ماهي تجربتكم في الخدمة الوطنية ؟

[tagtagia]

السلام عليكم و رحمة الله

انا اخوكم من ولاية سوق اهراس و انا الان فى الخدمة الوطنية عندي 65 يوم طلقونا برميسيون 10 ايام
صدقونى يا اخوانى امر سهل و سهل جدا تخدم خدمتك واحد ما يوصلك تعرف الكثير و الكثير من الرجال
و الله يا اخوانى خير من تضيع فى وقتك وراء السورسى رحوا فوتو و اتهناو
ما كان والو انا فى رانى نفوت فى سكيكدة و الله فور بزاف على شط لبحر كل شيئ مسموح حتى الانترنيت كاينة ( بيس نجمة )
شيفان فور بزاف و طول نهار و حنا مريحين لا خدمة ما والو يتغير عليك غير النوم يعنى الوقت لى ترقد فيه قصير نوعا ما ( من 22:00 توض على 3:30 ) و لى ماشى مالف بالمدن الساحلية يتغير عليه الجو و فقط و الله لومبيونس فور
صدقونى و الله قد ولى عهد الحقرة و الضلم و الاعمال الشاقة فى الخدمة الوطنية روحو يا خاوتى اتكلو على الله عام و فايت
و السلام

[forexdz]

المشاركة الأصلية كتبت بواسطة tagtagia

السلام عليكم و رحمة الله

انا اخوكم من ولاية سوق اهراس و انا الان فى الخدمة الوطنية عندي 65 يوم طلقونا برميسيون 10 ايام
صدقونى يا اخوانى امر سهل و سهل جدا تخدم خدمتك واحد ما يوصلك تعرف الكثير و الكثير من الرجال
و الله يا اخوانى خير من تضيع فى وقتك وراء السورسى رحوا فوتو و اتهناو
ما كان والو انا فى رانى نفوت فى سكيكدة و الله فور بزاف على شط لبحر كل شيئ مسموح حتى الانترنيت كاينة ( بيس نجمة )
شيفان فور بزاف و طول نهار و حنا مريحين لا خدمة ما والو يتغير عليك غير النوم يعنى الوقت لى ترقد فيه قصير نوعا ما ( من 22:00 توض على 3:30 ) و لى ماشى مالف بالمدن الساحلية يتغير عليه الجو و فقط و الله لومبيونس فور
صدقونى و الله قد ولى عهد الحقرة و الضلم و الاعمال الشاقة فى الخدمة الوطنية روحو يا خاوتى اتكلو على الله عام و فايت
و السلام

أنا في الاستدعاء الاول تاع 22 سبتمبر 2013 بعتوني لسكيكدة العتاد ظابط صف احتياطي والله رحتلي ملا
سبتمبر الجاي دورك ينفيوني لتمنرست

ربي يكون في العون ، المرة الجاية احكينا تجربة تاعك كاملة

[tagtagia]

المشاركة الأصلية كتبت بواسطة forexdz

أنا في الاستدعاء الاول تاع 22 سبتمبر 2013 بعتوني لسكيكدة العتاد ظابط صف احتياطي والله رحتلي ملا
سبتمبر الجاي دورك ينفيوني لتمنرست

ربي يكون في العون ، المرة الجاية احكينا تجربة تاعك كاملة

و الله يا اخى غير راطيتها صدقنى سكيكدة احسن مدرسة الدعوة فور تما شيفان الله يبارك

مى معليش خويا الى فيها خير الله يقربها ان شاء الله

[forexdz]

ان شاء الله

[amine eco]

سكيكدة مليحة اخي

[forexdz]

المشاركة الأصلية كتبت بواسطة amine eco

سكيكدة مليحة اخي

و الله كنت خدام نهار جاني الاستدعاء في 22 سبتمبر 2013
ودرك يجيني الاستدعاء بامر الالتحاق في 22 سبتمبر 2014

هات برك يجيني في شمال

[محمد صديق علي]

انا ثاني راني في بلعباس ط.ض.إ المدرسة التطبيقية لمصالح الصحة العسكرية و نورمال مكان والو احكم قدرك ما يوصلك حتى واحد والخدمة من 07.00 حتى 16.00 نهاية العمل و الويكاند خارج المدرسة

[forexdz]

المشاركة الأصلية كتبت بواسطة محمد صديق علي

انا ثاني راني في بلعباس ط.ض.إ المدرسة التطبيقية لمصالح الصحة العسكرية و نورمال مكان والو احكم قدرك ما يوصلك حتى واحد والخدمة من 07.00 حتى 16.00 نهاية العمل و الويكاند خارج المدرسة

