اريد حلا لخطيبي و الهاتف

[سفير الأيام]

انتي حابة راجل بكلمته ولا واحد تاع حكايات

هدا عرفي مدام ما حكاش معاك في التيليفون يعني خايف ادا تشوب علاقتكم مشاكل وحرومات

الهاتف واعر بزاف وخرب بزاف بين المخطوبين صبري ومدام كاتبه لك ربي غادي يجي نهار وين تعرفيه مليح

وهو ادا شاف حاجة تستاهل غادي يتصل بيك

[الحلم الجميل]

مفتحين و ما حكاش معاك 5 شهور.....هدا ماشي حشام....
شوفي ماله بلاك مجنون و لا معقد ..لان بنت عمي نفس حالتك و صبرت روحها بعاقل و حشام و بعد الزواج لقاته ياكل كاشيات ..و الشئ الي غرها هو انه مثقف و سالت عليه قالولها عاقل و متربي ..و غير الكاشيات اكتشفت اشياء اخرى الله لا يوريك مانيش نخوف فيك بصح على الاقل لازم تعرفي كيفاش يخمم ..ربي يوفقك

[دموع الفـرح]

شوفي اختي ماناش نخوفو فيك مي الهدرة تاع التيلفيون تطمانك شويا وتعطيك نظرة على الراجل الي راكي رايحة تعيشي معاه........ماقلناش احكيو دايمن و طولو مي على الاقل تعرفيه شويا ويعرفك شويا......وعلى خاطر ماهدرتيش معاه من قبل عليها راكي محيرة ...تبانلي تتقبليه كيما راه لوكان حكا معاك خطرة وقالك اسمحيلي عندي مبدا حاب نمشي عليه مادام ماشي مرتي مانحكيش معاك ......ولا انا نحشم ........مي ابار سا اسمحيلي اختي مي ماظنيتش راجلك رايح يكون حالة استثنائية من كل هذو لي جون .........والله اعلم نتمنالك يا اختي كل الخير وشوفي كيفاه تهدري مع اختو ولا وحدة قريبة ليه تفهمي السبب الحقيقي

[om mita]

اختي من حقك انك تكلميه
نقولك حاجة انتوما سقسيتوا عليه مليح
باباك وخاوتك
شافوه يهدر عادي
حضر الفاتحة وتكلم وكلشي
زيدي سقسي عليه
واذا كان عادي مافيها حرج

[NAWEL44]

ربي يجيب الخير

[نورالهدى بيولوجيست]

اختي هذا التصرف يفتح باب التساؤلات

ممكن يكون واعي لمشاكل التلفون و لكن ممكن يكون اصلا مايسمعش بالتلفون

انا شخصيا شايفة ان الهاتف يكشف نوع من العيوب و هو امر لابد منه في حدود المعقول طبعا

خاصة انو فتح عليك

اخي ماحبش يهدر مع خطيبتو قال مانكثرش لكن من شوقو ليها بعد الفاتحة مباشرة ولى يحكي معاها الليل مع النهار

و اليوم راها عندنو و عندها اولاد منو و الحمدلله

لازم تستفسري عن الامر بطريقة ذكية و الاستخارة دايما ماتنسايهاش

بالتوفيق اختي