قمة السعادة - الصفحة 2

biba.fbi · 2014-07-20, 16:28

ايه الف مبرووك عليكم و الله غير فرحتلكم بزاف حاسا بالفرحا تاعكم لانز كنت حابتها مي اله غالب ما عطاوهليش
الخير فيما اختارهالله ^^

Anfal1995 · 2014-07-20, 17:40

اقتباس:

المشاركة الأصلية كتبت بواسطة iman95

معدل قبول لغة انجليزية جامعة مستغانيم 11.95 بالنسبة لشعبة اداب و لغات و 15.19 بالنسبة للعلميين انا معدلي 12.95 مدوهالي ماعلابالكيش اختي شحال معدل القبول في جامعة بومرداس حابة ندير تحويل ليها ؟؟

للأسف اختي ليست لدي معلومات عن جامعة بومرداس ,,, بالتوفيق

Anfal1995 · 2014-07-20, 17:47

اقتباس:

المشاركة الأصلية كتبت بواسطة xicawapa

انا تاني بعتوني اداب ولغة انجليزية انا نموت عليها و متمكنة فيها .. بصح حاسا و كأنو طموحي صغييير بزاف ؟ يعني انجليزية وخلاص؟ممكن نصائح من اصحاب الخبرة ؟؟

حسب استفساراتي و البحث في هذه الشعبة فقد نصحوني بها كثيييرا و ان دراستها متعة وانا شعبة علوم تجريبية و قد اخترتها عن قناعة ,,, فقط كوني

ناجحة في مجالك

,,, بالتوفيق

XicaWapa · 2014-07-20, 18:03

انا تاني شعبة علوم تجريبية .. لكن انا حبيت مدرسة عليا للاساتذة ..بصح ماقبلونيش ..و انا تاني حبيتها لاني نحب اللغة الانجليزية و حابا نعاود الباك -لعلى وعسى نجيب معدل مليح- و ندرس تخصص اخر ، لانو هادا لي نقولو انجليزية في لافاك يقولي ..اييي ماشي مليحة خلاص ..وعلاه عليك ؟ احبطوني.. من العائلة للاقارب لصحاباتي .. الناس بكل .. من صباح وانا نبكي تماما نفس اليوم لي خرجت فيه النتائج .. 13.80 اوووف كرهت

biba.fbi · 2014-07-20, 18:15

اقتباس:

المشاركة الأصلية كتبت بواسطة xicawapa

انا تاني شعبة علوم تجريبية .. لكن انا حبيت مدرسة عليا للاساتذة ..بصح ماقبلونيش ..و انا تاني حبيتها لاني نحب اللغة الانجليزية و حابا نعاود الباك -لعلى وعسى نجيب معدل مليح- و ندرس تخصص اخر ، لانو هادا لي نقولو انجليزية في لافاك يقولي ..اييي ماشي مليحة خلاص ..وعلاه عليك ؟ احبطوني.. من العائلة للاقارب لصحاباتي .. الناس بكل .. من صباح وانا نبكي تماما نفس اليوم لي خرجت فيه النتائج .. 13.80

اوووف كرهت

اواه ختي صدقيني غير راكي غالطا مليااااااااااااااااااار
1. هيا تخصص مليح و خدمتو كاينا
2.تكتسبيها كلغة و كمهنة و كثقافة
3.قادرا تروحي بيها لبعيــــــــــــــــــــــــــــد و تقري بيها ف الجامعة
انا عندي بنت عمي كانت تقرا فيها و من بعد موجرت و دوكا راها تكمل ف قرايتها ف الصين بعتوها ثما باش تجيب الدكتوراه .....خلي طموحك عااااااالي و ربي يوفقك و يوفقنا ان شا الله

آيات سرمدية · 2014-07-20, 18:34

احنا في عنابة المعدل الادنى 11.40 انا حطيتها اختياري الاول بصح ماعطاوهاليش بعتوني فرنسية اختياري التاني وانا مانحبهاش كنت طامعة يمدوهالي.هل من حل حتى احصل عليها.

Anfal1995 · 2014-07-20, 19:05

اقتباس:

المشاركة الأصلية كتبت بواسطة miku hatsune

احنا في عنابة المعدل الادنى 11.40 انا حطيتها اختياري الاول بصح ماعطاوهاليش بعتوني فرنسية اختياري التاني وانا مانحبهاش كنت طامعة يمدوهالي.هل من حل حتى احصل عليها.

اذا كانت عندك معريفة مع الشخص المسؤول عن التوجيهات في الجامعة التي تريديني الدراسة فيها ,, انت جربي مع معاريفك و ان شاء الله تكون من

نصيبك و لكن لا تستسلمي وتذكري دااائما ان هذه كلها مكاتيب من رب العالمين والحمد لله ^^

آيات سرمدية · 2014-07-20, 22:20

شكرا. لقد قررت ان اسجل فرنسية واثناء التحويلات ساعمل تحويل الى اللغة الانجلزية وان شاء الله فيها خير وميدوهالي.

XicaWapa · 2014-07-20, 23:47

شكرا بيبا .. صح انا عندي طموح نروح بيها لبعيد و علابالي نقدر نقرى لغة اخرى معاها في هاد التخصص و تاني لقدرت ندير حاجة اخرى باه نخدم في السفارات ولا القنصليات .. المهم الحمد الله على كل حال ..

zineb25 · 2014-07-22, 19:43

مبروك عليك أنا تاني بعتوني اختياري الاول اداب ولفة انجليزية وجبت معدل 11.12 بصح لورقلة وانا في قسنطينة راني خايفة كوندير التحويل ومايقبلونيش منقدرش ندير داخي والله خايفة تاني نروح نسجل وننسى كاش ورقة ههههه نحبس بعد

Amina1996 · 2014-07-22, 20:56

مبروك على الجميييييييييييييييييييييييييييييييييع