زواجي ينهار

[جويرية الإيمان]

ربي يفرج عليك أختي

و الله ما لقيت ما نقلك الأعضاء الأفاضل قالو كلش

حبيت ندعيلك برك .

[هبة الوهاب]

نحي الوساوس من بالك و ارمي حمولك على الله و اتبعي نصائح الاخوات لعل الله يحدث بعدذلك امرا ان شاء الله تفرج

[شمس 15]

ختي علاش تخلي الشيطان و الشك يعكرلك حياتك راكي تقولي لقيت ذكريات الماضي كي كان معاها ,حبيبتي الرجل الدزيري راسو يابس وش فراسو يديرو لا نقاش يعني صعبت عليه يخليها و يديك نتي. أستهداي بالله و خليك من الوسواس أنا نآمن بلي الحب يجي بعد الزواج أمالا أتهلاي فيه و كوني نعمة الزوجة الصالحة و أتهلاي فيماه و باباه و تشوفي .
أصبري ختي نتي الصح نتي لحلايلية لي راكي فالدار يصبح على وجهك و يمسي عليه كوني ذكية
ربي يهنيك ختي.

[الظل الخفي]

اصبري لعلّ الله يُحدث بعد ذلك أمرا

ربي يهديه هو ثاني

أكثري من الدعاء والاستغفار

[hodahodahoda]

لا تتصرفي تصرا طائشا
الوقت كفيل باصلاح الامور

[mounaminou]

المشاركة الأصلية كتبت بواسطة fayza81

انصحك بالصبر وان تثابري ولا تملي فكانت لي مشكلة يعني ما تشبهها فزوجي تزوجني بلا مايشتيني و مانقولش بلي عاد يحبني ولكن على الاقل يحترمني كزوجة والحمدلله المهم الحكاية وراهي شوي طويلة هي اني كي عقد بيا بعد شهرين تزوجنا في هاذو شهرين كان مزال مع الي يحبها وهذا عرفت بعد زواجي من خلال مساجات الي لقيتهم في تليفونو المهم 3 اشهر الاولى كانت مشاكل وبسببهم اجهضت ابني الاول مالا قعدت عند يما 10 ايام حتى بريت وكنت حاسة بلي كاينة حاجة لانو زوجي ماتصلش بيا فهذي المدة باه يطمن عليا و فعلا كي رجعت لداري و في هذاك النهار هو نسى بورتابلو في الدار و مكانش عارف بلي راني جاية اليوم و تليفون يرن ونلقى اسم فتاة ملا رديت عليها وقاتلي بلي رايحا تديه عليا بكيت وغاضتني نفسي ياسر ولكن قلت راه ربي معايا وتفكرت قصة قريتها في الانترنيت عن زوجة رجعت زوجها ليها بالدعاء كانت تقولو في كل صلاة قبل تكبيرة الحرام اي بعد الاقامة كانت تقول "اللهم ارضى عني واحعل بيني وبين زوجي المودة والرحمة و السكينة و أقنعه و اهله بي"و فعلا صليت عصري ودعيت بيه وكي جا زوجي كلي ماصرى والو وتميت ندعي بذاك الدعاء والحمد الاه الان ربي رزقني بطفيلة و زوجي الي ماكانش يحبني مانقولش يحبني ولكن يعزني و عجوزتي الي كانت تحط العين عليا ماعادتش دلي مشاكل و عاد كل واحد في حالو
واش ننصحك ياختي عليك بهذا الدعاء وصلاة الليل ولو ركعتين كيما انا كنت ندير وصلاة الفجر في وقتها عطاتني رحت البال نوصيك صلاة الفجر في وقتاه صلاة الفجر في وقتها صلاة الفجر في وقتها و انا واثقة من ربي راه زوجك يرجع ليك وعجوزتك تحترمك وتاني شئ كنت يوميا ندوش و نخدم شعري ونكحل عينيا ولبسة الصباح و لبسة عشيا وحدها صح بسيطة المهم نظيفة والعطر و كي عود ماعنديش نكتفي بالماء وكل مرة نفاجؤ بماكلة يحبها مرة ولامرتين في الاسبوع و الهدايا ايضا ماتنسيهاش ولو قابسة شكولا مريخا كما كنت ندير وقبلة صباح الخير ومساءالخير و ساعات يتهرب منها ويكسرلي خاطري بصح نقول ماعليهش من اجل الله
اسمحيلي اذا طولت عليك لاني حسيت بيك و ربي يفرج عليك

