شوفو خدمة يدى بالمشينة ج1

[aya for ever]

سلام انا عندي مشينة كيما تاعك بصح ما نعرفش نخدم بها قوليلي كيفاه نخدم بها وقوليلي كشما طرز ابعثيلي صور عليهم وانا من عشاق الطرز وبارك الله فيك و شكرا

[الخروبية]

السلام عليكم اختى اية ربى يخليك ويعاونك باه تقدرى تخدمى اما عن سؤاك كيفاه نخدم عاودى اقراى الموضوع من الاول تلقاى الاجابة كيفاه تخدمى اما عن الرشمات لاتوجد رشمة معينة اى رشمة تقدى تخدمى بيها خاصة الرشمات تاع الكوكتال يا اختى نصيحة باه تجيك ساهلة ابداى فى طرف مثال مربع ديرى فيه خطوط مستقيمة حتى تتعودى عليها ومن بعد خطوط منحنية ثم دوائر ثم شكل ريشة ثم وردات اختى اية حاولى ربى يعيشك حبا هاذى الخدمة متموتش وديرى الشى الى مقدرتش انا نديرو علمى لبنات انا ضروفى الصحىة الان متساعدنيش باه نخدم شوفى تحبى هذا الشى يموت تحية من الخروبية للجميع سلام ياكرام

[om mohamed 1960]

الله يبارك عمل متقون ونظيف.قوليلى حنونة الابرة ميليقش تلمس الفتلة باش متكسرش هاكا؟

[الخروبية]

السلام عليكم اختى ام محمد صلى على محمد صلى الله عليه وسلم شفتى دينا اجر معاك ربى يعيشلك محمد البرا لاشتى تقيس الفتلة محال تتكسر انا سعات باه تجينى الفتلة شارجى نخدمها على4 وساعات على6 نعرض فى الغرزةتاع الزقزاق ملاحضة كى تخدمى كيتحطى حشاك رجلك على البيدال غير بشوييييييية ملاحضة راكى تنحى الرجل تاع المشينة لابيدبيش اتولهى ابرا تقيسك لاقدر الله نتمنى نتجحى وتقوليلى واش درتى تحية من الخروبية للجميع سلام ياكرام

[yagout2011]

مشاء الله يعطيك الصحة

[ام اياد 01]

ماشاء الله خدمة متقونة

[حورية38]

ماشاء الله عليك اختي صراحة روعة وقمة الاتقان تبارك الرحمااان لا سنجار لا غيرو انت لي فحلة المشينة بلا بيك ما تدير والو

[الخروبية]

السلام عليكم شكرا ياحرائر الجزائر والله انتوما الى ملاح تحية من الخروبية للجميع سلام ياكرام

[ام ايمنt21]

لخروبية راكي رائعة ربي يكثر من امثالك ويزيدك من نعيمو يا رب
انا حبيت ندير جابادور ليا وخفت نغامر مشينتي سانجار هاديك البيضاء تاع نيلون نشاء الله تصلح لكن حبيت نشري وحدة انديستريال قالولي جامسي بصح انا حبيتها تخيط البيزو باه تنصحيني يعيشك والله نورتيلي طريقي انا تاني من لخروب *****متشرفين

[nessma 23]

ما شاء الله اختي يعطيك الصحة اختي راح نطلب منك حاجة لو سمحت تقدري تبعتيلي موديل تع قندورة فتلة تقيلة بالقاط الله يسترك و سامحيني الى تقلت عليك

[مروة الايمان]

براااااااااااااااااااااااافو

[الخروبية]

السلام عليكم اختى ام ايمن انالى متشرفا بيك اما بنسبة للمشينة ميهمش كبيرة ولا ضغيرة نيلو ولاحديد اي مركة المهم تكون زيقزاق وباه ليتشرى جيمسى ولا سنجار صدقينى والله على ما اقول شهيد شريتهاعلى اساس سنجار من مدة قليلة ولدى يلعب نحالى هذاك الشريط لى مكتوب فيه سنجار لقيت جيمسي يعنى المشينة هى نفسها شريتها من عند هذاك الى مقابل الدايرة تاع الخروب نسيت اسمو اناعندى بزاف ملي شريتها شريتها فى 2009 ب32000 ولاو يديرو 36000 اشريها ومتخافيش اما على القماش تاعي متخيطش بيزو نتمى نكون عاونتك اما اختى نسمة الي هي اصلا كيف النسمة اسمحيلى طلبت منى اخت قبلك وعتذرة منها لانو الرشمة ماشى كيما الباترون الرشمة تكون كاملة خاصتا القطيفة نكرراعتذارى بصح حاجا احنا درك تجمعا اخوة مالزمش نقولو البعضانا انا تقلت عليك انا وين نقلق صح كى متكونش حركة و واحد مايعاون واحد شكرا والف شكر خوتاتى تحية من الخروبية للجميع سلام ياكرام

[أمَةُ الرحمان]

يعطيك الصخة اختي

[إنشراح ^_^]

بارك الله فيك

[LAMIE ALI]

هايل يعطيك صحا