرفان. شفنا واش صر افيها في عيد الأضحى والكوالدجاج كيما قلتي يوكلوه هرمونات نسائية والله كارثة ،كل هذا يحدث لغياب الضمير والتقوى ، الله يهدينا

[انا هي رزيقة]

ربي يبارك فيك اختي موضوع في منتهى الاهمية و الفائدة و الله عييت نقنع نساء عائلتي بعدم استعمال هذه المواد الممنوعة بتاتا في مطبخي و الحمد لله . ان شاء الله تستفاد اكبر عدد من البنات من هذه المعلومات القيمة و يعرفو ان البنة هي القاعدة في اي اكل وان المهم و الاهم هي اللذة ثم اللذة في كل حبة قاطو موجهة اصلا و اولا للاكل و ليس للفرجة

[ميااار]

ربي يهدينا ويسترنا

[أم أمين2007]

وعليكم السلام ورحمة الله وبركاته
احيي فيك اختي شجاعتك وجرئتك
فعلا ما نشاهده من التسابق والتفنن في صنع اشهى واجمل الحلويات والماكولات
دون مراعاة ما يستعمل فيها من مواد ضارة يحير فكان النساء لا يقران
كانهن لا يسمعن ما تطلعنا بها الابحاث الطبية بين حين واخر
او ربما حسن النية هوما يجعلهن يثقن في هذه المواد
جزاك الله خيرا على موضوعك لانك تفتحين نافذة للضوء ربما تنير درب كثيرات
بارك الله فيك

[فستقية]

بارك الله فيكن جميعا و الله يقدرنا غلى نشر ثقافة الاكل الصحي وكل وحدة تعمل مجهودها لتوعية النساء لانهن المسؤولات على صحة العاءلة كل وحدة تنشر مضار هذه المواد في الفايس بوك والمدونات ولها اجر ان شاء الله وشكرا لكن لتفاعلكن جوزيتم خيرا
وابسط شيئ ان نمتنع عن تناول وشراء هذه الحلويات المسمومة حتى نقضي على الظاهرة

[oumhana]

جزاكي الله خيرا على هذا الطرح الرائع و الموضوع القيم. لكن كما قالت الأخت وين الهربة وين في رمظان قالولي متشريش الكاكاو راه مخلط بالفحم،وين الهربة وين ،و قالك متشريش العكري راه مخلط باليجور،وين الهربة وين،متشريش فلفل أكحل مخلط بنجارة.وين الهربة وين، الخبز فيه المحسن،وين الهربة وين،الجاج فيه la pelluleوين الهربة وين،اللحم راكي شفتي فالعيد. حسبا الله ونعم الوكيل.

[فستقية]

صح وين الهربة وين لكن نقدروا انقصوا من هذه الاضرار قدر المستطاع
التوابل ومنها الفلفل الاسود والابيض والعكري انا وعاءلتي عمرنا لا نشريو الجاهز نشريو الحب انقيوه ونسوموه ونشفوه ونحمصوه شوية او نرحيوهم في الدار في رحاية القهوة بنة ونقى اما راس الحانوت نفس الشيء كل رمضان نحضرو عولة عام نغسلو التوابل ونقيوهم ونرحيو عند الرحوي حسب الحاجة باش يقعدو جدد وبريحتهم الله الله
فيه حوايج بزاف نحضروهم في الدار الملوخية النعناع لفريك
نقسملك بالله غير مرة جارتي شرات توابل مرحيين لقات فيهم بيض قرلو رماتهم وخلي الغبرة الفيران وغيرها الله يسترنا وخلاص

[minina2601]

الله يهدينا بارك الله فيك