ʚïɞ تطبيقات الفراشات ʚïɞ - الصفحة 2

وفاء الياسمين · 2015-04-13, 09:10

السلام عليكم
1- قمت على. الخمسه صباحا غسلت و توضيت و سرحت شعري
2- لم أقف امام المرآة لاني لا احب النظر الى نفسي مع اني جميلة لكن لا تعجبني نفسي
3- لممعت أمس الحوض في الصباج وجدت القهوة و نوضت زوجي وراح يخدم
4- صليت و ذكرت و شفت شوي ناسيونال جيوغرافي حتى ناضت بنتي على الستة و نص قهويتها و بدلتلها و مشطتلها و عاودت نجات حوايجها و خربت شعارها
5- خملت الغرف و رايححا نبداالنقاطط الساخنة
6- لفطور جبدت بيون من التجميد نفطرو بيه لان زوجي ما يججيش حتى العصى
7- الحالة نتاعي شوي عيانه قراججمي منفخين و دارولي الحمة عيطت ليما اجججيبلي الدوا.
جات يما وجابتلي الدوا الحمد لله
مسحت غبرة الصالون و مسحتو

لميت الصوف و بشمتها و قريب نكملها
يومكم مبارك

omomnia15 · 2015-04-13, 14:48

سلام يا غاليات
اليوم نضت على 630 طيبت قهوة وراحو ولادي يقراو 3 كلهم كبار منبعد درت الفطور الي كان مسفوف بالفول وكان عندي وقت الصباح لاني غسلت الماعن في اليل وسيقت الكوزينة والله المرال طلعلي كي شفتها الصباح زدت درت شوية مقروط وغسلت المواعن وجوزت نشاف خفيف وراني نريح لعشية نروح نسوق راني نجوز في البارمي والعشا ان شاء الله كيش السلق لعشية نكمللكم سلام ايه نسيت اليوم غسلت الكراسي تع طاولة المطبخ وغدوة نكمل الطاولة والحيط الي موراها لانو عندي بيبي صغيرة ومرانيش نلحق

ام مؤمن · 2015-04-13, 15:57

مساءكم سعيد

انا بسبب المرض تكاسلت قليلا و لكنني استرجعت نشاطي

قبل ان امرض كنت عملت تنظيف عميق لغرفة نومي و سحبت كل الاثاث الى وسط الغرفة و غسلت كل الجدران و نحيث الثرية نتاع الضوء و غسلتها و نظفت مقبض الكهرباء و غسلت النافذة و الباب مسحتوا بمزيل الخشب و نزلت كل شيىء كان فوق خزانة الملابس و مسحت الغبار و مسحت كامل المابل بالبوليش و نظفت مراة الخزانة و التسريحة و زجاج النوافذ و نظفت البلكون نتاع الغرفة و كنت من قبل رتبت كل الادراج و الاماكن الساخنة نتاع الغرفة و غيرت دراوات و لحاف جديد نتاع سريري و ستار جديد للغرفة و سيقتها مليح و عطرتها و مسحت الكادرات و غسلت القارنيتور و الفيوزات و نشفتهم و رجعتهم
و كنت من قبل فرزت كامل الملابس اللي في الخزانة و رميت اللي مانحتاحهمش و خبيت نتاع الصدقة نمدهم للمحتجين و و كل يوم نقوم بمسح غبار خفيف و نسيقها خفيف و نهويها و متعودة دائما نعمل هذا التنظيف العميق للغرفة مع بداية الربيع لانني موسوسة من رطوبة الشتاء حتى و ان لم تكن

راني طولت عليكم

اليوم قمت بتفريغ كامل البلارات و العلب نتاع التوابل و المواد الغدائية و غسلتهم و قطرتهم و و غسلت 5 ادراج بلاستيكيىة
و رجعت واش كان فيهم و فرزتهم و رميت اللي مانحتاجش
باش غدوة ندير تنظيف عميق للمطيخ ان شاء الله

