كيف تقنع من تحب وتريد أن تتزوج بالبس النقاب

[knives66]

بنت كي تقولها استري روحك هذك وين تتعراء ملا قولها اتعري به تستر روحها

امشي معهم بالعكس

[ايمان4]

النقاب ماشي فرض ... اذا راها مستورة فلا تحملها ما لا طاقة لها به فهذا من عندك انت اذا كنت تغار فهذا من قلة ثقتك بها ... اذن المشكل فيك انت الاخ ....عاد راها مليحة مخلاتكش و قبلت باخر كونها جميلة و بنت عايلة

[روح المي]

بما أنني مررت بموقف مشابه سأقول وجهت نظري أنت نهار تقبلتها وقررت انها تكون زوجتك وقدمت شرط لان تكمل هذا مستفز
فلو كان ايمانها قوي لن ترفضه مطلقا المشكلة في طريقة تهديدك أنك لن تتزوجها هذا يجرح كبراء أنثى

[loulou.moro]

يا أخي حاول معها بلطف ولا تستخدم لغة التهديد وأخبرها أنها لو حققت لك هذا الشرط فستضعها في عينيك لبقية حياتك وستحرص على سعادتها مادمت حيا ,

وأخبرها بأن الحجاب الشرعي زينة للمرأة العفيفة الطاهرة وإنك تريد أن تعيش معها حياتك في الدنيا و أن تلقاها غدا في جنة الخلد إن شاء الله سيدة من نساء أهل الجنة,

[لمسة ابداع]

السلام عليكم و رحمة الله و بركاته
نفس الموقف تقريبا حدث معي
بصح نقوللك السيد اللي خطبني مكانش ناوي يقولي على الجلباب و النقاب هو قبل ما يجي لمح لي بالجلباب قالي نساء خواتاتو لابسين الجلباب مي ماقاليش البسيه مناه عنبلو بلي انا ضد فكرة الجلباب
زهري ختو بنيتها قاتلي خوياااا شرطووو الاساسي و اللي مستحيل يتنازل عليه الجلباب اكيد رفضت حااول معايا هو و العايلة تاعوو لا يقول انا ما كنتش ناوي نفتح الموضووع هدا اليوم المهم انا كنت مصرة على رايي
بكل بساطة كاين حوايج بزاااف نريقلوهم قبل مانلبسو الجلباب و كل واحد و قناعاتو
الحاجة الوحيدة اللي نحير فيها تحبو تحكمو كلشي دنيا و دين زين لا طاي تناسبو عايلة صمعتها مليحة الجلباب النقاب مستحيل راح تلقا كلشي لازم تتنازل على حاجة يا تتقبلها بستيلها هدا يا انت ربي ينوب عليك من جهة اخرى و هي تاني ري يرزقهااا زوج غيرك
رجاااااءااا لا احد يقتبس رديييييييييييي

[rose de sable s]

سلام تقبل اخي ردي
انت تغار عليعا لكنك تتركها تعمل و هدل يانافي مع مبداك
يعني لو بقيت في بيتها و تخرج للظرورة حتي بالحجاب عادي لم تغي عليها لان خروجها قليل و ممكن معك
ام خروجها اليومي هو الدي يتركها محل الانظار
اما في ما يخص جلباب انت اجلها تلبس لباس واسع و فضفاض و مع وقت اشرح لها امر و غيرتك و راي دين في دلك
مع وقت اكيد ستغير رايها الام ممكن سنها و عملها يتركانها لا تتقبل فكرة لكن مع وقت ستتقبلها

[خولة لبابة]

المشاركة الأصلية كتبت بواسطة jill

اختي كانت ترفض النقاب فطلب منها زوجها ان تجربه مدة 3اشهر ثم تنزعه ...ثم بعد انقضاء المدة قال لها لما تصيري ام انزعيه
منها الى يومنا هذا صارت لا تستطيع الخروج بدون نقاب حتى وصارت ام رفضت انها تنح النقاب واخبرتني انه صار يعجبها

ربي يوفقك

بارك الله فيك على ردك......اعجبتني قصة اختك....وفقنا الله جميعا الى لبسه ان شاء الله......

[حاملة المصحف]

انا تزوج ت زواج تقليدي و زوجي كان من شروطو الجلباب و الاسدال انا كنت مع الجلباب و صد النقاب و كانت موافقتي مبدئية لكن كتناقشنا في الموصوع قنعني و مقددرتش نقنعو و الحمد لله وليت منقدرش نخطي خطوة بلا بيه ........... حورها باللتي هي احسن والا اتركك منها لان المراة خاصة حنا الجزائريات نشتيو الرجل الغيور علينا و ان شاء الله ربي يسهلك امورك

[إسلام الفاروق]

اطرح عليها الفكرة ان قبلت اللهم بارك و ان رفضت فابحث عن اخرى في الكثير من البنات تقبل

اما الجمال ايام و يختفي اهتم بنفسك احسن و ابحث عن من يحبك و ليس من تحب

سلام

[على خطى السلف]

الجمال ينتهي مع مرور الزمن والفتاة أخي الكريم تشيخ وتذبل بسرعة

أما الجمال الحقيقي هو جمال الجوهر

خذها سلفية على منهاج النبوة

متنقبة مقتنعة راضية بالنقاب من اول يوم

لا تغامر مع فتاة ترفض النقاب ولا تقل انك ستهديها فيما بعد فهده مقامرة

والله يهدي من يشاء

[farhat dz]

الجمال ليس مقياسا حاول ان تجد متنقبة ومتجلببة فيوجد الخير الكتير

[ملكة القمر]

الفتاة بطبيعتها لن تقبل من اول مرة
لكني راني نشوووف من الخطأ تفرضو عليها و لا تتركها راح تندم بزاف تبدا حياتك هكذا
أخي نتا كذلك اسمح شويا مستحيل من حجاب عادي لنقاب حاول نع الملابس الداكنة ولا الجلباب أفضل
حاول معاها بالهدرة و الكلام المعسول و حول تحكيلها على السعادة اللي راح تعيشوه و صارحها بالغيرة تاعك و متنساش تربط كلش بالدين
ان شاء الله ربي يتمملك معاها على خير
جميلة تلك لقصص اللي نشوفو فيها شاب غيور و فتاة عنيدة ههههه
سلاااام

[عبير الروح7]

واللله يا أخي قصتك كقصتي تماما سبحان الله لكن انا لم يفرض علي لبس النقاب مع ان كل اخواته يلبسنه لكنني مرتدية حجاب شرعي و الحمد لله. لكن زوجتك هذه يجب عليك ان تعرض عليها لبس حجاب شرعي اولا ليس النقاب مباشرة كونها معتادة على مسايرة الموضة.اتمنى لكما حياة سعيدة ان شاء الله

[سَـآجدة]

أولا فلتصلح الخطأ الكبير الذي أنت فيه وهي العلاقة غير الشرعية التي أنت فيها ..
ثم انتقل إلى غيرها هداكم الله وأصلح أحوالكم

[rtoufik]

المشاركة الأصلية كتبت بواسطة سَـآجدة

أولا فلتصلح الخطأ الكبير الذي أنت فيه وهي العلاقة غير الشرعية الذي أنت فيها ..
ثم انتقل إلى غيرها هداكم الله وأصلح أحوالكم

هذي هي الهدرة نتاع الصح مشكوره على هذا الرد
ربي يهدي الناس و يجبر حالهم