ما الذي يمكن الاستفادة من طلاقي

[نور الملاك]

المشاركة الأصلية كتبت بواسطة darwina.koom

السلام و صح فطوركم .... كل بيت فيه مشاكل و انا طلقتها لاسباب كثيرة (كانت تفشي اسرار البيت لعائلتها و ليست امها فقط -- كانت لا تطيعني --- مع الوقت ولات ما تقيمني خصوصا من عرفت بلي كي نزعف ما نعنفها -- و في النهاية رفدت حوايجها و راحت لدار ابيها --- المهم القصة طويلة و انا مليت منها )


لكن الامر الذي حيرني ، انه عندما اجلس معها للحوار لا تتكلم ابدا --- تقابلني بالصمت (كيف تفسرون هذا)

اهذه طريقة لحل المشاكل ؟

انا ارى انها لم تقم باي جهد للحفاظ علي و كانني لا اساوي شيء بالنسبة لها ؟

ام انها كانت حابتني اخضع لها -- مكر نساء ؟

انسانة غريبة هادي لي راك تحكي عليها مدام حصل بينك وبينها الطلاق وهيا معلابالها بوالو يعني كي جات كي راحت علاش راك تقلق في روحك انساها يا اخي اختيارك من الاول غالط والحاجة كيما يقولو عليها الوالدين لالا غير ابعد عليها حاجة برك متخليش هاد التجربة تاثر على حياتك الجاية راح تظلم الانسانة التانية معاك كيما تقرر باش تدخل في علاقة جديدة ياريت تنسى كل لي مريت بيه باسكو كيما يقولو صابعتين يديك ماشي كيف كيف ربي يهنيك ويرزقك بانسانة تفهمك وتحبك ان شاء الله وصحة فطورك

[امينة النايلية]

اخي لوكان كل واحد يحط بالو في هاذ الامور يعني التصرفات تاع مرتو <هدرت مع يماها في التلفون .حطتلي الماكلة باردة.نهدر معاها ومش تسمعلي. متخلينيش نتفرج الماتش.....> رايح يطلقها في اليوم مش مرة برك ممكن 100 مرة وزيد درك كي طلقتها راك عايش في رومانسية؟؟؟؟ انا نقلك اذا بقيت بهاذ العقلية ماراح تقدر تكمل مع حتى وحدة لوكان غير كنت ثقيل شوية في قرار الطلاق اذا رجعتها ماتبقاش تتحسس من تصرفاتها . واذا عاودت الزواج رايح تعرف بلي كامل النسا كيف كيف يعني مرتك الاولى ماكانتش تقصد تهينك او تنقص من قيمتك .

[malako5000]

واذا عاودت الزواج رايح تعرف بلي كامل النسا كيف كيف !!!!!


هنا راكي غالطة 100% ...... هذه امرأة ناشز و الناشز عمرها ما كانت كيف المرأة الصالحة ,,,,,, فالمرأة الصالحة تحفظو في غيبتو و ماشي هو يخرج و هي تبدا تحط في قدرو مع اهلها ,,,,, هذي جابتها لروحها و ما تلوم غير نفسها


لا يا أخي عاود الزواج و تعلم من تجربتك و راح تشوف بلي النساء ماشي كامل كيف كيف

[bello angel]

و ما دنب الزوجة الثانية ان تتحمل عقدك النفسية التي خلقتها فيك تصرفات امراة ’’اخرى ?,,?

اخي اسمحلي نقلك الا بقيت تخمم بهده الطريقة حتى ال الزواج الثاني ميصلحلكش

[زوجة الغول]

يا خويا
راهم يقولولنا المرا كي تتزوج لازم تكون صامتة وتكون باردة الأعصاب و ...
بزاف حوايج
أنا مازال ما دخلتش ومانعرف كيفاه راح نولي هكذا لأني ما نقدرش صح
وطليقتك مسكينة حفظولها الغالط على هاذاك نتا ما فهمتهاش

[محمد علي03]

كاين بعض الرجال على اتفه حاجة يهدم دارو حاسب هاذي هي الرجولة ومن بعد يقلك راني متعقد! هاذو خصارة يمدولهم العصمة في يدهم ونتايا روح دير وكالة لوالديك بالعصمة كي تتزوج المرة الجاية هوما يطلقوها في بلاصك مباشرة وخلاص . طلاق ماراح تستفاد منو والو غير تنقص من قيمتك

[biologie2001]

المشاركة الأصلية كتبت بواسطة darwina.koom

عشت قصة زواج قصيرة كانت نهايتها الطلاق بعد 6اشهرفقط / من خلال هذه القصة اود التعلم من تجربتيا فقط / فالزواج اصبح امر جد معقد بالنسبة لي و صراحة لن اكون طيبا مع الزوجة الثانية ان اعدت الزواج (كما يقول المثل لا يلدغ المؤمن من الجحر مرتين)

انا رجل ميسور الحال و لي سمعة طيبة و اكبر دليل ان طليقتي لسنوات هي و اهلها كانو يجرو ورائي ليتتزوج بي / وفرت لها مسكن خاص مؤثث و عيشتها احسن عيشة و كنت طيب معها / لكنها ما كانت مفرحتني لا في الدار و لا في العشرة

اليوم اتسائل ربما كنت انا سبب المشاكل و لا ادري ! بالرغم ان والديا قالا لي رغم قلت معرفتهم بها : ماشي هذه مراة لي تبني بيها الدار !

