الجزء **168* من واش طيبتي اليوم.. كوزينة تحضيراتنا لعيد الأضحى و رجوع الغايبات

[انا هي رزيقة]

توبة يا وجه الخير نبدالك بالحلو باه تحلى قعدتنا .هذي غربية بالكاوكاو خمدتها الويكاند لي فات و حلفت منحطها حتى يجى الخير و هوليك جا معاك حنونتي ..... خخخخخ

[أم ياسين الزهراء]

يافرحتي وياسعدي طلت بنتي الغالية وجابت احلى خبر على ام اماني ودكرت احلى الرفقة الله يرجعهمعلى خير

لي عودة بادن الله مشغولة لشوشتي

[ام عبدو و ملاك]

الف الف الف الف مبروك افتتاح الكوزينة الجديدة توبة بارك الله فيك هك ما نقعدوش هازين الطباسا وواقفين خخخخخخخخخخ
ماكلتك الله يبارك تشهي يا سعدو اللي رايح يديك وكيما قاتلك ام تاجو واش بيهم الرجالة عماو عليك ربي يرزقك بولد الحلال ان شاء الله
انتظري مني الباروك

[انا هي رزيقة]

و هذا المالح عشانا في الايام الماضية دجاج بشكشوكة البصل و الفلفل و الطوماطيش مع سلاطة بطاطا و الحمد لله حمدا كثيرا مباركا فيه .مازال عندي صور بصح دوك نولي للخدمة نزيد نحطلك لعشية اذا كفاني الوقت يا احلى توبة تهلاو في ارواحكم لبنات

[أم أماني وعبدو]

هههه لالا حبيبتي توبة انا ام اماني وعبدو و المعلمة توأمي ام عبدو وملاك ربي يدوم المحبة

[kahina maam]

حياكم الله لبنات الفحلات اريد ان اعلمكن انا عضو جديد في الكوزينة و للاسف المشاركة فيه جاتني شوية صعبة لاني مازال ما نعرفلوش جيدا لاكن ساحاول الدخول في الصف باذن الله و انتن ساعفوني و بمناسبة افتتاح الكوزينة المنورة و انشاء الله مربوحة اليك اختي توبة الباروك الي حضرته و لكل اعضاء المنتدى و بالصحة و العافية

كرواصون


قا طو الغربال

ت

او هاذي قاطو العيد

[اريج 07]

جااات اللبوزة و جابت تلبازها هههههههه معليش ياتوبة سمتيني لبوزة خخخخ ههههه تفضلي طالحلو لي درتو هاذ ليام بسبوسة و مسكوته و بقلاوة سخف عليها خويا ايا نضت لبزتها خخخخ









و هاذي قهوتي للحلوات

[اريج 07]

و هذا عشانا تاع البارح بيتزا

[اريج 07]

و هاذو لفولوفون بكريمة الجبن و الشوارما و ميني بيتزا من ارشيفي الجديد ههههه

[اريج 07]

اهلين بحراير الكوزينة ليكم وحشة حبايب قلبي
امممممم توبة اطباقك تحف من الحلو للمالح و خاصة اللبن مه الرخصيص و تارتولات الليمون شهتيني و تارت التحفة يادرى عيد ميلاد شكون خخخ ههه

شاوية حرة مبروك عليك اختي و ربي يثبت حملك

اهلين حياتي كلها امل و نور صوفيا و ام اماني و عبدو

يااااي يافرحتي شكون نورت الكوزينة طاطاتي لحبيبة اهلين حنونتي كاش ذواقات و وينهو قاطو العيد منسيتوش ههههه والله توحشت مواحاتك بالجغابل خخخ بوسيلي امورتي مريومة

اسووووم يا دبدوبة واش من ريجيم راكي ديري فيه ابعتي لاختك شوية هههه راني ضعفت خخخ اسمعي معليش جيبي لاسوب قابلين تعرفينا مانطلقوا والو ياك هكا توبة ههه

ياخلايا شا دارت فيا زقزوقتي الحلوة بالغريبية واااع نموت عليها حبيبتي سيغتو زادت جات من عندك امممممم
و طيحي وبوصفة الدجاج راهو في خاطري امممم وسلاطة كملت عليا ياااالهوي ههه

يافرحتي و ياسعدي طلت ميمتنا الغالية هههه درت كوبي لكلامك ههههه في انتظار اطباقك و تحريفاتك ياامر