الله يبارك عليك ...ان شاء الله تدير كيفك و ترجع زوجها ليها

[بنت لبحر]

يا اختي متزيديش تسقسيه عليها خلاص و متجبديش الموضوع هدا و قولي لحماتك متزيدش تهدر عليها قدامو لازم تهدريلها

وزيد عليك و على شطارتك باش تنسيه فيها

[samirabahi]

ايه اختي والله هادي المواضيع راهي بكثرة ان شاء الله يهديه ربي وانت ماعليك الا بالصبر

[ام هند 83]

اختي ضعي في قناعتك بان ابنة خالته ماهي الا امرأة مثلك،لها مالك
حاولي البحث عن الصفات التي تعجبه فيها،وكوني انت بتلك المواصفات واكثر
اقرئي المزيد عن ثقافة الحياة الزوةجية لتكوني زوجة مثالية في عين زوجك،كوني انثى حقيقية بكل ما تحمل هذه الكلمة من معان
لا تدعي سيرتها وموضوعها يعكر مزاجك وينكد عيشتك،كلما تغيرت الى الاحسن،تغير معك زوجك

[الوردة الحمرية]

اريد ان اساندك وفاقد الشيئ لايعطي فان مررت بتجربة ليس كتجربتك ولاكن انا ايضا زواجي نهار العباد الي مايخافوش ربي كثر وانا راحت عليا اما انت مازلت في الملعب لاتتركي لها ولي الشيطان مجال ليلعبو بك والله يفرج كربك ويعطيك الطاقة الازمة لخوض المعركة نعم اعتبري روحك غي معركة وحوسي علاه زوجك يتصرف هكذا وصلحي ما يمكن اصلاحه بالتوفيق

[حمـ السلام ـمة]

المشاركة الأصلية كتبت بواسطة أم.معتصم

أنا في مشكلة عويصة
أدركة أن زوجي يحب ابنة خالته من قبل زواجنا في الحقيقة هو أخبرني بذلك قبل الزواج و قال أن أهله لم يوافقوا عليها و أنا حسبته قد نسيها مع العلم اني سالته مرارا و تكرارا و أنه قال أنه نسيها ولاكن بعد الزواج وجدته يحتفظ بمذكرات يعبر فيهم عن مدى حبه لها صحيح هي مكتوبة في الماضي لاكن لماذا لم يرمهم عندما أراد الزواج
أنا رميتهم ولم أخبره لأنني لا أريد هدم زواجي لاكن يوم بعد يوب أصبحة أحس كثيرا أنه يحبها مع العلم أنني أهواه وأحاول قدر المستطاع اسعاده لاكنه اصبح يعاملني بقسوة و لا يهتم ابدا لامري وما زاد حياتي مرارة أمه التي لا تكف التحدث عنها
أرجو أن تساعدوني لانني لايمكن ان أحكي مشكلتي لأحد من أهلي

السلام عليكم
حبيبتي ..المفروض ان لا تكلميه عنها فانت بذلك تثبتين حبه لها
فالرجل غالبا ما يتعلق بمن لم يستطع امتلاكها
هو ليس حب بل حب امتلاك ما لم يستطع امتلاكه

نعم الامر صعب
لكن حاولي ان تنسي موضوع ابنة خالته تماااما مادام لم يقل امامك انه يريد خطبتها او الزواج منها
عيشي حياتك كانها لم تكن موجودة

لا تنغصي حياتك بنفسك فالمشاكل موجودة حتى و ان لم تفتعليها فمابالك ان زدت مشاكل اخرى على راسك

و دعي امه تتحدث كما تشاء فهي ابنة اختها في كل الاحوال
عيشي حياتك عادي
حاولي ان تكسبيه خصوصا ان كان معدنه جيدا

ان كان معدنه طيب فلا تخافي ابدا فسيقدر كل شيء جميل فعلته لاجله

المراة تخاف من صاحب المعدن الخبيث فمهما فعلت فلن تنجح

انا من وجهة نظري انت من اثار المشكل بحديثك عنها
انسيها لكي ينساها
لا تمدحيها و لا تذميها و لا تقارني نفسك بها فلكل امراة ايجابيات و سلبيات

ربي يسعدك حبيبتي