رجاء من لديه اي فكرة يعلمنا - الصفحة 2

آسياآسيا · 2014-08-19, 12:18

السلام عليكم والصلاة والسلام على اشرف المرسلين سيدنا محمد صلى الله عليه وسلم
اهلا اختي. ان شاء الله ربي يوفقك ويهنيك.
انا كملت التكوين ورانا نسناو في التعيين.قالونا بلي في سبتمبر ان شاء الله تعالى.ربي يكون الخير .
وتعيشي اختي ادعيلي ربي يوفقني ويسترني لانه منصب صعيب.والله يوفقنا اجمعين لما يحبه ويرضاه ولكل خير يراه سبحانه عالم الغيب والشهادة.
ونتمني نبقاو على اتصال .ربي يسعدك ويرضى عليك وينورلك دربك .ويجعلك من نساء الجنة.
اللهم امين اجمعين

amateur dz · 2014-08-19, 12:25

بالتوفيق للجميع

الحاضر احلا · 2014-08-19, 19:53

وعليكم السلام صحيح ان المنصب نتاعك مليح بزاف بصح على قد ما هو مليح هو صعيب وان شاء الله ربي يسترك ويحفظك ويعليك فيه ويفتحلك ابوابه يارب . بالمناسبة انا الان في قسنطينة فلقد اسقريت فيها ونجحت في المسابقة قي قسنطينة وانا الان اتكون في ثانوية الاختين سعدان من اي منطقة انت

آسياآسيا · 2014-08-19, 20:04

السلام عليكم صلوا وسلموا على الحبيب المصطفى
مرحبا بيك في قسنطينة
ان شاء الله ربي ينورلك حياتك فيها
انا في زواغي
وانت؟

Alicha · 2014-08-19, 20:09

شكرا جزيلا لكم

أتمنى لكم كل التوفيق يا رب

آسياآسيا · 2014-08-19, 20:13

وربي يوفقك انت تاني اختنا alicha

آسياآسيا · 2014-08-19, 20:45

:m h31:

الحاضر احلا · 2014-08-19, 21:41

بيك يعيشك انا من المدينة الجديدة علي منجلي

آسياآسيا · 2014-08-20, 20:14

السلام عليكم جميعا
متشرفين الحاضر احلا واش عجبتك قسنطينة؟

الحاضر احلا · 2014-08-20, 22:05

متشرفين بيك اختي آسياآسيا انا من قسنطينة ذهبت لباتنة لظروف وعدت اليها الان

آسياآسيا · 2014-08-23, 18:43

السلام عليكم صلوا وسلموا على الحبيب المصطفى
آ يعنس انت بنت البلاد وانا نرحب بيك
رايحا نبدل سؤالي: واش عجبتك باتنة؟
وان شاء الله راكي مليحا مع التكوين؟

الحاضر احلا · 2014-08-24, 18:40

هههههههههه هيه انا بنت البلاد اوباتنة مليحة او ماليها ملاح بالنسبة للتكوين فيه ضغط كبير هناك بعض المواد بدل ان تدرس في عام او عامين في الجامعة تلخص في يوم او يومين مع الكم الهائل من المعلومات ربي يقدرنا

آسياآسيا · 2014-08-24, 20:13

السلام عليكم والصلاة والسلام على اشرف المرسلين
انا باتنة عشت فيها 22 سنة والله ما عندي ما نقول فيها بيها بعبادها.
والله خلينا فيها احلى واروع واجمل الذكريات.
وفيما يخص التكوين صحيح انه في الاول يجيك جبل.ولكن كي تندمجي يجيك حاجة ساهلة وتافهة
حنا المقتصدين كي شفنا اول مرة البرنامج تشوووووكييينااااا.15 مادة درسناها واغلبية المواد دخيلة ليست مهمة مثل التاريخ الوطني وندرسوا كل يوم
وبزيادة سمعنا بلي كاين مذكرة ونلقيوها"سوتنونس"
.ولكن مع مرور الوقت تأقلمنا .وما ألقيناش المذكرة وفوتنا الامتحانات عادي جدا وكل الحمد والشكر لله.
ربي ييسرلك امورك ويوفقك .ودائما وابدا الحمد والشكر لله

الحاضر احلا · 2014-08-25, 20:39

وعليكم السلام. 22 سنة راهي عشرة عمر واكيد فيها ذكريات جميلة . حنا تاني عندنا مذكرة ولكن بعد انتهاء التربص الثاني والثالث المقررين في عطلة الشتاء والربيع وشكرا على الدعوة في تيسير الامور فانا حقا بحاجة ماسة اليها وارجو من الله ان ييسرلك امرك وينورلك دربك.

آسياآسيا · 2014-08-27, 08:57

السلام عليكم صلوا وسلموا على الحبيب المصطفى
اللهم امين اجمعين وشكرا جزيلا لك اختي الحاضر احلا