كل بيت فيه مشاكل و كلما كنا نتشاجر (كنت دائما انا لي نزعف من تصرفاتها) حاولت معها كثير ان نجلس مع بعص و نتكلم بصراحة و نحاول نجد حل للمشاكل / لكنها كانت تقابلني دائما بالصمت / انا كنت دائما زعفان و هي كانت دائما هادئة و باردة و كانه لا يوجد شيء / عمرها لا جات راضتني و كنت انا دائما لي يدير اول خطوة / كانت حياتي معاها خالية من اي رومانسية

ماني عارف واش نقول لكن ربما هناك من سمع او مر بتجربة مثل هذه ان ينفعني اكثر و شكرا / و انا هنا للرد على اي سؤال

ربي يعوضك ان شاء الله ببنت الحلال التي تفهمها و تفهمك ...البنات ماشي كامل يتشابهوا...ان شاء الله تعيد حياتك و تعيش افضل من الاول و لا تنس ان ابغض الحلال عند الله الطلاق

[biologie2001]

المشاركة الأصلية كتبت بواسطة riyad552

سيدي انا ايضا مررت بتجربة كهذه واقول لك انا ايضا إن حدث وأعدت الزواج فلن ترى مني شي اسمه رومنسية وطيبة بل ساكون قاسيا معها لن اظلمها لكني لن اكون الحمل الوديع. لن اسمح لامها واخواتها حتى بمجرد ابدءا راي ولو يخص شيئا يسيطا. تعلمت ان المراة لا تفهم باللين ولا بالرومنسية ولا بالمعاملة الحسنة. يجب ان تكون رجلا تقليديا فضا جلفا حتى تهابك وتحسب لك الف حساب. لقد علمهن بوتفليقة التمرد وعلمتهن الجامعة والمسلسلات النشوز. ولكن اقول لك ان استعطعت ان تبقى عازبا فهذا افضل لك.

اخي الكريم لا تعتبر تجربتك الفاشلة نهاية العالم...ان شاء الله تلقى بنت الحلال اللي تعزك و تصونك و تكرمك و لا تنس بانه مثلما يوجد المليح يوجد القبيح ... انت و زوجتك متفاهمتوش و كان الطلاق ممكن جدا لما تعيد حياتك سيكون هناك توافق بينك و بين زوجتك و تعيش حياة هنية مليئة بالرومانسية.......قول ان شاء الله

[" أبو عبود"]

الزواج ليس حياة نرجسية كما يتصوره البعض. الزواج هو اصلا متاعب ومصاعب وتنازلات. فمن لم يكن قادرا على ذلك فلا يتزوج.

[تراتيـل صبــح]

المشاركة الأصلية كتبت بواسطة darwina.koom

السلام و صح فطوركم .... كل بيت فيه مشاكل و انا طلقتها لاسباب كثيرة (كانت تفشي اسرار البيت لعائلتها و ليست امها فقط -- كانت لا تطيعني --- مع الوقت ولات ما تقيمني خصوصا من عرفت بلي كي نزعف ما نعنفها -- و في النهاية رفدت حوايجها و راحت لدار ابيها --- المهم القصة طويلة و انا مليت منها )


لكن الامر الذي حيرني ، انه عندما اجلس معها للحوار لا تتكلم ابدا --- تقابلني بالصمت (كيف تفسرون هذا)

اهذه طريقة لحل المشاكل ؟

انا ارى انها لم تقم باي جهد للحفاظ علي و كانني لا اساوي شيء بالنسبة لها ؟

ام انها كانت حابتني اخضع لها -- مكر نساء ؟

وعليكم السلام ورحمة الله وبركاته
في رأيي اخي انت طلقتها لذا لا تتعب نفسك في محاولة فهمها
لصمتها تفسيرات عدة وصعب عليك معرفة من منها الأصح
فكر في بدء حياتك من جديد
والزواج قرارك فاختر انت ولا تجعل غيرك يختار كما حدث في الأولى
موفق.

