قذف بنات الفاميليا

[ابتسام smile &hope]

المشاركة الأصلية كتبت بواسطة anfal10

تفوت نحكي انا باش نديرلك الكوراج ابتسام
صحبتي جا ليها زميل في العمل قاللها اذا تعرفي كاش وحدة بنت فاميليا راني حاب نخطب قالتلوا عندي صحبتي لي هيا انا هاهاها شكرتلوا فيا المهم هو كان عندو دورة تكوينية في ولاية اخرى تلاقا بواحد يعرفني جار ماشي نفس الحومة مي قريبة لينا كانوا في نفس الفندق في نفس الغرفة كي قالوا انا نسكن في المدينة الفلانة في الحي الفلاني قالوا نسقسيك على وحدة انا هي
قالو اخطيك منها كيفاش قالوا كانت ساكنة مع لي كنت رايح نخطبها او خدعتني في غرفة واحدة في الحي الجامعي راهم صحابات doncنفس السيرة كي ولا قاللها للزميلة خلاص بطلت قاتلوا وعلاش حكالها واش قالوا فلان تعرفوا هي تاني بحكم كنا كامل في غرفة واحدة قالتلوا صافي واش قال على صحبتي انا تاني كيف كيف كيما هي اسمحلي ما ظنتكش تخمم هاكا صحبتي بنت فاميليا او نص و لي يهدر عليها لسانوا يتقطع كرهاتوا من هذاك النهار لازم الواحد يتاكد ماشي غي يهدر كي طولت انا محبيتش نسقسيها قلت حتا تعيط هي وحد النهار نهدر مع صحبتي وحدوخرا نحكوا قتلها بنيتي و الله تلاقيت فلان جاري تزوج شفتوا مع مرتوا و بديت نشكر و نعاود و نقول الحمد لله لي ربي رزقوا ما خيروووو صحبتي حكاتالها صحبتي لي جابتلي الخاطب قاتلي خلاص حبسي خصك غي تشكريه او طاحت في الهدرة من الزعاف قاتلي هو راه هدر عليك او قال او قال حصلتلي الدمعة انا يهدروا عليا الناس الحومة قاع تشكر فيا وين نروح يحترموني غاضتني عمري بزاف surtout هو بالذات ما قلت والوا ماحبيتش ندعي عليه خليتها لمولايا هو لي اجيبلي حقي ما شي معنتها نتقاسموا الغرفة حاب اقول انا كيما هي على العكس تماما انا ما كنتش نعرفها على حقيقتها كي عرفتها قطعت العلاقة معاها لانوا صرالي مشاكل بزاف شديت عليها حوايج عيانين ماشس برك خداعة المهم درت possible تاعي باش تولي كيما كانت هس خيرت طريق انا جبت روحي بدلت الغرفة او صحاباتي كامل شاهدين صح في الاول زعفت او قلت وعلاش اهدر فيا ما نستهلش apres وليت نقول لي حاب يهدر يهدر انا على بالي بروحي او فاميلتي كيف كيف الهدرة الزايدة ما عندها حتى معنى عندي انا واثقة من روحي و الحمد لله لي حاب يسمع هدرة الناس نتهنا منوا على خاطر نفس العقلية لي يهدر و لي يامن برك بلا ما يكون sur a 100%

راني درت الكوراج
وكلي ربي سبحانو

[ابو ارسلان]

المشاركة الأصلية كتبت بواسطة anfal10

الموضوع مهم يا جماعة وين راكم شاركونا احكونا حكايات صرات لناس تعرفوهم وين راهي الردود رايحا نزعف عليكم

والله يا اختي شجعتيني بان احكي لكم قصتي .
والله يا كرام لقد حدث معي شخصيا هذا الموقف عندما تقدمت لخطبة فتاة و كانت المفاجئة ان عمها قال لي بالحرف الواحد لماذا لاتخطب مني احدى بناتي ان شئت عرضتهن عليك واختر واحدة ..اتعلمون لقد كانت الصدمة عنيفة علي حتى اني الغيت المشروع كلية آنذاك خوفا من ان اكون فتنة بين ابناء العمومة!!

[anfal10]

قصتي :
كان يا مكان في احد ايام الصيف
خرجت مع يما كي كنا موليين نتبهت لواحد كان يتبع فيناا وزاد ركب معا فالbus
انا درت زوج احتمالات
1-سراق
2-خطاب
كي نزلنا مالbus بقا يتبع فينا
وكي لحقنا للدخلة تاع الباطيمة تلاقينا مع وليد جارتنا يما قاتلو واشراك قللها الحمد لله
كي طلعت للدار رحت نقرعج مالتويقة
سمعتو كي قالو خويا جيببلي نشرب
كي جابلو الما سقساه عليا
قالو هذيك ختي ياتروح يا نضربك انا وخاوتي (في عمورو18 سنة ماشي صغير)
مالا الراجل راااااااااح
اوبعد يماه حكمت يما وحكاتلها
وهاذ الجارة راحت خرجت عليا اشاعة مازالو الجيران يهدرو عليها
قالتلهم ابتسام واحد قريب تعدا عليها لوكان ماشي وليدي اللي سلكها