و درك نروح نرجع البلارات و مكوناتها بعد ماشاحوا راني فرغتهم كامل في صحون و الدنيا تضرب تقلب اللي يدخل للكوزينة ما يلقاش وين يحط رجلوا

الجريدة تمت راني بردت قلبي على خاطراكش كنت مريضة و ماقدرتش نكتب

و الباقي غدا ان شاء الله

YASMINE SILA · 2015-04-13, 17:54

السلام عليكم
اليوم و البارح نضت صليت الفجر على الساعة الخمسة شعور رااااااائع و الله كنت من قبل احيانا نصلي و احيانا اتكاسل لكن لما ياذن المؤذن و ندير في بالي بلي راح نصلي مع حبيباتي الفراشات و رايحين نقابلو ربي انهض مبسوطة و لا اشعر ان الصلاة متعبة كما قالت احدى الفراشات امس يعني غيرن النظرة للصلاة تشعرن بطعمها الحقيقي
قريت الورد اليومي و برنامج الذكر و تكسلت شوية حتى وصلت السبعة -الله غالب لازم نرقد و لا مانقدرش نركز فالخدمة-مع الوقت باذن الله نحي هاذ العادة ايه و راني الحمد لله مواظبة على اداء صلاتي الظهر و العصر في العمل ادعولي ربي يثبتني
برنامجي لزيادة الوزن راني متبعاتو مليح و بعد ايام نلاحظ اذا كاين تحسن و الا لا
بالنسبة لبرنامج التنظيف مسحت طاولة المطبخ و الدرج ماعدناش و ذرك نروح سريعا للمرحاض اعزكم الله باه يدي نصيبو من التنظيف

oum sabrin · 2015-04-13, 18:47

السلام عليكم و رحمة الله و بركاته
اتمنى ان تكونو كامل بالف خييييييير
احبوبتنا اشكرك على فكرة انشاء الصفحة لتنظيم تطبيقات الفراشات فكرة رائعة يعطيك الصحة
انا اليوم نضت على 4.30 صليت و عاودت رقدت قليلا حتى 6.30لانني ما نمتش في الليل كنت اعاني من الام في الكولون عافاكم الله لولا زوجي ربي يحفظو لما فقت لصلاة الفجر و الورد قريتو بعد صلاة العصر
بعد ما حطيت قهيوة و حطيت فطوري يطيب لي هو دولمة بالقرعة و البطاطا رحت نقعت المرحاض بالجافيل و الخل والاومو و قطرات من النظافثم رحت رتبت الغرف و مسحتلهم الغبار و غسلت الاكسسوارات في الصالون من ورود غسلتهم

و فاز و فوارة غسلتهم ايضا

و الباقي مسحتهم من الغبار

بالنسبة للالترونيات مارانيش دايرة في الصالون

و نفضت لي تابي و سيقت الدنيا مليح
ثم رجعت للمرحاض حكيت المقعد و lave main

[IMG]https://www12.0zz0.com/2015/04/13/20/853704222.jpg[/IMG
غسلت الفايونس و السقف و نشفتهم و الباب و المقبض و نظفت القاطعة

غسلت لي تابي تع المرحاض و غيرت منشفة اليدين و مسحت رف مواد التنظيفورجعتهم
سيقت الارضية

نشفتها و عطرتها ممممممممممم

حطيت الغذاء

درت قيلولة مع ابني كنت تعبانة قليلا
بعد الظهيرة جبت صابرين و حطيت قهوة صليت العصر و قريت وردي
دوك نزيد نحط تسميعي لنهار اليوم و نروح ندير 15د لمكان ساخن قبل ما يلحق وقت العشاء
هذا هو تقريري لنهار اليوم بفضل الله و عونه

