معجناتي بعجينة واحدة مضمونة بادن الله

[*وردة الشرق*]

السلام عليكم ورحمة الله وبركاته

اول شئ اشكر الاخت ام كوتر والاخوات المشرفات على المجهودات المبدولة وبارك الله فيكن


حبيباتي اخواتي احببت اليوم ان اضع لكن هده الوصفة المضمونة بادن الله من مطبخي المتواضع جربتها مرارا وعدلت فيها كتيرا حتى تحصلت على نتيجة جيدة ومرضية فهي خفيفة وهشة ولا تصبح ناشفة من الداخل بعدما مرور ايام عليها بتجربتي الخاصة في الحقيقة انا كنت ندير كامل كمية السائل حليب مبعد بدلت الحليب باليؤورت وضفتلو اضافات ننتقل الان الى طريقة التحضير

المقادير :
كاس لبن او ياؤورت طبيعي او حليب رائب +نصف كاس ماء +ملعقة كبيرة سكر +ملعقة كبيرة خميرة الخبز +ملعقة صغيرة ملح+4مغارف كبار زيت +2 مغارف كبار سمن او زبدة +فرينة لجمع المكونات

طريقة التحضير : دفي الياؤورت والماء فوق النار اضيفي الخميرة والسكر اتركيها حتى تتخمر بعدها اضيفي الزيت والملح والفرينة تدريجيا حتى تجمعي العجين ويكون لين ويلتصق باليدين اتركيها تختمر وهي ما طولش بزاف حطيها فوق طاولة العمل ضيفيليها السمن واعجني حتى تصبح كرية حينها شكليها وديري واش حبيتي بيها














بهده العجينة والمقادير وبدون تغيير درت بيها بيتزا محشوة اي دوبل بيتزا او تقدري ديري بيها 3 قرصات بيتزا
انا درت بيها قرصة وووحدة من المحشية

شكلت العجينة وطرحتها دائرة حطيتها في المول مرشوش بالفرينة تقبتها ودهنتها بجب لين وصلصة طماطم وزيتون اكيد الحشو اختياري
شكلت التانية وطرحتها بشكل دائرة اصغر من الاولى ب1 سم وتقبته وحطيتها فوق ختها ودهنتها بصلصة الطماطم ودخلتها للفور طابت لكن تتركيها ضعف المدة يعني ادا متعودة تتركيها 10 دقائق اتركيها 20 دقيقة ولما تخرجيها زينيها متل ما تحبي وسمك العجينة اختياري انا نحبها متوسطة مش رقيقة وكل وحدة ودوقها اكيد














او ديري بيها خبزالسندوس بنفس المقادير وكدلك خبز التوست وهده الصور توضح طريقة التشكيل
خبز السندويش ديريه قرصات صغار وشكليهم اتركيهم يخمرو وادهنيهم بالحليب لحظة تقيل او بالبيض









يجي خفيف وهشوش روعة

اما بالنسبو الخبز التست العجينة كامل شكليها متل ما وضح في الصورة ورشي عليها الفرينة مليح ومرغيها فيه وحطيها في المول وتركيها تخمر ودخليها تطيب







وتقدري ديري بيها بريوش لكن ببعض الاضافات نضيف لنفس العجينة 2 مغارف كبار لحظة ونضيف في كمية الزيت نحط 6 مغارف كبار زيت واكيد السكر نحط من5مغارف كبار حطيه متل في الاول فقط دوقي انا بالنسبة ليا اربعة ملاعق كبار يجي مليح












وتقدري ديري بيها اي معجنات تحبي ديريها تصلح لكل المعجنات جربوها وبادن الله تنجحلكم وتعجبكم وتستمتعو بيهم


نلتقي بادن الله في وصفات اخرى بادن الله