وجارتنا معروفة بتشويه سمعة البنات
راني خايفة اذا كاين كاش هدرة ماسمعتهاش

يا ابتسام انتي علا بالك بروحك ما تخافي ما والوا لي يهدر حاجة اجي فيه هما شاطرين غي في الهدرة و الصح ماكاش مانيش عرفا كيفاش داروا ديار كيفاش رجالتهم ساكتين عليهم هادو نساء و لا خرابات البيوت كيفاش ما يحبوش على بناتهم او يديروها في بنات الناس و الله مخك يحبس من هاد الناس ما عندهم واش ايديروا
ربي يهديها هاد المراة واش وصلها لتاليف القصص فارعة شغل تلتي روحا بالبوليتيك و الله كرهتهم انا كاينات بزاف دارولي مشاكل كاش نهار نديرلكم sujet عليهم
شوفي اذا جاك مكتوب مليح او الراجل واثق من روحوا او الاختيار تاعوا ما عندك على واش تخافي تديه او عينيها اشوف

[anfal10]

والله يا اختي شجعتيني بان احكي لكم قصتي .
والله يا كرام لقد حدث معي شخصيا هذا الموقف عندما تقدمت لخطبة فتاة و كانت المفاجئة ان عمها قال لي بالحرف الواحد لماذا لاتخطب مني احدى بناتي ان شئت عرضتهن عليك واختر واحدة ..اتعلمون لقد كانت الصدمة عنيفة علي حتى اني الغيت المشروع كلية آنذاك خوفا من ان اكون فتنة بين ابناء العمومة!!

يا الله هاذا عمها ماذا نقول عن الغريب سبحان الله المشاكل تاتينا حتى من اقرب الناس لنا عمها كان الاجدر ان يمدح ابنة اخيه وان يزكيها انها مثل ابنته تماما يكون لها السند ولكن كيما يقولك عمك يعميك او خالك يخليك:d حاشا ماشي كامل بعدا
المهم انك نفذت بجلدك و لم تتورط مع العم و عائلته عملت الاحسن و لكن ما ذنب الفتاة المسكينة لو تدري ان عمها قطع عنها نصيبها ؟؟؟؟

[ابتسام smile &hope]

المشاركة الأصلية كتبت بواسطة anfal10

يا ابتسام انتي علا بالك بروحك ما تخافي ما والوا لي يهدر حاجة اجي فيه هما شاطرين غي في الهدرة و الصح ماكاش مانيش عرفا كيفاش داروا ديار كيفاش رجالتهم ساكتين عليهم هادو نساء و لا خرابات البيوت كيفاش ما يحبوش على بناتهم او يديروها في بنات الناس و الله مخك يحبس من هاد الناس ما عندهم واش ايديروا
ربي يهديها هاد المراة واش وصلها لتاليف القصص فارعة شغل تلتي روحا بالبوليتيك و الله كرهتهم انا كاينات بزاف دارولي مشاكل كاش نهار نديرلكم sujet عليهم
شوفي اذا جاك مكتوب مليح او الراجل واثق من روحوا او الاختيار تاعوا ما عندك على واش تخافي تديه او عينيها اشوف

ان شاءالله ياختي بصح ضرك ران نخمم على بنات خالتي حتى وليت نومهم ربي يفرحنا كامل

[ابتسام smile &hope]

نحكيلكم على بنت جارتنا
كي جاو يشوفوها يماها عيطت لجارتها اللي مقابلتها باش تقعد معاهم
حكاو شوية اومبعد ناضت بطيب القهوة وتجيب بنتها باش يشوفوها النسا


كي ولات ماصابت حتى وااااااحد هربووووووووووووو
psk هذيك الجارة كذبت على الطفلة
القصة عندها عشر سنين و هذيك الطفلة تزوجت الحمدلله

ملاحظة هذي هي الجارة اللى كذبت عليا
يعني من بكري تحب تهدر على بنات الناس

[ouissamak]

الناس ولات ماتخافش الله يهدينا

[anfal10]

نحكيلكم على بنت جارتنا
كي جاو يشوفوها يماها عيطت لجارتها اللي مقابلتها باش تقعد معاهم
حكاو شوية اومبعد ناضت بطيب القهوة وتجيب بنتها باش يشوفوها النسا


كي ولات ماصابت حتى وااااااحد هربووووووووووووو
psk هذيك الجارة كذبت على الطفلة
القصة عندها عشر سنين و هذيك الطفلة تزوجت الحمدلله

ملاحظة هذي هي الجارة اللى كذبت عليا
يعني من بكري تحب تهدر على بنات الناس

يا اختي واش نقولك هادي بلية كبيرة لازم راجلها يكسرها فمها هاكا تولي ساكتة طول الله لا يبلي مومن وشنوا هاد لمراة عندها بنات تخاف عليهم ؟؟ و لا غي لولاد يا حي مصيبة ياخي

[anfal10]

الناس ولات ماتخافش الله يهدينا

صاح ربي يستر من هاد الناس
بكري يا يقولوا كلمة مليحة يا يسكتوا