العرس ليلة تدباروا عام

[anfal10]

حبيت نزيد اضافة برك هاد المثل المذكور اعلاه كان زمان دوكا العرس ليله تدبارو 40 سنة و يا ربي

ام نهولة
عندك الحق يبداو يطموا الدراهم من لي اكونوا صغار

أستناي نتفكرلك هههههههه

ام انس اتفكري خودي وقتك اختي

[anfal10]

سلام انا معملتش العرس والحمد لله عايشة متهنية عندي نصيحة عند اقامة الاراس حاولوا انكم تعرضو الانسان الفقير هو كي يدعيلكم يدعي من القلب اما البعض اجيو ايعلقو وي فتشو على ليفوت سلام

الترعيج داير حالة مليح و لا ماشي مليح
واش درتي عشات لحلال؟

[anfal10]

بالنسبة لي فوتت العرس كيما نحب انا فالدار وفالنهار مع انتقادات الناس وفالاخير كامل استعرفوا انه الأفضل ولي ماحضرش ندم فالغرب العراس حتى للفجر يالطيف

انا طلبت الخيل لراجلي والفرقة لي حطتها ياسمين
والشرط التاني شرطت مايدخلوش الرجال لاني حبيت نفوت عرسي بلا حجاب وراجلي تصور معايا فالكولوار ومايديروش غناء الرأي وتبهديل والحمد لله

Simassim
ربي اهنيك اختي
حنا الحمد لله النساء وحدهم ممنوع الرجال يدخلو اما كاش اختلاط كلما بعض الاعراس يشطحوا كامل كيف كيف
كاين لي ادير البندير روعة احضرت اعراس بزاف تاع الاخوة و الله عجبوني فكروني في عراس تاع بكري في السهرة نطلعوا للسطح لاتاي و البندير و النساء يغنوا كيشغل فرقة احسن من الديسك جوكي او تصداع الراس
التصديرة مع الزوج حقيقة ما نحبهاش كل واحد واش احب اذواق....

[anfal10]

وعلاه نزعف

كل وحدة وشاتبغي وكل وحدة وذوقها
تقبلي مرور

شكرا سندوسة
يعطيك الصحة

[anfal10]

الصحة والهناء والباقي بكل ما يخلعوش ربي يهنيكم ويهنيناا

شكرا اختي
ربي اهني كل بنت و ينزل البركة و المحبة ما بين الازواج

[Widad Hmd]

وعليكم السلام
الموضوع هذا الصباح كنت نحكي فيه ههه قلبي معمر من البنات تاوع اليوم ،، كي تروحي تخطبي لخوك مثلا يشبعوك ظرافة والصح فالهنا وما نعرف واش ومبعد يجي المفيد تشرط 30 مليون دونو ينطح دونو ومقياس 20 مليون،، و40 جبة هذا المجبود هذا التلمساني هذا المروكي حتى من الصاري تاع الهنودة،، تحسيها الأمم المتحدة راي تقرب فالشعوب هههه ومع اللاخر تجيها مناسبة تقولك ما عنديش واش نلبس تبااا ,,,, بلا مانحكي على العرس ف لا صال وهاكي عارفة خلي البير بغطاه ،، والكورطاج كيفاه والحنة كيفاه والتصديرة تنده من بعيد ومع اللااااخر ما تعرفش تقلي فريت وبلا ما نهدرو على الديون والمشاكل لاحقا ,,,

عندهم الحق الرجال كي يشكو ساعات يغيضوني ههه والله ماكاش كيما الهنا ،، الصح ف الصحيح ،، حنا في عايلتنا ما درنا لحتى وحدة شرط خيالي كلش في حدود المعقول ،، نحينا العادات تاع التصديرة ومشتقاتها اللي تحب تزوخ تصرف من جيبها العرس فالدار بنّة قليل لي تفهمها هههه والكورطاج بطونوبيلنا عادية لا أيفوك لا خوروطو ,,, الحاجة الوحيدة اللي صرفنا عليها تاع الصح هي الماكلة ومشتقاتها، من باب إكرام الضيف وإطعام الطعام فقط ,, والباقي نقول لكل واحدة حابة تزوخ مام قادرة ماديا، اصرفي على الحاجة اللي تستاهل سلام