اهلين ام عبدو و ملاك من ليوم متهزيش طبسي و تستني راها كوزينة توبة مفتوحة لكل الغاليات

شكون جاتنا ضيفة بنت خالت حبيبتنا و الغالية على قلوبنا زقزوقة الحلوة اهلين حبيبي زدتي لقعدتنا نور على نور حبيبتي كهينة اكيد راكي شاطرة مدام جيتي من طرف الامر زيكا
هذا كرواصون و هذا و هذا قاطو و هاذي بقلاوة ياسلام يعطيك الصحة حنونتي والله روووعة تسلم ايدك


اريج07 يعطيك الصحة اطباقك توووب ههههه قالك لعروسة تشكرها امها ولا فمها خخخخخه

[*توبــــة*]

زييييييكا حبوووبتي الغريبية هااااااااايلة وباينة تذوب ف الفم... ربي يحلي ايامك يا العزيزة
اما عشاااك والله رووووووووووعة الصور رايحة تنطق.. ديما تسخفني السلاطة تاعك
قوليلي صورك ديريليهم ماكياج (تعديلات) على قولة ام تاجو ولا لالا... بسك ياتيريو
ربي يعينك مع الخدمة. ويعطيك ما تتمناي يا الغالية


ام ياسووو ميمتي العزيزة راني طمنتك.. جيت نراسلك لقيت الصندوق معمر.. المهم راني نستنى اطايبك يا غالية

ام عبدو وملاك الطبسي هزيتيه مي كي دخلتي للكوزينة نسيتيه برا هههههه
راكم غير تحشمو فيا اليوم :d:d:d:d بانتظار الطبسي يا لالة
ام اماني وعبدو.. راني لقيت المعلمة كتباتو في توقيعها ههههههه هك مانتلخبطش بيناتكم

كاهنة يا كاهنة مادرتي فينا ... جيتي وجبتي الخير معاك والله نورتينا
حلوياتك رااااااااااااائعة حبيبتي تسلمي.... على فكرة اسمك راااائع
مريومة يا زينة الحووومة :d يعطيك الصحة على الحلو يا حلوة... شهيتيني ف القهوة
انا يسخفو على البقلاوة لازم شهرين باه ندير كوراج ونديرها....... هههههههههه تجيني ثقيلة

البيتزا امممممممممممممممم تشهي ولفولوفون يا بنتني يعطيك الصحة ماشاء الله هااايلين
درتيهم كوموند لعرس؟؟؟؟ العجينة المورقة تاع من اللي معتمدتها ولا وصفتك؟؟
هيااااااااااا طيحي بوصفة كريمة الجبن يا لبووووووووزة

[*توبــــة*]

المشاركة الأصلية كتبت بواسطة اريج 07

اهلين بحراير الكوزينة ليكم وحشة حبايب قلبي
امممممم توبة اطباقك تحف من الحلو للمالح و خاصة اللبن مه الرخصيص و تارتولات الليمون شهتيني و تارت التحفة يادرى عيد ميلاد شكون خخخ ههه

شاوية حرة مبروك عليك اختي و ربي يثبت حملك

اهلين حياتي كلها امل و نور صوفيا و ام اماني و عبدو

يااااي يافرحتي شكون نورت الكوزينة طاطاتي لحبيبة اهلين حنونتي كاش ذواقات و وينهو قاطو العيد منسيتوش ههههه والله توحشت مواحاتك بالجغابل خخخ بوسيلي امورتي مريومة

اسووووم يا دبدوبة واش من ريجيم راكي ديري فيه ابعتي لاختك شوية هههه راني ضعفت خخخ اسمعي معليش جيبي لاسوب قابلين تعرفينا مانطلقوا والو ياك هكا توبة ههه

ياخلايا شا دارت فيا زقزوقتي الحلوة بالغريبية واااع نموت عليها حبيبتي سيغتو زادت جات من عندك امممممم
و طيحي وبوصفة الدجاج راهو في خاطري امممم وسلاطة كملت عليا ياااالهوي ههه

يافرحتي و ياسعدي طلت ميمتنا الغالية هههه درت كوبي لكلامك ههههه في انتظار اطباقك و تحريفاتك ياامر