omselma · 2015-04-13, 23:47

مساء الخير حبيبة و جميع الاخوات ام صبرين راكي عطيتيني وحد الحماس ليوم صبحت ماشي غير فراشة المهم اختي حبيبة صح كنت غايبة بصح كيما قتلك لقيت روحي مطبقة حوايج كيما للثلاجة كيما البيبيوتاك غسلت التابيات نحيت الريدوات تاع داري غسلتهم هادو قبل ما نروح لدارنا و كي روحت بسيف باه لميت اشلائي اليوم نضت على 6h الصلاة عندي عذر غسلت مشطت شعري حليت العين عمرت الماء هبطت درت حليب راح زوجي شرالنا باه نفطرو راح هو يخدم غسلت الملعن اللي فطرنا فيهم عمرت الماء ناض شيخي درتلو يفطر قستلو لاتونسيو تاعو طلعت لداري غسلت القش قبل ماتروح العين حطيتو يقطر نظفت الدوش والتوليت اكرمكم الله لميت شومبرتي فرشتها هبطت ضؤبت نشافة للدار اكل سيقت الفيلا طيبت قهوة شربتها عندي حوايج خيطتهم رحت للكوزينة عندي فيها مكان ساخن واللي هو الخزانة اللي حاطة فيها الماعن لقيت نصهم ما نسحقهمش نحيتهم حطيتهم في غرفة مدايرينها في لاتيراس نحطو فيها القرافز وليت ليها مسحتها درت الرف اللي في السفل للدقيق والشخشوخة والبربوشة والباقي للماعن الي نستعملهم فزت كوزينتي قلبتها تشعل حطيت تغديت ريحت شوية وليت نشرت القش لميت شوي حوايج وكلت وليدي غسلتلو رقدتو وقيلت نضت درت العشاء سباقيتي بالدجاج وكسرة غسلت الماعن لمعت احوض على فكرة حبيبة الحوض تاعي ولا يتلمع اكثر من ثلاث مرات في النهار صح فيها تعبة بصح نحس بوحد الرضا عن النفس لا يوصف بااااي تصبحون على الف خير احلى فراااااااشات بوسة كبيرة ليكم

titi119 · 2015-04-13, 23:51

مساء الخير حبيبتي حبيبة
ليوم نضت صليت الفجر او رجعت رقدت
نضت على 9.30 غسلت كامل المرحاض و لحيوط
صالون كنت حدمت من قبل
رهو يحكمني شويا تفنين مي راني نتحمس مع الفراشات وندير القلب

بعيدة المنال · 2015-04-13, 23:53

مساء الأنوار حبيبتي حبوبة تقريري اليومي يبدأ بعد الفجر فطنت كالعادة قبله ولم أستطع النهوض مريضة و معذورة من ناحية الصلاة اشتغلت بالتسبيح و أنا في فراشي وبقيت هكذا الى 7 طيبت فطور الصباح بقدرة قادر قهويت ولادي وزوجي وودعتهم الى مدارسهم أما أنا فلم أستطع الدهاب للعمل نصبت الغدا جات العين من زهري اليوم اضطررت الى تناسي مرضي والقيام بتعمار الماء وتشغيل مشينة الغسيل ( الماء يجي مرة في الأسبوع) ولم أستطع القيام بالتطبيقات الأخرى رجعوا ولادي حطيت الغدا تغداو لميت المواعن وغسلتهم ومباشرة الى السرير عندي مدة طويلة ما رقدتش في النهار رجعوا أولادي العشية حضرتلهم شوية طمينة مع القهوة درت عشاء خفيف غسلت المواعن لمعت الحوض رجعت لسريري ثم تدكرت ضرورة كتابة التقرير وهاأنذا أسرد تقريرا ناقصا من كل النواحي وسأدهب للنوم
تصبحون جميعا على خير ، في أمان الللللله