و الويكاند خارج المدرسة ؟ وين تروحو لديار

مادا بيك لكان تقدر تحكينا من الاول حتى وصلت كيفاه تفوت الأيام تاعك أي حاجة

وبرك اللله فيك وربي يكون في العون وترجع تخدم و تتهنا

[صمت الرجوله]

السلام عليكم amine eco ,بلغ سوالي لاحمد بلحوت راه معاي فالفصيلة
و قولو يسجل في المنتدى مايبقاش غير يدي برك بلاما يفيد

[amine eco]

المشاركة الأصلية كتبت بواسطة okba abid charef

السلام عليكم amine eco ,بلغ سوالي لاحمد بلحوت راه معاي فالفصيلة
و قولو يسجل في المنتدى مايبقاش غير يدي برك بلاما يفيد

وغليكم السلام
هههههههه سلام عليكم اخي عقبة راه حكالي عليك قلي عضو منتدى راه معايا راني عرفتك
ايه قتلو سجل عاون خاوتك قالي منبع منبعد ههه
وانت كيف احوال تقبل تحياتي

[محمد صديق علي]

[QUOTE=forexdz;1056444837]و الويكاند خارج المدرسة ؟ وين تروحو لديار

مادا بيك لكان تقدر تحكينا من الاول حتى وصلت كيفاه تفوت الأيام تاعك أي حاجة

وبرك اللله فيك وربي يكون في العون وترجع تخدم و تتهنا [/QUOTE

مكان والو يا اخي حضر روحك نفسيا برك و ما تدخلش في مارس لأنو الخدمة بزااااااااااف والتعب بسبب حفل التخرج

الويكاند بع شهر كامل تخرجو الجمعة لعشية و السبت كامل لكن ترجع في الليل

اما المتزوجين يمدولهم 72 ساعة للدار ويرجع و كي تحط طلب إجازة 72 ساعة يمدولك و لا كانت عندك حاجة ضرورية في الدار يمدولك عادي

و أوصيك ما تديش معاك ملف طبي لأنو غادي يغبنوك بزاف ومن بعد يجندوك المهم الكل يجند مكان لا معريفة لا مريض لا معوق لا متزوج ماطلقو ا والو إلا 09 من الناس بسورسي 06 أشهر اما 03 صح مرضى مهبول شدوه شهر كامل حتى هبلوه بالحقن و مريض بالضغط حتى بدا يطيح لهم و آخر عندو بلايك حديد في يديه

المهم اللي يدخل ما يخرجش وإذا حبيت تجرب معريفتك خليها بعد الميطاسيو يعني بعد ما تخرج من المدرسة تع بلعباس


ربي يسهل خويا مكان والو شوية صبر واحكم قدرك برك

[سعيداني]

السلام عليكم
الخدمة الوطنية شرف و أمانة ، حبيت تروح مرحبا بيك ، حبيت ماتروحش ما جيبش روحك لتم وانت كاره خاطاك يصرا فيك الباطل ـ
تروح تدي تجربة في الحياة تعلمك الصبر و الثبات في اتخاذ القرارات ـ
حقيقة انك تتعب و تمل و و و و و
ولكن التعب و الملل كاينين في الحياة المدنية ايضا , المستويات تختلف اخي
الأداء الأفضل يعتمد على مدى جاهزية الفرد
ماراكش واجد بدنيا و نفسيا ماتورطش روحك
خروجك من البيت محملا بالحقيبة يعني الأداء
حكاية الملفات مادخلهاش مع قناعتك و استعدادك للأداء ، لانه ان حصل او شدوك راح يصرا فيك الباطل و اقول الباطل اقصد المعاناة النفسية حتى لا يفهم من كلامي انك في مركز تعذيب او ماشابه و الله غير العكس ـ حلاووووووة الاداء ما يعرفها غير اللي جوزها,
بغض النظر عن المكان و الزمان ,
لا تستمع الى التعليقات من قبيل شربلك و تحشاتلك وووووو
هذه التعليقات ستعرف الزيف ديالها عندما تكمل الخدمة ديالك
الإعتماد على الله أخي ، أديها او ماتقولش مدة و تفوت ـ
تعرف هذه الجملة ,مدة و تفوت, هي اللي تقلقك او ماتريحكش
هذه الناس تطلقها على اللي راح يقعد 15 يوم في مكان ما و يغادر و ليس على الذي سيمكث 18 شهرا,
هناك امر اخر ، و هو الأهم
تعلم القوانين جيدا في الثكنة حتى لا تقع في المشاكل
السلام عليكم خاوتي
هذه التجربة ديالي
اما اني نسردلكم واش كاين في الثكنة ـ
فممنوع