[anfal10]

وعليكم السلام
الموضوع هذا الصباح كنت نحكي فيه ههه قلبي معمر من البنات تاوع اليوم ،، كي تروحي تخطبي لخوك مثلا يشبعوك ظرافة والصح فالهنا وما نعرف واش ومبعد يجي المفيد تشرط 30 مليون دونو ينطح دونو ومقياس 20 مليون،، و40 جبة هذا المجبود هذا التلمساني هذا المروكي حتى من الصاري تاع الهنودة،، تحسيها الأمم المتحدة راي تقرب فالشعوب هههه ومع اللاخر تجيها مناسبة تقولك ما عنديش واش نلبس تبااا ,,,, بلا مانحكي على العرس ف لا صال وهاكي عارفة خلي البير بغطاه ،، والكورطاج كيفاه والحنة كيفاه والتصديرة تنده من بعيد ومع اللااااخر ما تعرفش تقلي فريت وبلا ما نهدرو على الديون والمشاكل لاحقا ,,,

عندهم الحق الرجال كي يشكو ساعات يغيضوني ههه والله ماكاش كيما الهنا ،، الصح ف الصحيح ،، حنا في عايلتنا ما درنا لحتى وحدة شرط خيالي كلش في حدود المعقول ،، نحينا العادات تاع التصديرة ومشتقاتها اللي تحب تزوخ تصرف من جيبها العرس فالدار بنّة قليل لي تفهمها هههه والكورطاج بطونوبيلنا عادية لا أيفوك لا خوروطو ,,, الحاجة الوحيدة اللي صرفنا عليها تاع الصح هي الماكلة ومشتقاتها، من باب إكرام الضيف وإطعام الطعام فقط ,, والباقي نقول لكل واحدة حابة تزوخ مام قادرة ماديا، اصرفي على الحاجة اللي تستاهل سلام

شكرا
Widad Hmd
صح كاين بزاف بنات اديوروا الدين باش ابانوا طوب مودال نعرف ام دارت قرض لبنتها باش تصدر مليح حوايج تقال المنطقة تاعهم يصدروا بزاف جبات غاليين غي 6ملاين و اطلع للوحدة ديري لحساب شحال من جبة ادير لعروسة ياو فاييت كيما قلت لوكان برك تكون مهنية كاين لي تطلق بعد شهر بعيد الشر
يعطيك الصحة يا اختي المهم كيفاش تعيش مع راجلها ماشي واش جابت او واش دارت الناس تهدر تهدر خلينا منهم كل واحدة او مصروفها ادي قيسك يا طفلة التبذير ماشي مليح انا خلعت بنات يدوا الكتروميناجي طزينة وسايد ماتلات تحيري رايها تحل حانوت وين اجوا غي ولا عندكم بالاس
انا عليا باذن الله ما نكثر ما نزوخ ما نعاند الناس و الجيران و الاقارب و الصديقات هادي دارت و هادي فعلت ....
ندير حاجة لي تعجبني الليموزين و ما شابهها ما عندي حاجة فيها نركب في كاليشة نورمال المهم نكون مهنية مع راجلها او منشرطلوا والوا لي قدر عليها اجيبهالي الحمد لله
القناعة مليحة يا بنات اقلهن مهرا اكثرهن رزقا
ربي يرزق كل امراة صالحة زوج صالح

[om hind]

