اخطر مشكلة في الحياة الزوجية -الخيانة -

[RAHETBAL45]

الثقة تشبه الزجاج اا انكسرت صعب تعيدها الى حالتها الاولى لذلك الخيانة هى طعم العلقم الذى لا اتمنى لاى كان تذوقه لهذا يجب على الشخص ان يحاول ان يبحث لما حدثت الخيانة ولما خان الطرف الثانى نحاول تصحيح الاخطاء وارجاع الامور الى نصابها دون مواجهة الطرف الثانى اما الحل الثانى ان لم ينجح الحل الاول فهو الطلاق لانه لا اتخيل ان يعيش شخصين تحت سقف واحد واحدها يخون الله يهدى الجميع

[AMINA.Z]

يا اختي هذه تسمى خياااانة
ما فيها لا لباقة لا ادب في المواجهة
السيد ماش مربي ...واش من حلول راكي تحوسي عليها
فرغي قلبك و الا راح تخلص عليك بمرض القلب و هو او فرحان بروحو و زاهي.
فيقو لرواحيكم

[إسلام الفاروق]

يقال من يخون مرة يخون كل مرة الخيانة عقابها الموت سواء في الزواج او الوطن
من خان فمن الاحسن ان يصمت ويتوب ويعوض على خيانته لله اولا ثم لشريكه
اما الاعتراف فلن يسبب الا الضرر النفسي لطرف الاخر لا منفعة منه |
سلام

[mrmilano1984]

المشاركة الأصلية كتبت بواسطة وردة حرة

شكرا على طرح الموضوع فأنا في هذه اللحظات ينزف قلبي دما تعبت من الخيانة و اتعبتني و للأسف لم اجد لها حل فكما قالت الأخت أم إيمان 16 هي تسري في دمائه بالرغم من أنه يحبني فماذا أفعل؟

يااختي الاستادة انا لااتدخل في حيااتكما الشخصية يف لعاقل تقولي يحبني ههه وهو يخوتك مع مراة اقل منك ربما مستوي وجمال وخلق وووو او فتاة صغيرة منك بالصح يحبك يا نتي نية تاع الصح يا راكي تحاولي تصبري روحك بحبو ليك واحد كما هدا يخوتك ويخواك ويخوتك مع نساء يحبك ربي يشفيك من سباتك فيقي لعمرك انا مانيش نحرش فيك او ندر فتنة نون مي فيقي لروحك هدا ماشي حب او حب تايوان صدقيني والكثير يعانيو منو يواء مراة او رجل فهمتني اتمني انك تقراي كلماتي باش افهمي معني الحب الحقيقي للزوجان او الجنسان يلزملو صوالح بزاف مش بالهدرة او تمثيل الصح راه في القلب فهمتي

[وردة حرة]

المشاركة الأصلية كتبت بواسطة mrmilano1984

يااختي الاستادة انا لااتدخل في حيااتكما الشخصية يف لعاقل تقولي يحبني ههه وهو يخوتك مع مراة اقل منك ربما مستوي وجمال وخلق وووو او فتاة صغيرة منك بالصح يحبك يا نتي نية تاع الصح يا راكي تحاولي تصبري روحك بحبو ليك واحد كما هدا يخوتك ويخواك ويخوتك مع نساء يحبك ربي يشفيك من سباتك فيقي لعمرك انا مانيش نحرش فيك او ندر فتنة نون مي فيقي لروحك هدا ماشي حب او حب تايوان صدقيني والكثير يعانيو منو يواء مراة او رجل فهمتني اتمني انك تقراي كلماتي باش افهمي معني الحب الحقيقي للزوجان او الجنسان يلزملو صوالح بزاف مش بالهدرة او تمثيل الصح راه في القلب فهمتي

شكرا على ردك
أعرف أنه يحبني لكن هذا فيس الله غالب أعرفه جيدا و إن قررت الذهاب يجن لكن ما فائدته من الكذب إن كان يحب أخرى و لا يريدني ؟

[nina015]

طارق الحبيب الخينة الزوجية على يوتوب

[naimori]

الخيانة الزوجية مهما كان جنس الخائن فاللوم يقع عل الضحية لانه سبب الخيانة تصورو هل يبحث عن الطعام من هو شبعان لا وهل يحفر بئرا من هو مرتوي لا .....ومن جهة انتشار الفتن وتاثير الاعلام والصحبة السيئة

[hiba hajer]

