نداء الى batila 37 - الصفحة 2

سهومةج · 2014-06-12, 16:40

الواحد من هادوك الستة هو الكيلة يعني احمي واحد من الستة هادوك تاع الدشيشة كيليها ممكن تعمرلك كاس ولا فنجان ولا غرفية علا حساب البلطو اللي حابة تخدمي بيه متلا كيلتي جزء واحد تاع الدشيشة من هاوك الستة دارلك كاس قدقد يعني الكيلة تاعنا هاداك الكاس يعني مجموع الدشيشة ست كيسان
ومثلا ادا كيلتي جزء من الشيشة و قاسلك فنجان يعني الكيلة تاعنا فنجان يعني الدشيشة تاعنا كامل هي ست فناجيل

سهومةج · 2014-06-12, 16:42

ايييييييييييييه يا اختي السميد تاعك اللي كان ف البلاطو اقسميه ست اجزاء متساوية

سهومةج · 2014-06-12, 16:44

فهمتي ولا لللللللللللل بسرعة خفت تروح النات و نخليك على نص

سهومةج · 2014-06-12, 16:48

بسم الله الرحمان الرحيم

طبقت قلب اللوز باللبن للاخت ليليا وكانت النتيجة اكثر من رااااااائعة ربي يفرحها ويجازيها عنا كل خير
لذلك قلت نحط التطبيق مع الشرح والخطوات وهذا تلبية لطلب الاخوات

المقادير:

6كيلات دشيشة الخاصة بقلب اللوز
3كيلات سكر
كيلة زيت
كيلة لبن
رشة ملح
فاني
رشة خميرة كيميائية

الشاربات

6كيلات ماء
3 كيلات سكر
قطرات من عصير الليمون
فنجال صغير ماء الزهر

الطريقة:

بالنسبة للكيلة المستعملة تعتمد على الصينية لي راح نطيب فيها قلب اللوز يعني اذا كانت الصينية كبيرة نستعمل كيلة كبيرة واذا صغيرة نستعمل كيلة صغيرة

نكيل الدقيق ونحط في الصينية ونشوف للارتفاع اذا شفناه مرتفع بزاف نقص في الكيلة واذا هابط نستعمل كيلة اكبر

https:// إضغط هنا لرؤية الصورة بحجمها الطبيعي.

من بعد نحط الدقيق مع السكر والزيت ورشة الملح ورشة الخميرة الكيميائية وشوية فاني

https:// إضغط هنا لرؤية الصورة بحجمها الطبيعي.

ثم نضيف كيلة من اللبن انا استعملت نتاع القارورة

https:// إضغط هنا لرؤية الصورة بحجمها الطبيعي.

https:// إضغط هنا لرؤية الصورة بحجمها الطبيعي.

نخلط المقادير غير بالاصابع راح نتحصل على هذا الخليط

https://إضغط هنا لرؤية الصورة بحجمها الطبيعي.
نضيف ماء الزهر غير بالشوية حتى يتكور في يدك يعني كي نحط كمية من الخليط في اليد ونحرك راح تتشكل عندي كويرة هذا يعني ان العجينة مليحة ماتحتاجش ماء زهر اضافي

https:// إضغط هنا لرؤية الصورة بحجمها الطبيعي.

نغطي الخليط ونخليه يرتاح لمدة نصف ساعة

في هذا الوقت نحضر الشاربات

نحط السكر والماء مع قطرات ليمون على نار متوسطة ونحسب 10د من بداية الغليان ونطفي عليه ونضيف ماء الزهر

من بعد نشعل الفرن من الاسفل على 200د
ناخذ الصينية وندهنها بالزبدة ونحط الخليط في الصينية بلا مانضغط عليه
بواسطة ظهر ملعقة نعدله ونسقمه
ناخذ سكين ونشكل خطوط غير من فوق ونرشق حبات لوز

https://

ندخله للفرن ونخليه حوالي نصف ساعة المهم حتى نشوف الاطراف حمارت هنا نطفي من الاسفل ونشعل من فوق ونخليه حتى يتحمر ملييييح

من بعد نخرجه ونسقيه بالشربات مباشرة وهو سخون على مرة واحدة
https:// إضغط هنا لرؤية الصورة بحجمها الطبيعي.

نعاود نرجعه للفرن وهو سخون ونغطيه بصينية اخرى ونخلي فتحة حتى مايعرقش

من الاحسن نخليه يبات من بعد نقطعه لكن مانظنش تصبرو عليه هذا المدة خخخخ اذن على الاقل نخليوه 6 ساعات يتشرب مليح الشاربات وهذا شكله بعد ماطاب

https://إضغط هنا لرؤية الصورة بحجمها الطبيعي.

هنا كنت عملتو بالدقيق نصف الغليط هايل لكن بالدشيشة احسن بكثير

https:// إضغط هنا لرؤية الصورة بحجمها الطبيعي.

