باريد حلا

[ام محمد امير]

حسبي الله ونعم الوكيل لا حول ولا قوة الا بالله ،انا شوكيتيني علبالك واش راك تهدري ؟يااختي الناس لولاد راهم يشريو فيهم بالصوارد ،كاينين ناس في اعلى المناصب ونهار رزقهم ربي بولاد قعدوا باش يربيوهم فيقي روحك هذي ماهي فحولة ماهي شطارة ربي يهديك

[عابد لله]

والله راكي في تناقض كبير. تضوري يتعلموا بيك ويولو ما يبصربوش عليك كي دجيري تخلي الخدمة؟ راكي في نعمة احمدي ربي واذا تحبي ديري عام استيداع وتشوفي كفاش يلصقو فيك حتى تولي ما تقدريش تخرجي

[ouissamak]

المشاركة الأصلية كتبت بواسطة nilly

شكرا لكل من رد بصح انا منقدرش نجيبهم عندي لاني منقدرش نتحمل مسؤولية اطفال وبالي ماشس واسع حابتهم يعيشوا عند جدتهم ويناموا معها بصح لازم يعرفوا بلي انا امهم هدا مكان
وراجلي ثاني ميحبش كي يشوفهم يبكيو خاطره يضيق وانا منقدرش نعس فالاطفال كي نحط حاجة نحب نلقاها فبلاصتها ودراري تعرفوهم معندهمش عقل يقلبوا سقف للرض وانا منقدرش نتحمل دراري ولو لساعة واحدة لا انا لا راجلي
والاخت لقلتلي جيبي عام كونجي صح خممت نبطل شوية خدمة مي لسمانة برك نلعب معاهم ونحوسهم معايا اما عام منقدرش يروحوا عليا لكليون منقدرش نخطر بمستقبلي علجال دراري خصوصا في هدا سن ميعقلوش يعني لكان ندير فيهم غير الخير مراحش يشفوا املا منشقاش روحي وكي يكبروا يولي عقلهم لراسهم ثما غادي نخمملهم

ادخلت للموضوع علني اساعدك بنصيحة لكن كيشفت هاذ الهدرة والله مالقيت مانقول فوقها
اتحملي اذن او شفتي هكذا كنت ماتجيبيش ذراري

[ام مريم الجزائرية]

لا حول ولا قوة الا بالله هدا مانقول

[attia dalila]

هاذي الضريبة الي تدفعها الام العاملة لكن الومك اختي حاولي تدارك الامر واهتمي باولادك اكثر قبل فوات الاوان كلمة ماما ما تعوضهاش ملاين الدنيا وما تنتضريش منهم الوفاء ليك كي يكبرو.............................

[ام البنوتة]

عجب و الله..مضطرة لظروف نخلي بنتي لي جامي باتت بعيدة عليا عند اختي اسبوع و الله راني نخمم ليل و نهار كيفاش نتحمل هاذ الاسبوع ...

[ام عرفات]

اضم صوتي للاخوات
و نقولك الاولاد نعمة وليس نقمة
كي ما كيش قادرة على شقاك علاش جبتيهم
كي راكي تقولي راجلك قابل بهذا الشي انت الي تتحاسبي لان الام نبع الحنان
وراهي حنانتك ..... ولا عندك الحنانة شيء مادي راكي غالطة وفيقي قبل فوات الاوان

[dorya]

لا حول و لا قوة الا بالله

تعجبت من كلامك الناس تحوس علي الاولاد بالملاين وما صابتهمش كون جيت نعرف نحط رابط نحطلك الموضوع تاع المحرومين من الاولاد تبكي معاهم حفنة دموع احمدي ربي علي النعمة واعلمي ان الله سيحاسبك عنهم لانك المسؤولة الاولي في تربيتهم
يا اختي انا و الله عندي داسات عليا ولكني اخترت تربية اولادي اتعب كثيرا معهم وياخدون جل وقتي ولكن هده مسؤوليتي
وما رانيش ندير فيهم خير كيما راكي تقولي وفي المقابل كاين عاملات ومتحملين مسؤوليتهم
انايقولي ابني ماما نحبك عندي بالدنيا وما فيها وانصحك اختي ان تستعيدي اولادك قبل فوات الاوان