[امينة النايلية]

malako50


هنا راكي غالطة 100% ...... هذه امرأة ناشز و الناشز عمرها ما كانت كيف المرأة الصالحة ,,,,,, فالمرأة الصالحة تحفظو في غيبتو و ماشي هو يخرج و هي تبدا تحط في قدرو مع اهلها ,,,,, هذي جابتها لروحها و ما تلوم غير نفسها


انا قصدت النسا كيف كيف في الامور البديهية واليومية وقتلو راك كبرت المشكلة لوكان لقاها تخون فيه اوتخرج بدون علمو او سرقتلو دراهم....
هادي صح النسا مش كيف كيف .
اختي صاحب هذه الشخصية يكون مليح وهايل وصمعتو زينة مع كامل الناس الا مع مرتو يشوفها هي عدوة وكل يوم يروح ليماه او خواتاتو يديلهم تقرير مفصل<حتى شحال تتنفس في اليوم>
وهوما ينصحوه كيما نصحتيه نتيا <راها دارت هاك باش تحكم فيك زيرها ولاطلقها وتهنى > وممكن يطلق اكثر من مرة . والمرا ة الاخيرة في حياتو يكون عندها حظ كبيررررر بصح ماننصح حتى وحدة تتزوج بيه على خاطر ماتقدرش تعرف اذا هي الاخيرة ولا وحدة من ضحاياه.
افرح بنصيبك يفرح بيك

[Terrified-dz]

اغلبية النساء كي تكون معهم مليح يتقلشو و ما يحترموش الرجل و يديروا كلش باش تطلقهم و من بعد يولو يبكو على العنوسة
بعضهم انهالوا عليك شتماً و سباً لانك قلت تجربة تاعك و هذا هم نسوة 2014
انصحك اخي ان تفكر قبل الزواج من ثانية و الله الزواج اصبح مشكلة كبيرة في وقتنا النساء عرفو الحرية و المساواة كيما يسموها
و لايغروك بالكلام المعسول ربي قال عليهم ان كيدهن عظيم و ربي ما يغلطش
وليد خالتي مهندس في الكترونيك تزوج مع وحدة بعدها بعام مرض هربت لولديها و طلبت الطلاق و الله ما فيهم الثقة نساء 2014

[malako5000]

انا قصدت النسا كيف كيف في الامور البديهية واليومية وقتلو راك كبرت المشكلة لوكان لقاها تخون فيه اوتخرج بدون علمو او سرقتلو دراهم....
هادي صح النسا مش كيف كيف .


اسمحيلي مرة اخرى لانك راكي غالطة مرة اخرى ,,,,, يعني الا ما دارتش هذو الحوايج تقدر تركب عليه و هو لازم يصبر و يسكت

لا و الف لا ,,,, الزواج اخذ و عطا ، كل واحد عندو حقوق و واجبات ,,,, هل ترضاي انه يقابلها بالجفاء و يخليها للفقر في الدار بلا ماكلة؟ على اساس انه مايخونها و ما يضربها و ما يطلقها

انا نظن انه في حالة ما قامتش بواجباتها و هو كلمها و فهمها و زقا عليها ,,,,, و هي ما حبت تتبدل من الاحسن انه يطلقها على انه يظلمها

كما قال الرسول صلى الله عليه و سلم عن الرجل الصالح : ان احبها اكرمها و ان كرهها لم يظلمها

الله غالب ، كاين ناس لي تجيهم الخبزة حتى للفم و هما يقولو مرة ..... سبحان الله ، كان عليها تحمد ربها و تشكرو لي رزقها بزوج ميسور و يصرف عليها ومقلشها ..... لو كان عرفت كيف تتعامل معاه بأنوثتها و بالعقل و الصبر لوكان دارلها و دارلها ,,,,, بصح هي جابتها بالقباحة و شح فيها ,,,, و ماشي لاني امراة لي لازم ندافع على الباطل ، انا ما نحب الظلم لا لنفسي و لا لأخي

كما قال علي رضي الله عنه : اذا اكرمت الكريم ملكته و اذا اكرمت اللئيم تمرد

[hope of life]

المشاركة الأصلية كتبت بواسطة riyad552

سيدي انا ايضا مررت بتجربة كهذه واقول لك انا ايضا إن حدث وأعدت الزواج فلن ترى مني شي اسمه رومنسية وطيبة بل ساكون قاسيا معها لن اظلمها لكني لن اكون الحمل الوديع. لن اسمح لامها واخواتها حتى بمجرد ابدءا راي ولو يخص شيئا يسيطا. تعلمت ان المراة لا تفهم باللين ولا بالرومنسية ولا بالمعاملة الحسنة. يجب ان تكون رجلا تقليديا فضا جلفا حتى تهابك وتحسب لك الف حساب. لقد علمهن بوتفليقة التمرد وعلمتهن الجامعة والمسلسلات النشوز. ولكن اقول لك ان استعطعت ان تبقى عازبا فهذا افضل لك.

اعلم ان القسوة تجر الى الظلم....وليس كل الناس متشابهون والا لما كان هناك جزائين جنة ونار
بل تعلم ان تستخير بقلب صادق مع الله..للتتجنب من اذا اكرمتها تمردت ..وتحضى بمن اذا اكرمتها ملكتها...وعش حياتك ورمنسيتك فان لم تعشها مع زوجتك مع من اذن

[darwina.koom]

المهم راح نحاول ننسى ، هذه ماهيش اول مشكلة في حياتي و لا آخرها ,,,,,, سأعود الى حياتي الاولى ,,,,,, و الزواج ما نزيدش نحكي عليه ,,,, ربما بعد 5 سنوات [/color]