هذو السنيوات عملتهم لخواتاتي ربي يحفظهم

https:// إضغط هنا لرؤية الصورة بحجمها الطبيعي.

https://إضغط هنا لرؤية الصورة بحجمها الطبيعي.

https:// إضغط هنا لرؤية الصورة بحجمها الطبيعي.

شوفو كيفاه معسل وطري اممممم

https://إضغط هنا لرؤية الصورة بحجمها الطبيعي.

https:// إضغط هنا لرؤية الصورة بحجمها الطبيعي.

نتمنى تجربوه خاصة ان شهر رمضان على الابواب

اللهم بلغنا رمضان

سهومةج · 2014-06-12, 16:49

هدا تطبيق ام اماني اقرايه ضرك نكمل نشرحلك

سهومةج · 2014-06-12, 16:52

واقيلا رقدتي وانا مزلت نغني على قلب اللوز

sarah.. · 2014-06-12, 16:53

نففيدك بمعلومة بسيطة

روحي لمحل بيع لوازم الحلويات واشري من عندو السميد قوليلو بغيت السميد تاع قلب اللوز راهو سميد خاص يااختي ويتباع بالكيلو الثمن تاعو 70 دج

دعوة خير لاختك

سلام

oum khadidja · 2014-06-12, 17:22

لا لا اختي مارقدتش كنت نطيب فالكسرة و ماشفتش الصفحة الثانية راني شريت العام لي فات السميد الخشين تاع قلب اللوز و درت بيه لكن ماجانيش مليح خلاص الحبة خشينة بزاف و شغل حرش كي تاكليه اختي قوليلي شحال كمية السكر بالتقريب و ربي يجازيك

oum khadidja · 2014-06-12, 17:24

اقتباس:

المشاركة الأصلية كتبت بواسطة sarah..

نففيدك بمعلومة بسيطة

روحي لمحل بيع لوازم الحلويات واشري من عندو السميد قوليلو بغيت السميد تاع قلب اللوز راهو سميد خاص يااختي ويتباع بالكيلو الثمن تاعو 70 دج

دعوة خير لاختك

سلام

شكرا اختي و ربي يجازيك

سهومةج · 2014-06-12, 17:43

شوفي
اقسمي الدشيشة على ستة و كيلي جزء واحد من الدشيشة في كاس
ديري قدو سكر ثلاث مرات يعني ستة دشيشة تلاتة سكر و واحد زيت
ضرك حكي مليح مليح مليح بين يديك السميد و السكرو الز يت
ضرك زيدي كيلة لبن و نصف كيلة ماء الزهر و ملح دوبيه ف الماء الزهر و شوية خميرة القاطو حوالي ملعقة صغيرة
وخلطي برؤوس الاصابع ماتعجنيش ثم سويه بضهر الملعقة
اطهيه على ميتين درجة في فرن مسخن مسبقا
حمريه ملييييييييييييييييييييييح مليييييييييييييييييييح م الفوق والتحت
الشاربات
تلات كيلات سكر ستة ماء عندما يبداو يغلير و ابداي احسبي عشر دقايق و طفي
كي ايطيب سقيه بالشاربات كاملة باردة و غطيه بحاجة اكبر من البلاطو و رجعيه للفور الطافي
وخليه ليلة كاملة راح تتحصلي على اروع قلب اللوز
لازم تفهمي بلي الكيلة تاع الجزء واحد تاع الدشيشة هي اللي نديرو بيها تلاتة سكر و واحد زيت و واحد لبن ونص ماء الزهر
فهمتي ولااااااااااااا

سهومةج · 2014-06-12, 17:57

المنتدى تقيييييييييييييييييييييل الردود والو ما يفتوش

oum khadidja · 2014-06-12, 18:45

شكرا اختي على الشرح الوافي اختي سهومة نقدر نحدد الكيلة قبل مانحط فالبلاطوا ولا مانقدرش

oum khadidja · 2014-06-12, 18:50

اختي سهومة قوليلي الخميرة الكيميائية نحطها فالماء زهر و لا وحدها و الشاربات لازم تكون باردة و لا سخونة

oum khadidja · 2014-06-12, 18:53

اختي سهومة الخميرة الكيميائية نحطها فلاماء زهر و لا وحدها و الشاربات باردة و لاسخونة

سهومةج · 2014-06-12, 19:03

لوكان تحددي ست كيسان دشيشة وتديريها ف البلاطو و تجيك خشينة هادا هو المشكل
يعني شوفي الارتفاع تاع الدشيشة ف البلاطو قبل و اقسمي على ستة خير
الخميرة ديريها مع الدشيشة و السكر
الشاربات باردة و قلب الوز حامي كي يخرج قدقد سقيه