نايليةوافتخر · 2015-04-14, 09:09

تقريري ليوم امس
نضت على5 غسلت وجهي واسناني توضيت وصليت وسبحت ورحت وجدت الفطور والحليب تاع بنتي عطيتلها لحليب ورجعت قريت الورد اليومي وحفظت صفحة من سورة يس فطرنا راح زوجي للعمل ظربت طلة فالنت دوشت لبنتي بدلتلها ومشطتلها شعرها ورقدتها مرة اخرى ورحت نظفت المرحاض بالمنظفات الباب والجدران ماغسلتهمش ماعنديش مدة ملي غسلتهم مسحت مفتاح الكهرباءوسيقت الغرف بالمنظفات اليوم هو يوم التنظيف العميق للارضيات ودرت لغدا يطيب ورحت لصالة مسحت الغبرة ومسحت التلفاز الاكسسوارات مغسولين غسلت الدواسات تاع الكولوار والتواليت ناضت بنتي غديتها وجا زوجي تغديناو راح للعمل غسلت لماعن توضيت وصليت الظهر وقيلت شوية نضت درت قهوة ودرت حليب لبنتي وقعد نلعب معاها لحق وقت لعشا درت العشا ونظفت المطبخ زوجي كان معروض تعشيت مع بنتي ماغسلتش الماعن وجعني ظهري رقدت
اليوم نضت على 5 توضيت وصليت وسبحت ورحت طيبت القهوة وفي نفس الوقت غسلت الماعن ناضت بنتي فطرنا ورحت قريت الورد ماحفظتش اليوم بدلت لبنتي وخليتها تلعب غسلت ملابس بنتي وجدتلها قشها الي راح تلبسو وجدتلها كابتها بعد الغدا نروح لدار شيخي ورحت دوشت ونقيت الدوش وجيت هنا وضرك نروح ندير لغدا
سلام

وفاء الياسمين · 2015-04-14, 09:55

السلام عليكم
مساء امس لم استطع عمل شيئ من قراجمي دارولي الفشلة
و شوي جوع راكي علابالك بيا
لكن بقا الحوض كلمع الاواني مغسولة
***
اليوم نضت على الستة لان زوجي مش خدام صلينا و طيبتلو القهوة و ليت رقدت
على السبعة و نص نضت شربت قهوة كحلة و بدلت لبنتي و داها وراح عندد يماه تسكن في عمارة اخرث
غسلت شوي حوايج بيدي الماشينةخاسىرة
مسحت الشنابر بالجافيل و الصانيبو و الصالون و الغبرة
و تخيلي مسحت الكوزينة و سيقت مليح الفيروندة
و الحمام و التابع غسلتهم و رجعت كل شي بلاستو
كل هذا كملتو على التسعة و نص راني مرا و نص
وجدت كابتي و رايحا لبيتي
اليوم نروح نضيف عند. يما عندي غير هيا ربي يحفظها

يومكم مبارك

ام آدم · 2015-04-14, 14:10

الحمد لله بديت البارح الالتزام الفعلي بالدورة غسلت الاواني في الليل ولمعت الحوض واليوم كي نضت حسيت احساس رائع كي لقيت الكوزينة نقية مانضتش بكري(.8)فطرت ورضعت بنتي وغسلتلها و بدلتلها ودرت قرآن في التلفزيون وخليتها تلعب ورحت للكوزينة وجدت الغداء و غسلت الاواني تاع القهوة على 12 جا ابني و زوجي تغداو ورجع زوجي للعمل وظرك راني نرتح شوية باه منبعد نخرج انا و زوجي نشريو كادو لولد خوه مزيود جديد ندير شوية قاطو نديه معايا
بالنسبة للصلاة و الورد راه عليا العذر الشرعي

ام مؤمن · 2015-04-14, 15:38

السلام عليكم

للتو انتهيت من قراءة الصفحة 111 و بدات بالتطبيقات بشكل منظم و اعتبر تاريخ اليوم بداية لي كيرقة

نظرت الى نفسي في المراة حسيت بحزن شديد و كانني انظر الى انسانة اخري لا اعرفها مع الاسف ملامح الارهاق الجسدي و حتى النفسي واضحة على وجهي بسبب الارق و قلة النوم وجهي شاحب و عينان مليئة بالهالات السوداء شفتاي ناشفة و بشرتي باهتة و كانني عجوز في الخمسينات مع انني و الحمد لله جميلة و مقبولة الشكل حتى من دون مكياج بشرتي كانت كبشرة الاطفال و صافية و نقية و وجنتاي لا تفارقهما الحمرة هذا زمان يا حسرة

