الزواج التقلـــيدي ووقتنــــــا العصـري

[الفآرسُ المُلثَم]

المشاركة الأصلية كتبت بواسطة anfal10

وراه المشكل تقليدي ام عصري ؟ انا ما عنديش مشكل المهم النتيجة

اذا كان الراجل مليح او وليد عايلة منشفهاش مشكل نورمال واقيل يكون زواج ناجح ماشي لازم تعرف الطفلة قبل ما تخطبها
خو صحبتي تزوج زواج تقليدي قالولهم كاين طفلة بنت فاميليا في مظرب فلاني قصدوا الدار راحوا شافوها الراجل عجباتوا الطفلة بزاف ربي سهل خطبوها و تزوجها اليوم عندهم طفلين اقول الحمد الله ربي انزل المحبة في الزوجين صديقتي تقول خويا احب مرتوا اموت عليها قصة حب حقيقي بعد الزواج و ليش قبله

أجل أختي المهم الزواج الناجح وعلى حسب الردود الكثير يحبذ هذه الطريقة في الزواج
في إنتظار أنصار الطريقة الاخرى لتعزيز الموضوع والاستفادة أكثر
بوركتي على الرد.

[conductrice]

وعليكم السلام ورحمة الله وبركاته
انا من رأي ان الزواج التقليدي هو الأفضل على الإطلاق لكن في هذا الزمان ولا ،حيث كانت الام تختار أحسن الإختيار لانه زمن النية
كان الكل سعيد الأم الكنة والزوج وكل من في البيت ، لكن..........
في زمن لي المرأة تخمم دير دارها وحدها وقبل حتى ما تتخطب وفي بعض الاحيان يكون هذ شرط لي يحطه ولي أمره كفاش هذ الام تختار كنة هيا ما قبلاش حتى تسكن معاها ...
الأم خرجت من الباب الواسع وقالت انا ما كان ما دخلني هو لي يعيش معاها يختارلي تعجبوا

[RABEH 14 ROSTOM]

فترة ما بعد الزواج هي اخطر فترة في العالم اقصد الشهر الاول و الزاوج و الثالث

[الفآرسُ المُلثَم]

المشاركة الأصلية كتبت بواسطة rabeh 14 rostom

فترة ما بعد الزواج هي اخطر فترة في العالم اقصد الشهر الاول و الزاوج و الثالث

لماذا هذا التشاؤؤوم
وضح وهل تقصد الطريقة التقليدية أم العصرية؟

[touta04]

شكرا على الموضوع
عن نفسي لا اقبل ان تختارني عجوز لابنها بل نفضل ابنها الي يختارني
ببساطة لنو المثل يقول الي ضرباتوا يدي ما توجعو ههههههههههههه
لانوا اذا خيراتك العجوزة و من بعدها هو اي نزاع او مشكل بيناتنا يقول شكون قال انا بغيتك ياما الي جابتك
و من جهة اخرى اذا كشما صرا مع العجوزة تولي تقولك انا الي جبتك خافي على روحك ووووووووووو الدنيا مافيها لمان العباد يبدلهم الزمان
هذا كلام صرا لبنات بزاف ميش كلامي
لذا نفضل انو يختارني هو عن قناعة و انا 2
شكرا على الموضوع

[الفآرسُ المُلثَم]

المشاركة الأصلية كتبت بواسطة touta04

شكرا على الموضوع
عن نفسي لا اقبل ان تختارني عجوز لابنها بل نفضل ابنها الي يختارني
ببساطة لنو المثل يقول الي ضرباتوا يدي ما توجعو ههههههههههههه
لانوا اذا خيراتك العجوزة و من بعدها هو اي نزاع او مشكل بيناتنا يقول شكون قال انا بغيتك ياما الي جابتك
و من جهة اخرى اذا كشما صرا مع العجوزة تولي تقولك انا الي جبتك خافي على روحك ووووووووووو الدنيا مافيها لمان العباد يبدلهم الزمان
هذا كلام صرا لبنات بزاف ميش كلامي
لذا نفضل انو يختارني هو عن قناعة و انا 2
شكرا على الموضوع

مرحبا أختي نورتي موضوعي وأخيرا ظهر أنصار الطرف الاخر هههه وفكرتك وصلت بوضوح ... على العموم لكل قناعاته الخاصة .
وفي الاخير ربي يوفقك لما يحبه ويرضاه

نريد المزيد من الآراء ةالتجارب الحية ..

[sadim_mag]

الحب قبل الزواج ليس حرام ان كان لوجه الله والقصد منه الزواج
وهذا فعله الصحابة

[sadim_mag]

.............................................

[Chaima h]

من وجهة نظري افضل التقليدي لكن ليس العجوزة اللي تخيرك انما هو و يجي مع عائلته يشوفك و من ثم يجي الحب ماشي كيما رانا نشوفو دوكا يبقاو 3 او 4 سنين يهدرو في التيليفون و من بعد باش يخممو في الزواج و هوما ربما اصلا ما كاتبين لبعضهم باش يتزوجو


ربي يجيب اللي فيه الخير و اذا كتبلك ربي واحد /واحدة يسهلك الاسباب باش تتزوجها اما انت تشوفها او امك اللي توريهالك

[الأميرال]

كلتا الحالتين ... المهم أن يتم إختيارها لدينها

[alibadis]

انا امي اختارت زوجتي وااحمد الله فنحن في قمة التفاهم

[إنسان متخلّق]

الله يسهل للجميع في إتمام نصف الدين

[amel kamel]

عن تجربه انا تزوجت زواج تقليدي لكنى تخدعت فى البدايه كان كلش تمثيل وكدب مبعد تصدمت فى الواقع المر فى الحالات كامل المرا هى ضحيه
من الافضل انها تكون البدايه تقليديه ثم يتعرفو

[ڪَآتِبةْ إآلَيْڪَِ]

من الصعب أنك تتزوج من فتاة أو أن تتزوجي من شاب لا تعرف ماضيه و لا حتى شخصيته و طريقة تعامله
نعم في الحقيقة من الصعب ذلك
أنا حقيقة أفضل أن أتزوج من شاب أعرفه و يعرفني مثلا من العائلة او من الزملاء في العمل او او او ...
على ان اتزوج من شخص لا اعرفه ...كابوووس حقيقة خصوصا و ان كان رجل و ماضيه لا تعرفينه ؟
لا اوافق على ذلك صراحة
لكنني أؤمن بالقضاء و القدر...
كل ما سيحدث ما حدث ما يحدث ...كتب لنا
لا داعي للتحير
تحياتي
تقبوا رأيي شكرا

[الفآرسُ المُلثَم]

السلام عليكم

شكراً لكل من مر بهده الصفحة وعطرها بأفكاره النيــــــرة
حتى وإن كان زائراً نأمل أنه إستفاد من هذه الأفكار.

على كل حال فتحت هذه الصفحة لتعم الفائدة والإستفادة من الموضوع خاصة من شاركنا بتجاربه الحية ولم يبخل علينا بها
لنستفيد منها .

دون أن ننسى

* الإيمان بالقضاء خيره وشره *.


لاتنسو أفيدونا بمشاركات جديدة ولا تبخلوا علينا بها ’ ربما تجربتك تكون درسا ً لمن هو بحاجة لها .

تقبلو تحياتي .