يا الله ما أصعب ذلك الاحساس عند. اكتشاف الخيانة فعلا تتحطمي تدمري و تمرضي و لا احد يعرف سبب مرضك الا الله. اه اه اه اه اه
ماذا اقول لك يا اختي اجيب عن سؤالك لا زم تواجهي لان السكوت يؤدي الى التمادي و الوقوع في كارثة ادا عرفتي و سكتي راكي راضية بالحرام داخل حياتك و لكن كيف تكون المواجهة هادا هو الاهم كل رجل و طبعه يوجد العصبي و الهادئ و ............. لكن العلاج واحد حذاري ان تواجهيه بالتهديد او العصبية لان هاذا سيزيد المشكل تعقدا و هنا ستقرري ان كانت غلطة او ضعف منه او سقط في شباك احدى الفاسقات المهم اذا عرف السبب بطل العجب وفي كل الاحوال حافضي على زوجك و اعطه فرصة لتصليح علاقته مع الله اولا فان صلح علاقته مع الله سيساعدك الله في النسيان و متابعة حياتك لان خيانته لم تؤذيك انتي فقط بل هو المتأذي الاكبر مع الله

[omniyat]

موضوع قيم بارك الله فيك

[mrmilano1984]

المشاركة الأصلية كتبت بواسطة وردة حرة

شكرا على ردك
أعرف أنه يحبني لكن هذا فيس الله غالب أعرفه جيدا و إن قررت الذهاب يجن لكن ما فائدته من الكذب إن كان يحب أخرى و لا يريدني ؟

حيراتي انا اعرف راجل كي يحب مرا صح صح من قلبو مانضنش يخونها سالي اي مختص في اي مكان في العالم ليس الجزائر فقط الراجل كي يحب المدامة تاعو موحال يخونها يشوفها غير هو ونعرف عدة امثلة بين رجل ومراة مش متحابين او واحد لايشبع الاخر وووو هدا يخون في الاخر فهمتي لااضن انه يحبكي فعلا فعلا

[mohamedfon]

ما بني على باطل فهو باطل
و الحلال بين و الحرام بين
_____
إبتعدنا على ديننا لذا نحن نجني العواقب الوخيبة
ربي يهدينا أجمعين

[GOLDENROSE]

شكرا على الردود و المساندة
انا مترددة بعد في المواجهة . خايفة
كي نشوف مليح معيا منصدقش بلي هو نفسوا هداك الشخص يلي سمعتوا يحكي . حتى وليت نشك في روحي و نكدب واش سمعت مي الحقيقة المرة انو صح
. مستحيل هدا الشخص الي كان يحبني كل هداك الحب و الشخص المتدين الي خاف ربي يكون هكدا
حسبي الله و نعم الوكيل في كل واحداة تدير علاقة مع راجل متزوج و تخرب عايلة كاملة
يارب اجعل كيدهن في نحرهن

[hiba hajer]

المشاركة الأصلية كتبت بواسطة goldenrose

شكرا على الردود و المساندة
انا مترددة بعد في المواجهة . خايفة
كي نشوف مليح معيا منصدقش بلي هو نفسوا هداك الشخص يلي سمعتوا يحكي . حتى وليت نشك في روحي و نكدب واش سمعت مي الحقيقة المرة انو صح
. مستحيل هدا الشخص الي كان يحبني كل هداك الحب و الشخص المتدين الي خاف ربي يكون هكدا
حسبي الله و نعم الوكيل في كل واحداة تدير علاقة مع راجل متزوج و تخرب عايلة كاملة
يارب اجعل كيدهن في نحرهن

.
اختي راني حاسة بيك لكن لا انصحكي بعدم المواجهة لازم تواجهي ولكن بهدوء اسأليه ان ينقصه شيء معك ابكي و فرغي كل ما في قلبك و ممكن زوجك راه ضحية في يد فاسقة حاولي تمديله يدك و تبعديه ممكن هو راه صح غالط لكن ماشي راضي على نفسه يعني خاصه انتي تجبديه من هاد العفن والله اختي صعبة جدا و راح تمرضي حتى بعد ما تواجهي و بعد ما هو يطلب السماح لكن الوقت يداويك ربي معاك

[hiba hajer]

حسبي الله و نعم الوكيل في كل من وافقت على علاقة مع متزوج و في الحرام

[GOLDENROSE]

لم استطع احتمل اكثر ربي يصبرني و يكون معايا
احيانا اتناساه الموضوع و نحاول نتصرف عادي و نكون قوية.....لكن احيانا اخرى نحس قلبي جمرة تكويني ليل مع النهار .....ونبقى نسائل علاه ديرت فيا هكا بعد كل شي كان بيناتنا ......علاه و انت طول وقت تمد في حكم و وعض لناس و انت راك عميها مع ربي .....علاه خديعة .....علاه كدب و نفاق .....علاه جراح و الالام هذه .....مواليتش نصدقوا في حتى كلمة لو كان في صباح الخير .....ولي قاهرني مارنيش قادرة نحكي و نواجهوا
حسبي الله و نعم الوكيل فيك و في راك معاها