حلوياتي البسيطة لعيد الأضحى 2014 - الصفحة 2

النجمة المتميزة · 2014-10-08, 13:07

ممم شباب بصحتكم و صحا عيدكم

mimimouni · 2014-10-08, 14:24

الله يبارك ومشكورة على الوصفة.
حبيت برك نقولك حنا فالشرق من كثر ما نقدروا المقروظ نحطوه هو فالوسط وندوروا بيه باقي الحلوى ،

فقه معاملات مالية · 2014-10-08, 15:47

اقتباس:

المشاركة الأصلية كتبت بواسطة mimimouni

الله يبارك ومشكورة على الوصفة.
حبيت برك نقولك حنا فالشرق من كثر ما نقدروا المقروظ نحطوه هو فالوسط وندوروا بيه باقي الحلوى ،

يبارك فيك

أنا في الأول عملتوا في الوسط ومبعد قلت خلي نغيّر شوية هههههههه

المقروظ هو سيد المائدة لازم يكون هو الأول

ام عبيدة · 2014-10-10, 23:15

بارك الله فيك

دائمة الحمد · 2014-10-11, 04:31

يعطيك الصحة يا التبسية تاعنا باينة فحلة ونص

ام اريام · 2014-10-11, 06:53

يعطيك الصحة اختي حلويات هايلين بصحتكم

imen kasem · 2014-10-11, 07:32

يعطيك الصحة هايلين

فقه معاملات مالية · 2014-10-11, 19:14

الله يسلمكم

شلال فرح · 2014-10-12, 14:30

4444444444444444

يعطيك الصحة هايلين و متقونين

ممكن وصفة المقروط و قاطو المربعات باللوز ايفيلي الاخضر و البابيون و كويرات الشكولا

فقه معاملات مالية · 2014-10-14, 11:53

اقتباس:

المشاركة الأصلية كتبت بواسطة شلال فرح

4444444444444444

يعطيك الصحة هايلين و متقونين

ممكن وصفة المقروط و قاطو المربعات باللوز ايفيلي الاخضر و البابيون و كويرات الشكولا

الله يسلمك

بالنسبة للمقروظ على طريقة أمي والمقادير كالتالي ::

3 كيلات وجه نتاع الدقيق
1 كيلة سمن ذايبة أنا نستعمل نتاع مدينة ونكيل بيها
1 كيلة ماء زهر مخلط مع الماء
شوية ملح
الحشو ::
غرس تكوني راحيتو من قبل واعملي ليه شوية قرفة + قرنفل + شوية زبدة + شوية ماء زهر + بالنسبة لجلجلان لكي الاختيار ودخلط المكونات في بعضاها وتعمليهم على شكل حربوش
طريقة التحضير

في قصعة أو إيناء كبير نضع 3 كيلات وجه نتاع الدقيق + شوية ملح + 1 كيلة سمن ذايبة ونخلط بكف اليد حتى تحسي بيها راح تعمل كي رغوة

ومبعد ضيفي الماء الممزوج بالماء زهر بالشوية ويكون سخون شوية برك ولمي بيدك العجينة وكي تحسي العجينة يابسة ضيفي الماء شوية شوية حتى تكملي كيلة الماء والماء زهر ومبعد ما تليميها أعميها في ساشي وغطيها وخليها ترتاح حتى لغدوا تقدري نخليها حتى يومين أو ثلاث أنا نبيها ليلة فقط وغدوا كي نجيي نعمل المقروظ نأخذ قليل من العجينة وكي نلقاها يبست نضيف ليها شوية ماء زهر ونلمها ونفتح في الوسط مكان لوظع الغرس ونظم العجينة ومبعد تعمليها على شكل حربوش ومبعد تقطعيه على شكل معينات وتنقشيها المنقاش وإلى الفرن
وكي تجي تقدميه تحبي تعسليه وإلا تشحريه

وبالنسبة لقاطو المربعات باللوز ايفيلي الاخضر راهي حلوة البجاوية اقتنيها من أم رامي العزيزة ولكن غيرت في شكها فقط لاغير وهي في الرابط التالي:

https://www.djelfa.info/vb/showthread.php?t=1637597

أما بالنسبة لكويرات الشكولا فهي حلوة جاهزة قمت بتجميع بقايا الحلويات التي قمت بها و أضفت لها علبة بيمو وقمت برحيها في الخلاط وأضفت لها الكوكاو مرحي + لوز مرحي + شوية شامية يعني حلوة الترك ونلمها بماء الزهر ومبعد نشكل كريات وفي حمام مائي تذوبي الشكولا السوداء والبني وكي تذوب ضيفيلها شوية حليب وخلطي ومبعد أعملي للكريات الشكولا ومبعد أعملي الشكولا بيضاء في حمام مائي آخرحتى تذوب ومبعد أعملي الشوكولا البيضاء في POCH واعملي على شكل خطوط بيضاء فوق الشوكولا السوداء ومبعد أنا كانت عندي عجينة السكر عملت على شكل وردات وعملتها فوق الكوريات هذا ما كان

آسفة على الشرح المطول ان شاء الله تجربيها وترجعيلي الخبر بالصحة والهناء

أم محمد وألاء · 2014-10-14, 23:09

بارك الله فيك