مالقيت منين نبدا ليس لدي مشكلة واحدة بل هي مجموعة من المشاكل مشكلتي هي اني عاقلة بزاف وحشامة وساكتة فوق ماتتصورو وجهي يحما كينهدر مع الغاشي نحس روحي دايما منبودة من قبل الناس ثقتي بنفسي مهزوزة ودايما نحس بلي الناس خبر مني رغم اني نحمد ربي على كل شيئ ونقو كاين لعر مني بصح هديك العقدة نتاع الاحساس بالنقص ماحبتش تروح نحس صدري دايما مقبوض وماكاش يعدي يوم ومانبكيش والسبة ماعلاباليش خارج البيت لساني تقول بلعتو مي في البيت نخرج كل الزعاف لي فيا وهدا يما دايما كانت عصبية ماتهدريش كيجو الناس هدا عييب رغم ان الحاجة مافيها والو دايما تقارني بالغير حتى في الدراسة كنت نجيب معدلات جيدة ورغم دلك مايعجبهاش الحال صدقوني الن في عمري 27 ومازولت مانقدرش نتخد قرارات مثلا راني نكتب ونبكي حتى ان فكرة الزواج نحيتها من بالي نهائيا وحتى واحد ماتقدملي الافكار السلبية دايما مسيطرة عليا حاولت وحاولت باش نغير نفي لكن دون فائدة سورتو مع هدرة الناس فلانة دايما ساكتة وشبكي حمار وجهك فلانة تحشم هدا غير الكلام لنلقى روحي مانقدرش نرد الصرف
علاقتي مع الله الحمد لله نصلي ودائمة الدعاء ونقرا القران
راح تقولولي اقراي كتب التنمية البشرية قريت البعض منها لكن بقيت انا انا اما الدهاب عند الطبيب النفساني مستحيل
عفوا على الاطالة حبيت نفرغ قلبي وماعنديش لمن نفرغو ادعولي يفتحها الله في وجهي ويفرج عليا
( تقرير عن مشاركة سيئة )، و الموجودة أسفل كل مشاركة .
2016-01-04, 11:10
مجموعة مشاكل
العرض الشجري