والله تمصخير هاذا لعروس لازملها تدي وتدي وتدي هبال انا تاني صراتلي قريب وليت تغدر نخرج من تحت الباب تالمو الجريات التصديرة مع العلم درت غير زوج و الجهاز و الذهب و صالو ماروكان و الخرجة و الزرابة خلي الروب و الصبابط و في الأخير ما درت والو الخرجة كرهتها درتها وقيلا زوج مرات و الباقي راهو مخبي راجلي قلي كش نهار نطيشهملك هو عطاني مهر عشر ملاين و زوج كباش و قنطار دقيق و في المولد عطاوني ربع ملاين pas plus تغدرش تقولي كلش درتو وحدي هاكذاك واحد ما سيتعرف بيك إرضاء الناس غاية لا تدرك
النصيحة الذهبية المرأة لازم تكون مستعدة نفسيا كيفاه تعيش حياتها مع زوجها و كيفاه تكسبو و توريان غير الحاجة المليحة وملتخليش أهل زوجها يحكمو عليها لي ديفو مع الاحترام تمشي حياتها فووووور

[*ام عبد الكريم*]

انا تزوجت زواج تقليدي بسيط جدا و الحمد لله ...لكن خوتي الي تزوجو من بعدي دارو ما دارو في جهازهم ...و في رايي سعات توصل بهم الى حد التبدير و الاصراف في حوايج تافهة ...ربما النظرة انتاعي تقليدية و لكني دائما في مشادات مع اختي الصغيرة مخطوبة ... لا تقنع ابدا حبست لي راسي ..ربما صراع اجيال لانها تصغرني ب19سنة ..لا ادري ..امور تراهم ضروريين جدا فيما انا يبانو لي غير مهمين ..و تقول كون ما نديرش هكا يضحكو عليا ملين رجلي ....المهم الاعراس تاعنا يسيطين بابا الله يخليه صعيب بزاف ممنوع لغناء ممنوع الاختلاط ممنوع الكاميرة في الدار (دركا راهم بالبرطابلات يصورو )..و عراسنا دائما في دارنا نتعبو بزاف لكن نفوتو ايام لا تنسى ...شكرا على الموضوع تحياتي

[الأزرق الملكيّ]

الزواج عام والطلاق ليلة

[كنزة88]

منكذبش عليكم انا مخطوبة وعرسي في صيف هدا ادعولي ربي يسهل نشاء الله ماعندي لاحلام لاعرس اسطوري راني نخمم في المسؤولية لجايتني كيفاه نعيش ونتفاهم مع زوج نتاعي اما لعرس فكيما كتبو ربي يفوت انا نعرف وحدة راجلها جابها بليموزين ولمال سايح وكان عرس كامل مكمل وفي الاخير حملت ولا هداك الزوج يروحلها سكران ويضربها وبلاك راهي غضبانة اخطاك من المظاهر مايدوموش وزيد وش من فايدة كي يقولو هاو عرس فلانة نزيد لعين لعمري يهم وش بعد العرش لهناء والدرية الصالحة نزيدلك انا بنت ناس لباس بيهم يقدرو يديرو عرس مطنطن مي مكانش قد simple

[anfal10]

والله تمصخير هاذا لعروس لازملها تدي وتدي وتدي هبال انا تاني صراتلي قريب وليت تغدر نخرج من تحت الباب تالمو الجريات التصديرة مع العلم درت غير زوج و الجهاز و الذهب و صالو ماروكان و الخرجة و الزرابة خلي الروب و الصبابط و في الأخير ما درت والو الخرجة كرهتها درتها وقيلا زوج مرات و الباقي راهو مخبي راجلي قلي كش نهار نطيشهملك هو عطاني مهر عشر ملاين و زوج كباش و قنطار دقيق و في المولد عطاوني ربع ملاين pas plus تغدرش تقولي كلش درتو وحدي هاكذاك واحد ما سيتعرف بيك إرضاء الناس غاية لا تدرك
النصيحة الذهبية المرأة لازم تكون مستعدة نفسيا كيفاه تعيش حياتها مع زوجها و كيفاه تكسبو و توريان غير الحاجة المليحة وملتخليش أهل زوجها يحكمو عليها لي ديفو مع الاحترام تمشي حياتها فووووور