[abdeldjalil147]

المشاركة الأصلية كتبت بواسطة سعيداني

السلام عليكم
الخدمة الوطنية شرف و أمانة ، حبيت تروح مرحبا بيك ، حبيت ماتروحش ما جيبش روحك لتم وانت كاره خاطاك يصرا فيك الباطل ـ
تروح تدي تجربة في الحياة تعلمك الصبر و الثبات في اتخاذ القرارات ـ
حقيقة انك تتعب و تمل و و و و و
ولكن التعب و الملل كاينين في الحياة المدنية ايضا , المستويات تختلف اخي
الأداء الأفضل يعتمد على مدى جاهزية الفرد
ماراكش واجد بدنيا و نفسيا ماتورطش روحك
خروجك من البيت محملا بالحقيبة يعني الأداء
حكاية الملفات مادخلهاش مع قناعتك و استعدادك للأداء ، لانه ان حصل او شدوك راح يصرا فيك الباطل و اقول الباطل اقصد المعاناة النفسية حتى لا يفهم من كلامي انك في مركز تعذيب او ماشابه و الله غير العكس ـ حلاووووووة الاداء ما يعرفها غير اللي جوزها,
بغض النظر عن المكان و الزمان ,
لا تستمع الى التعليقات من قبيل شربلك و تحشاتلك وووووو
هذه التعليقات ستعرف الزيف ديالها عندما تكمل الخدمة ديالك
الإعتماد على الله أخي ، أديها او ماتقولش مدة و تفوت ـ
تعرف هذه الجملة ,مدة و تفوت, هي اللي تقلقك او ماتريحكش
هذه الناس تطلقها على اللي راح يقعد 15 يوم في مكان ما و يغادر و ليس على الذي سيمكث 18 شهرا,
هناك امر اخر ، و هو الأهم
تعلم القوانين جيدا في الثكنة حتى لا تقع في المشاكل
السلام عليكم خاوتي
هذه التجربة ديالي
اما اني نسردلكم واش كاين في الثكنة ـ
فممنوع

شكرا على التوضيحات
اما بخصوص سرد ما يقع داخل الثكنات ناس راهي متعاقدة و تحكي في الشوارع و انت جوزت 18 شهر راك خايف اذا يدوك للتوفيق ؟
ما عليش خويا كلامك واقعي لدرجو كبيرة و مشكووووور

[سعيداني]

السلام عليكم

ان شاء الله يستفاد
هذا ماكان

[j-med]

[quote=محمد صديق علي;1056453986]

المشاركة الأصلية كتبت بواسطة forexdz

و الويكاند خارج المدرسة ؟ وين تروحو لديار

مادا بيك لكان تقدر تحكينا من الاول حتى وصلت كيفاه تفوت الأيام تاعك أي حاجة

وبرك اللله فيك وربي يكون في العون وترجع تخدم و تتهنا [/quote

مكان والو يا اخي حضر روحك نفسيا برك و ما تدخلش في مارس لأنو الخدمة بزااااااااااف والتعب بسبب حفل التخرج

الويكاند بع شهر كامل تخرجو الجمعة لعشية و السبت كامل لكن ترجع في الليل

اما المتزوجين يمدولهم 72 ساعة للدار ويرجع و كي تحط طلب إجازة 72 ساعة يمدولك و لا كانت عندك حاجة ضرورية في الدار يمدولك عادي

و أوصيك ما تديش معاك ملف طبي لأنو غادي يغبنوك بزاف ومن بعد يجندوك المهم الكل يجند مكان لا معريفة لا مريض لا معوق لا متزوج ماطلقو ا والو إلا 09 من الناس بسورسي 06 أشهر اما 03 صح مرضى مهبول شدوه شهر كامل حتى هبلوه بالحقن و مريض بالضغط حتى بدا يطيح لهم و آخر عندو بلايك حديد في يديه

المهم اللي يدخل ما يخرجش وإذا حبيت تجرب معريفتك خليها بعد الميطاسيو يعني بعد ما تخرج من المدرسة تع بلعباس


ربي يسهل خويا مكان والو شوية صبر واحكم قدرك برك

السلام عليكم

اخي انا عمري 32 سنة و متزوج وعندي طفل ما عندي معرفة ما والو، زعما عندي أمل نخرج ؟ علا حسب ما قريت في الثكنات الاخرى يخرجوهم
انا قررت نروح هاذا سبتمبر ان شاء الله بعد ما نقصو فيها.. قول لي التدريبات واش فيها ؟؟ و الميتاسيون يبعثو للجبل ولا يبعثوك طبيب ؟؟
جاوبني ارجوك اخي الكريم