بالنسبة لنفسي انا احبها لكن ليس كثيرا و احس بالذنب اتجاهها لانني مفرطة فيها بزاف بسبب الفوضى و الاحباط النفسي الذي يرتابني كل حين

لكن من اسباب انظمامي للدورة هو انني قررت تغيير الواقع و اعطاء اولوية قصوى لنفسي لاعطيها حقها الكامل من الحب و الاهتمام و كاول مبادرة بدات في تطبيق علاج منذ شهرين لمشكلة شعري الذهني هذا الاخير الذي يضايقني جدا و اتمنى يفيدوني الاخوات بماركات جيدة اقصد منتجات العناية بالجسم و منتجات الترطيب و ايضا الماسكات او لي ماسك التي جربنها من قبل لاعطي لنفسي فرصة لللاعتناء بها من جديد

من هنا و امامكم فراشاتي الطيوبات عاهدت نفسي على التغيير الايجابي و وعدت نفسي بالحب و الاهتمام و العطاء

تلميع الحوض كل يوم عادة متعودة عليها الحمد لله اقوم بتلميعه يوميا

غدا ان شاء الله ساقوم لصلاة الفجر في وقتها و اتزين و ابدا يومي بكل حماس و همة لانني غير مواضبة على صلاة الفجر ربي يهديني راني قريت موضوعك نتاع صلاة الفجر و ان شاء الله التزم بالنهوض و لا انا لا اتزين حتى انهي كامل شغالاتي و اللي يشوفني و انا نخدم يقول عليا روبو

تبريد الاماكن الساخنة بردت بلاكارات المطبخ و تلميع االعلب و الصراحة عملت تنظيف عميق مجنون للمطبخ و كل 15 د ماقدرتش نطبقها انا نعمل كالالة نحب كي نبدا في حاجة نكملها حتى اذا استغرقت ساعات و لكنني اتعب كثيرا واهمل اشياء اخرى هههههه راني مستعرفة بغلطي و ربي يقدرني و نلتزم ب 15د و نعمل بريك 5 دقائق باذن الله ساحاول التخلص من هذه العادة قريبا

راني كثرث عيكم اسفة

بارك الله فيك يا حبيبة انت و الفراشات و ارجوكم انا انتظر تقييمكم حتى ترفعوا من روحي المعنوية و امان الله

mariamalak · 2015-04-14, 19:34

السلام عليكم
اليوم نوضتنى بنتى على 4 ما رقدتش حتى 7 رقدت معاها ما حسيتش بروحى صبتها 10 غاضتنى قلت سايي خسرلى البرنامج لى كنت معولة عليه
بناتى راهم عطلة نضت درتلهم القهوة و الحليب شربنا و طفيتلهم التلفاز و قلتلهم ارواحوا نحفظو ا سورة الزلزلة رانى نحفضلهم فى جزء عم
و ملى ما يهدروش العربية مليح بسيف باش يحفصوا جبنا 12
نضت لكوزينتى كان كاين العشاء تاع البارح فطرتهم و راحو و تحزمت هههه
درت العشاء يطيب و مسكوتشة باش نشربوا قهوة خليتهم يطيبوا وغسلت الطابلة و الكراسى و نشفتهم و غسلت الحيطان تلع الكوزينا و سيقتها و خملتها وصلت 4 عطيت لبناتى المسكوتشة و العصير كلاوها فالحديقة تاع الدار الجو يهبل و دخلت نكمل الجهاد هههههه
شمبرتى سقمت الفراش و مسحت المابل و سيقتها و قفلتها
شمبرت بناتى خملتها و سقمت الفراش و درت لاسبيراتور لتابى و سيقتها و قفلتها
الصالون خملتو و مسحت الغبرة و درت لاسبيغاتور و سيقتو و قفلتوا
شمبرت بنتى الصغيرة بدلتلها الداوات و سيقتها
و نقيت الدوش و دخلت فيه ههههههه دوشت و خرجت ماكييت و ما قدرتش ندير سشؤار عييت
عيطلى سى السيد قالى ما تقارعيليش اليوم عندى خدمة غاضتنى عمرى ماعليش
جبت بنتى الصغيرة عشيتها و ديتها ترقد
و الكبار راهم قدام الدار ما بغاش يدخلوا
راه عليا العدر بالاك غدوة نصلى و تروحلى الضيقة لى راهى حاكمتنى
غدا ان شاء الله اوافيكم بالجديد