ام هند شكرا على المشاركة
هاهاهاها فكرتيني في وحدة تزوجت لفرنسا دارت حانوت في دار راجلها قاللها وين اديريهم في الطيارة عيت عليها حتى اشبع قاللها من غير فاليزة واحدة و الله خلات النص عند دارهم و النص في دار عجوزتها
لي تروح للخارج ما كلاه القش و التبهدايل
حتى لي تسكن مع العائلة عندها شمبرة واحدة وين اجوا الدوزان و التابيات و وووو
انا وحدة ما نحبش نشوف بزاف الحوايج بكري ماكاش لحوانت لمرة ما تخرجش بزاف ادير العولة دوكا لامود تروح في دقيقة امالا يا طفلة ما تكثريش على راجلك و على والديك و عليك ادي الضروري برك

[anfal10]

انا تزوجت زواج تقليدي بسيط جدا و الحمد لله ...لكن خوتي الي تزوجو من بعدي دارو ما دارو في جهازهم ...و في رايي سعات توصل بهم الى حد التبدير و الاصراف في حوايج تافهة ...ربما النظرة انتاعي تقليدية و لكني دائما في مشادات مع اختي الصغيرة مخطوبة ... لا تقنع ابدا حبست لي راسي ..ربما صراع اجيال لانها تصغرني ب19سنة ..لا ادري ..امور تراهم ضروريين جدا فيما انا يبانو لي غير مهمين ..و تقول كون ما نديرش هكا يضحكو عليا ملين رجلي ....المهم الاعراس تاعنا يسيطين بابا الله يخليه صعيب بزاف ممنوع لغناء ممنوع الاختلاط ممنوع الكاميرة في الدار (دركا راهم بالبرطابلات يصورو )..و عراسنا دائما في دارنا نتعبو بزاف لكن نفوتو ايام لا تنسى ...شكرا على الموضوع تحياتي

ام عبد الكريم
يعطيك الصحة اختي الجيل تاع دوكا احب ابين روحي اعاندوا بزاف هادي صحبتي دارت المودال الفلاني ندير كيما هي عجبني قاطوا لي كليناه في العرس الفلاني و هاكا يعني التباهي و التفاخر بلي راني كيما نتوما و لا خير هاهاهاها
كل واحدة ادير قيسها على حسب ظروفها و ميزانيتها

[marina esprit]

اللهم ارزقنا حلالا طيبا و زوجا صالحا

[anfal10]

منكذبش عليكم انا مخطوبة وعرسي في صيف هدا ادعولي ربي يسهل نشاء الله ماعندي لاحلام لاعرس اسطوري راني نخمم في المسؤولية لجايتني كيفاه نعيش ونتفاهم مع زوج نتاعي اما لعرس فكيما كتبو ربي يفوت انا نعرف وحدة راجلها جابها بليموزين ولمال سايح وكان عرس كامل مكمل وفي الاخير حملت ولا هداك الزوج يروحلها سكران ويضربها وبلاك راهي غضبانة اخطاك من المظاهر مايدوموش وزيد وش من فايدة كي يقولو هاو عرس فلانة نزيد لعين لعمري يهم وش بعد العرش لهناء والدرية الصالحة نزيدلك انا بنت ناس لباس بيهم يقدرو يديرو عرس مطنطن مي مكانش قد simple

كنزة ربي اتمملك بخير و لي تمنيتها تصيبيها ما تخافي ما والوا ان شاء الله تكوني مهنية في دارك المهم المحبة و التفاهم
و الله غي المظاهر كيما قلتي كاين لي اديروا الدين على جال العرس و التصديرة و وووو
ماشي الفايدة في الليموزين و السهرات و المفرقعات حتى الصبح و الاخير كيما قلت صح كاين بنات بزاف عماهم المال الزوخ و النفوخ هاهاهاهاها و الله ماكاش قد البساطة و راني معاك كاين ناس لاباس بيهم اديروا عرس عادي
ربي اهنيك اختي او زين سعدك