ما ننصح حتى وحدة تشري غسالة مواعن
تاكل الكهرباء و الماء بزاااف
تأخذ حوالي ساعتين باش تكمل الغسيل، صح يخرجوا يشعلو، بصح إذا كبيرة لازم تجمعي المواعن يعني تسليهم و الا تحيطهم في ألما يرطابوا و اذا صغيرة ممكن ما تكفير و كي تحسبي الوقت و الكهربا تقولي الكبيرة خير
الحديد انت اغسليه يا لوكان تحكيه من اللي حاصل فيه
الصابون تاعها لازملو ميزانية ليه وحدو
عندك وقا تنقي المواعن مرات تشلليهم حتى و تستفيهم داخل، الكبيرة ممكن تاخد عشر دقايق دون توقف أو أكثر إذا حسبنا التشلال
لازم منين داك و تنقيها باش ما تتسدش، و تشكيلها صابون لهاداك الشيء منين داك
الحس ، حدث و لا حرج
و الله ست ملاين نصرفهم على روحي نجيب خديمة 3 سوايع في الأسبوع و نعطيها 1000 دج للساعة باش تخدم مليح، و المواعن الوحدة تنقص، ناكلو ڤع في طبسي كبير و هكدا تكون البركة، و الكيسان تاع الما ما نكتروش نحطوا واحد قيس زوج، و اذا لازم نطيب في الطين و منو ناكلو ڤع في رحبة، و الله فيها بنّة.
و اللي تحب تشري رغم كل شيء ننصحها تشري جزايري و بالضمان بالأقل عامين و ربي يعينها
نتمنى أفدتكم