الإنجاب في أول سنة زواج

[آسيا 25]

المشاركة الأصلية كتبت بواسطة حاملة المصحف

انا متزوجة عندي فقط 3 اشهر و عائلة زوجي هداهم الله مرصوني بالاسئلة لكن انا منيش مقلقة هدا مكتوب ربي و كل حاجة في وقتها مليحة
و ربي يرزق كل محروم الدرية الصالحة و الاخ الي قال رزقني ربي و انا عمري 50 نقلو اف مبروك ربي يتتم على خير و توكلنا الباروك

السلام عليكم
أختي مازالك عروسة الله يبارك لكن عندك الحق حتى أنا 3 أشهر الناس بدات تسأل فيا!!! قلتلهم آآآآو هذا ملايكات السماء مازالو ما سمعوش بيا !!!! شكرا أختي على المشاركة و ربي يرزقك الذرية الصالحة عاجلا باش تتهناي

[آسيا 25]

المشاركة الأصلية كتبت بواسطة cerina

rabi yerzak nchaleh koul wahed yestena w ifareh koul marboun

آمين أختي شكرا على الدعاء الجميل أتمنى أن تشاركينا بقصة من محيطك ربما نجد حالة خاصة أنو أهل الزوج يقولو لأولادهم و نسائهم مازال الحال بعقلكم بارك الله فيك أختي الكريمة

[عائشة 88]

السلام عليكم شكرا جزيلا على الموضوع
والله جا في وقتو تقول راكي حاسة بيا هههههههههه
انا عندي 4 اشهر زواج حاسيت بلي عندي 4 سنوات
اهل زوجي كل يوم اسمع منهم نفس السؤال كاش مكاين وعلاه محملتيش
تخيلي كرهت حياتي انا مكنتش نخمم بصح دارولي وسواس
وراني كل يوم عند طبيبة حتى ضحكت عليا
ربي يهدي لي متزوجش وعلاه مزوجتيش وكي تزوجي وعلاه محملتيش
الناس فارغة شغل وناقصة دين حتى اصبحو يدخلو في حكم ربي استغفر الله
يا كاشي بيد ربي سبحانو هو لي يرزق
اسفة على الاطالة دعواتكم لي ان يرزقني ربي الذرية الصالحة
بالتوفيق للجميع

[آسيا 25]

المشاركة الأصلية كتبت بواسطة عائشة 88

السلام عليكم شكرا جزيلا على الموضوع
والله جا في وقتو تقول راكي حاسة بيا هههههههههه
انا عندي 4 اشهر زواج حاسيت بلي عندي 4 سنوات
اهل زوجي كل يوم اسمع منهم نفس السؤال كاش مكاين وعلاه محملتيش
تخيلي كرهت حياتي انا مكنتش نخمم بصح دارولي وسواس
وراني كل يوم عند طبيبة حتى ضحكت عليا
ربي يهدي لي متزوجش وعلاه مزوجتيش وكي تزوجي وعلاه محملتيش
الناس فارغة شغل وناقصة دين حتى اصبحو يدخلو في حكم ربي استغفر الله
يا كاشي بيد ربي سبحانو هو لي يرزق
اسفة على الاطالة دعواتكم لي ان يرزقني ربي الذرية الصالحة
بالتوفيق للجميع

السلام عليكم
أختي ربي يهديهم برك بصح أنا عن نفسي ما قلقتش روحي ما نكذبش عليك رحت كي كنت 5 أشهر زواج عند طبيبة قالتلي راكي لاباس بيك و عطاتني تحاليل خرجولي ملاح قالتلي نعطيك l'acide folique باش لما تحملي يعاونك من تم ما زدت رحت لحتى طبيب حتى كملت عام, و هوما كلاوني ونفس الشيء الطبيب اللي رحت ليه و اللي مشهودلو بالخبرة في ولايتي قالي راكي ما عندك حتى إشكال وممكن الضغط النفسي اللي خلاك ما تحمليش بسرعة و أيضا زوجي تحاليلو خرجت مليحة لما قلت لأمو قالتلي مالا بيكم العين روحو ترقيو
شكرا أختي على مشاركتنا حكايتك ربي يرزقك بالذرية الصالحة عاجلا غير آجل و تجي تفرحينا في هاد الموضوع و تقولينا راني حامل.

[عائشة 88]

ان شاء الله انتي كذلك ربي يفرحك

[آسيا 25]

المشاركة الأصلية كتبت بواسطة عائشة 88

ان شاء الله انتي كذلك ربي يفرحك

آمين أختي ربي يرزق كل مضغوط

[riiiitej]

تخلف و تخمام ناس بكري

[mimi hano]

السلام عليكم ورحمة الله وبركاته. أولا زواج المرأة او أو الرجل طريق الأمومة أو الأبوة. ثانيا الأولاد هدية هبة من عند الله لا أحد يعطينا إياه إحساس جميل جدا. ثالثا أجد أن الحمل والرضاعة و وووووو أجمل لحظات حياتي.ربي يرزق كل محروم

[روح المي]

هو شيء في نهاية يخص زوجين كل زوجين حسب تفكيرهم
وارى انه من جهل الاهل تدخل في امور زوجين

[آسيا 25]

المشاركة الأصلية كتبت بواسطة riiiitej

تخلف و تخمام ناس بكري

للأسف أخيتي تخلوا عن عادات ناس بكري إلا في هذه النقطة ما حبوش يتخلاو بارك الله فيك

[آسيا 25]

المشاركة الأصلية كتبت بواسطة mimi hano

السلام عليكم ورحمة الله وبركاته. أولا زواج المرأة او أو الرجل طريق الأمومة أو الأبوة. ثانيا الأولاد هدية هبة من عند الله لا أحد يعطينا إياه إحساس جميل جدا. ثالثا أجد أن الحمل والرضاعة و وووووو أجمل لحظات حياتي.ربي يرزق كل محروم

معك حق أختي الكريمة هي نعمة كبيرة ربي يرزقنا أجمعين, لكن هل أنت مع أو ضد أن يتدخل الأهل في الموضوع و أن يتوصل بهم المطاف حتى لمعاداة الزوجة لأن الله لم يرزقها!!!!

[آسيا 25]

المشاركة الأصلية كتبت بواسطة روح المي

هو شيء في نهاية يخص زوجين كل زوجين حسب تفكيرهم
وارى انه من جهل الاهل تدخل في امور زوجين

فعلا أختي يبقى أمر الإنجاب متعلق بالزوج و الزوجة و هما إنسانان بالغان و راشدان و لا أحد يعرف مصلحتهما مثلهما!!!!شكرا على المرور الكريم

[دنيا الامل 18]

هدا مكتوب ربي لا احد يتحكم في الخلفة والناس ربي يهديهم

[دنيا الامل 18]

الى الاخوات ربي يرزقكم الدرية الصالحة

[آسيا 25]

المشاركة الأصلية كتبت بواسطة timomaria

الى الاخوات ربي يرزقكم الدرية الصالحة

آمين يا رب العالمين بوركت أختي الكريمة