اهلين ام عبدو و ملاك من ليوم متهزيش طبسي و تستني راها كوزينة توبة مفتوحة لكل الغاليات

شكون جاتنا ضيفة بنت خالت حبيبتنا و الغالية على قلوبنا زقزوقة الحلوة اهلين حبيبي زدتي لقعدتنا نور على نور حبيبتي كهينة اكيد راكي شاطرة مدام جيتي من طرف الامر زيكا
هذا كرواصون و هذا و هذا قاطو و هاذي بقلاوة ياسلام يعطيك الصحة حنونتي والله روووعة تسلم ايدك


اريج07 يعطيك الصحة اطباقك توووب ههههه قالك لعروسة تشكرها امها ولا فمها خخخخخه

ههههههههههههههههههه قتلتيني بالضحك يا موصيبة... هيه نتي الاولى اللي لازم تشكريها
والله نورتينا بكلامك الحلو.... هك ويلا نغيب نتي اطهلاي ف الضياف حتى نرجع
ضرك رايحة نغسل ميعناتي ونشوف وش نلبزلهم للقهوة ولي عودة باذن الله

[kahina maam]

خجلتيني بمد حك الجميل يا احلى اخت اريج07 او راكو نورتو الكوزينة من بدايتها و متشرفة بكن الكل
اممممم اريج07 اطباقك كلها ذوق و تحفة و كذا اطباق توبة ذو لمسة رفيعة اممممممم يشهيو بارك الله فيك

و شرفي لأم أماني وعبدو و ام عبدو و ملاك و أم ياسين الزهراء و لكل الاعضاء للقائكم في المنتدى


انا هي رزيقة يعطيثك الصحة اعرف جيدا اطباقك الحلوة و البنينة الي تربينا عليها فانت اساس و عماد كوزينتنا اليوم ربي يحفظك

[انا هي رزيقة]

يا عمري على الفحلات الحراير الطيوبات قلت نجي نسلم على كامل لي دخلو خاطرش صباح مكانش عندي الوقت لقيت مريومة و توبة قامو بالواجب و اكثر و يا لهوي حتى كهينة تعلمت تسلم و تعلمت بعض الاسماء ..... خخخخخ بصح كهونتي راكي نسيتي ام تاجو الغالية على قلوبنا و لا خلي نبعثلها انا احلى سلام ليها و لمريومة تؤبشني و الله توحشناك ام تاجو و توحشنا اطايبك التي لا يعلى عليها
اختي توبة كوزينتك باينة تع الخير حنونة انا ثاني عجبوني لي تارتولات امممم .
حقا مريومة قتلتينا بالفولوفون
بنت خالتي كهينة عجبتني البقلاوة اممممم يسلمو دياتك حبيبتي و ياعمري حشمتيني بكلامك الزين ....خاه راني كي الطوماطيشة ..... ياك تعرفيني نحشم ...... خخخخخ

حقا اختي توبة صوري مشي مروتوشيين السر فقط انو عندي كوزينة ضاوية ماشاء الله و ثاني بورتابلي من النوع الرفيع ....عقبال عندكم يا رب و احيانا كي يكون عندي وقت نعدل بعض الصور في برنامج بيكسل .راكو تشوفو مخبيت عليكم والو ..... خخخخ

[انا هي رزيقة]

مريومة الزينة هايليك وصفة الدجاج بالتشكشوكة لعيونك
خوذي قطع الدجاج بعد متنقيهم طبعا و تبليهم بملح و فلفل اكحل ثم حطيهم في طنجرة او مقلاة تيفال مع حوالي 3 مغارف زيت و حمريهم من كل الجهات ثم حطي عليهم بصلة كبيرة مقطعة شرائح مع ثوم مقطع شرائح و زيدي قلي الكل حتى يذبال البصل زيدي عليهم فلفل اخضر و احمر ان كان متوفر مقطع شرائح و زيدي قلي ثم زيدي حوالي 2 طماطم مبشورين بيهم و بمائهم و زيدي قلي ثم ملحي و تبلي بفلفل اكحل مع رشة زعيترة مع ورقتين رند مع شوةي فقط كمون و قرفة كي يتقلى مليح الخليط زيدي عليه حوالي كاس ماء و نقصي عليه النار و خلي الجاج يطيب هو مايخذش وقت كبير حوالي 20 دقيقة على اقصى تقدير .