في البكالوريا تعلمنا

[ورود العلم]

تعلمت ان نتيجة الباك لا تعكس مدى ذكاء او غباء التلميذ
تعلمت ان الي يدير المواضيع تع الباك و يصححهم واحد لا علاقة له بالقراية
تعلمت ان نتيجة الباك مكتووب ....ولي فيها خير ربي سبحانه راح يكتبها--عسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لاتعلمون--صدق الله العظيم
تعلمت من الباك الصبر والثبات
تعلمت ان لي يتعب ربي سبحانه مستحيل يخذلوا ..
علينا التمسك بحبل الله جميعا ولن يخذلنا رب العالمين

[حيآتي أسمَى]

الحمد لله على كل حال

[سماح 2]

واللـــــــــــه صح +الباك لازمووو تركـــــــــز فقـــــــــــــــــــــطْْ

[نوارة الشرق]

السلام عليكم

تعلّمت أن:

1/ ماكانش اللي يحبّك صح ويتهلّا فيك ويخاف عليك من كل شيء إلاّ الوالدين ربي يحفظهم ، في الدّنيا وربيّ سبحانه بالتأكيد من فوق ,

2/ مهما تدير ومهما تبني ، كلّ شيء بيد ربي سبحانه ، مالا هو أوّل واحد ترضيه وتطلب منه التوفيق ,, فما توفيقي إلا بالله .

3/ أن الخوف يجعل مشيكلات صغيرة ، بعبعا كبيرا صعب الهزيمة ,, وينقص من قدرتك على المواجهة ويضعف كل طاقاتك، النفسية والعقلية .. ( والخوف غير من ربي الباقي كامل خرطي من عمل الشيطان)

4/ قد ما تتعب تدّي قدما تحفر توصل، هكاّك وفي الجزائر يدخل فيها الزّهر (في التصحاح ، في العسّاسين، في الوقت .. )
مالا تكون واجد من كلّ النواحي خاصّة نفسيا ,, (في الباك يصراوا حوايج غير متوقّعة) ويبقى كلّش بيد ربّي سبحانه

5/ التنظيم خاصة في الوقت ينحي عبء كبير ويخليك تعرف تستغل الطاقة تاعك بشكل منتظم

6/ ديييما خووود رأي والديك لاماربـحـتش تسْلك على خير ، مهمة جدّا هدي ,, وطيع ربي قبل كل شيء (وهدي الأهم مش غير للباك)

7/ الأنانية ماتنفعش وديما شارك علمك مع اللي يحتاجه واللي يسعى ليه خاصة مش أي واحد..

تدّي فيها أجر و تعاون خوك (كاين اللي محتاج ومايتقدرش يدير لي كور ، كاين اللي مايفهمش مليح) المهم مايكونش مصلحجي ,,

هدي طبيعتي .. !!

تعلّمت بزّاف حوايج.. ; المذكورين على سبيل العد والمثال، لا على سبيل الحصر

على كلّ حال ربي يجيب اللي فيه الخير

والله ولي التوفيق

[الدرة المصونة‎]

المشاركة الأصلية كتبت بواسطة سآجدْ للهْ

والله صدّقني المواد الادبية والله ما قريتهم من بداية السنــة
رحت معوّل على المواد العلمية
ساعة تعكست ههههههههههههههههه

و أنا مثلك تماما

[amine 1995]

ان التواضع و عدم التكبر هو اساس النجاح

[Faraoula Fraise]

تعلمت بلي ماكاش لي يحبلك الخير و أغلبهم غيارين

تعلمت انو الباك ماهوش قراية الباك زهر و حيلة

تعلمت أنو أمي هي أعز و أفضل انسان فالوجود

تعلمت بلي لي يكون قريب من ربي و نيتو مليحة ينال

[موتي ولا دمعة أمي]

تعلمت أن أحمد ربي كل ثانية
من جد وجد

[خولة 96]

لي يتعب يلقا و لي ما يقراش ما يلقاواتلو و ما يدي والو قا بالمعريفة
و تاني ما تظلم كامل القرايين مش كيفكيف مش يدي 18 معناها يحسد اوكي صح كاين عينة منهم مي مش كاملين

[soulef 1995]

المشاركة الأصلية كتبت بواسطة ورود العلم

تعلمت ان نتيجة الباك لا تعكس مدى ذكاء او غباء التلميذ
تعلمت ان الي يدير المواضيع تع الباك و يصححهم واحد لا علاقة له بالقراية
تعلمت ان نتيجة الباك مكتووب ....ولي فيها خير ربي سبحانه راح يكتبها--عسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لاتعلمون--صدق الله العظيم
تعلمت من الباك الصبر والثبات
تعلمت ان لي يتعب ربي سبحانه مستحيل يخذلوا ..
علينا التمسك بحبل الله جميعا ولن يخذلنا رب العالمين

عجبتني الجملة اللي قلتيها ف الاول انا تاي تعلمتها ملييييييييييح السنة

[achouak der]

المشاركة الأصلية كتبت بواسطة taha kaira

لي يتعب يلقا و لي ما يقراش ما يلقاواتلو و ما يدي والو قا بالمعريفة
و تاني ما تظلم كامل القرايين مش كيفكيف مش يدي 18 معناها يحسد اوكي صح كاين عينة منهم مي مش كاملين

كاين لي تعب و سهر و كلش و مسكين ما لقى والوا مكتوب ربي
و انا قولت ماشي كامل لي يدي 18 الا من رحم ربك مي انا الله غالب نعرف غير لي هكذاك

[biba_g]

البكالوريا تستاهل كتابْ.

[أمطار]

إن شاء الله تنجحوا كامل بمعدل ممتاز و تعاونونا حنا bac2015

[موتي ولا دمعة أمي]

.................................................. .................

[jiji41]

تعلمت انو لي يحسب وحدو يفضلو