زينب 83 · 2015-04-14, 20:35

السلام عليكم و رحمة الله

انا هاذو اليومين و الحمد لله راني مع الأماكن الساخنة ، كل يوم نبرد مجموعة ، الصلاة مانيش نصلي عذر شرعي

راني نحفظ في سورة البقرة مع الاخوات ، و الأذكار اليومية

من ناحية الجمالية راني بديت نهتم بنفسي شوية ماشي بزاف ، آكلي صحي و الحمد لله و الرياضة يومي ساعتين

الان البيت

تنظيف الحوض عادة يومية

تبريد الأماكن الساخنة

اولا بديت بخزانتي خرجت ثياب الشتاء فرغتها و مسحتها ، وخليت ماكن بثياب الربيع و الصيف

كل رف درتلو 15 دقيقة بينهم وقت راحة

كانت عندي صوف مغسولة عندها مدة ، دخلتها في مخايد نظاف و خيطتهم

الاواني الخاصة بالضيوف غسلتهم و لمعتهم و حطيت معاهم الملاعق و الشوك و المناديل الخاصة ايضا و جمعتهم في علبة و غلقتها و هكذا راح يكونو واجدين في اي وقت نحتاجوهم فيه

تاني جمعت كل الاواني الخاصة بالطهي في الفرن بلاطوات ، مول ، ،،،،،، نظفتهم و جمعتهم في علبة و هكذا يكونو في مكان واحد

بالاضافة للأعمال اليومية طهي و تنظيف خفيف

Simassim · 2015-04-15, 08:06

السلام عليكم والرحمة.

ياااااارب يفوت الرد.

تطبيقي تاع البارح

صلاة الفجر معذورة. ولدي ناض مع وقت الفجر رضعتو ونفس الوقت نقرا الادكار ورجعت رقدت حتى لسبعة. ناض ولدي الكبير حطيتو فكرسيه ومديتل.و حليب والقاطو ساعة باش يشرب ويتفرج
رحت غسلت وجهي والأسنان منشطات شعري ورحت طيب قهوة صباح لينا تقهوينا وناض الصغير يرضع غسلتو وبدلتم ورجع رقد وغسلت للكبير وراح للروضة
دخلت طليت علي التطبيق كان خزانة الأولاد. جبدتها وفرزت القش تاع الشتا وجهزت ليستة تاع واش لازم نشريلهم تاع الصيف
غسلت القش لي فرزتو نص تخبيه ونص نديه معايا للبلاد نمدو بصح ماكملتش الخزانة بقات تاع الصغير ناض يبكي ماخلانيش نكمل
جهزت الغدا انا وهيثم
فطرنا ورقدت الصغار
ونشرت القش وخملت كوزينة وجهزت ليستة تاع المشتريات لي لازمني
ناضو الصغار شربو حليبهم وحكمت كانابي مين يكونو في زوج نايضينمانقدرش نتحرك. الكبير دائماً يهجم على خوه الصغير ويحب يرفدو ويلعب معاه. حاسبو دودو تاعو. لول
راجلي جا روطار حتى 8 فرزت المشتريات تاع المطبخ. وجهزت العشا
تعشينا وانا نجري باش الكبير يرقد على التسعة جهزتو وحطتو
رجعت جمعت المطبخ وبدلت للصغير رقد شوي. استغليت امسحت الداااااار والكوزينةة
رضعت الصغير ورقدتو وجمعت القش غي النص

ولات فيا طبيعة نكون ناشطة ودائرة كوراج. كي يرقدوا أولادي. تقول يديرولي. Off. انا تاني
وصلت 11 رقدت وانا متهنية من التسياق اليوم.