ضاقت بيا الارض بما رحبت

[hawa19]

علاه عليك هاذا التشاوم كامل عندك غير ثلاث اشهر زواج برك حاولي تعيشيهم مليح لاخاطر هاذو هوما ليامات الملاح في الزواج كثري من الاستغفار حاولي ديري جو باه تنساي مرضك و مرضو حاولو تخرجو شويه ديري دورات تعليميه في كل المجالات شاوري أقرباءك حاولي تتعلمي تقربي منو و اعرفي واش يحب لازم تبدلي نضرتو و رايو فيك انا نقول بيه مرضو ما شي انت و ديري ثقه في ربي و في نفسك و تقربي لربي بالدعاء و ربي يفرج عليك

[الزمان 03]

السلام عليكم النقطة الاولى هي الثقة في النفس يجب عليك تعزيزها ، اما المرض فلا أحد يأمن نفسه منه وكلا مبتلا ، اما الدعاء على نفسك بالسرطان فكان الاولى ان تدعي الله بالشفاء لك ولكل المؤمنين فهو على كل شيء قدير ولا اعتقد أنك لا تعريف كما هي تلك المعنات التي يعيشها مرضى السرطان ، من جهة أخرى انت في بداية الزواج وهي شهور صعبة بالتوفيق
إن شاء الله والمهم الانسان ان يحاول وتكون نيته صادقة أم الامور التي لا طاقة لنا بها فلا يجب ان نتحرج منها أو نحمل انفسنا اكثر من قدرتها

[بريق الدجى]

يا اختي ضرك الدنيا طورت و كل شيء عنده حل انتي اجلسي مع روحك و ادرسي مشكلتك هل هي نفسية ام جنسية ام .... انتي أدرى بحالك
و ابحثي على حل راه عندك النت عندك الأطباء ..... وفكري ثاني ربما مشكلتك انك ضربوك بعين يوم زواجك خاصة و انتي راكي عروسة جديدة ربما

[آسيا 25]

لا حول ولا قوة الا بالله
أختي ما تخليش الشيطان يستحوذ عليك أستغفري و شهدي و أحسني الظن بالله هذا 3 أشهر و استسلمت? الناس راهي عندها 10 سنين زواج و مازالو حابين يغيرو الوضع و يحسنو علاقتهم, ربي يشفيك أختي.

[نجاة^^]

السلام عليكم اختي علاه تدعي ربي في حاجة كيما هاك مرض خبيث اللي مراض بيه راهم يتمناو يعيشوا لحظة بدون الم اتقي الله وكملي صلي وادعي ومتقطعيش رحمة ربي في امان الله