قررت الإنفصال

[meriem_lmd]

Kon jit fi plactek nanfasal 3lih wnradlou lkhatem ta3 lkhotba wnesena li khir mano li yastahelni mich li rakhasni

[باهي جمال]

احسست بصدق مشاعرك
عليك بالدعاء المتواصل والاستغفار وصلي صلاة الاستخارة ثم قرري قراراك النهائي

[ryma221]

ربي يصبرك اختي علبالي حاجة صعيبة بصح كرامتك فوق كلش و الشدة في ربي سبحانو و ان شاء الله يجيك اللي يعرف قيمتك خليه يروح و يندم اللي بدل حب الملوك بالشوك عمرو مايربح

[mariana1]

لا تتسرعي أستخيري مرة وزوج واعملي كيما قالولك الاخوات سابقا أقطعي الهاتف و إذا بقي الحال على ماهو عليه أو ساء أكثر فهذه علامة حاب ينفصل بلا مايخسر ماديا خيروفي غيرو وقبل ما تحصلي بالاولاد وتصبحي تتكركري

[محمد جديدي التبسي]

قرارك متأخر جدا لا تتراجعي عنه وكوني أوعى وابتعدي عن العلاقات فهي حرام في حرام
تعلمي دينك وما تحكيش مع الرجال اللي يبغيك يجيك للدار لا معنى للتعارف قبل الزواج وليس من ديننا أساسا
هذا الشخص فتحتيلوا الباب كره منك لأنو عرفك مليح وما بقاش معنى للزواج لذلك ربما تعرف على عشرات مثلك وأوهمهم بالزواج
لذلك احمدي ربي واقطعي علاقتك به وبدلي رقمك واطوي صفحة الماضي وعيش حياة أخرى مع التوبة والعمل لإرضاء الله ولا تستعجلي الزواج
ربي يفتح عليك

[كلمات مبعثرة]

ماتناقشيه مايناقشك راكي قلتيها كي شافك لاصقة فيه بزاف تبدل هدي هي غلطتك عطيتيه فوق قيمتو الحل انك تتجاهليه ماتاخدي حتى قرار بالانفصال حاليا كيما قالك الاخ ومارايحة تخسري والو خليه معلق وماتقيميهش ماتعيطيلوا ماتجاوبيه احرقيلو اعصابو كيما حرقلك دمك خلي قرار الانفصال يجي من عندوا وانتي ثقي في نفسك ولا تطيحيش بروحك قداموا بكري كانت لي تحبس الخطبة عيب دوك تحبسي اليوم يخطبوك غدوا الدنيا ماراحش تحبس عندو. حسسيه بلي هو انسان تافه وادا ما جابتش نتيجة قولي لداركم بلي نتي قررتي تحبسي وهو خليه كيما راه خارج مجال التغطية هدا واش يليق بيه. الحكمة من تحريم العلاقات قبل الزواج هي تفادي هاد مشاكل الدموع والحزن والتلاعب والنديب .الله المستعان حتى اهلك مايقدروش يتدخلوا لانك نتي لي اخترتيه..ربي معاك اختي

[7anine 87]

ربي يفرج عليك حنونة ويبعثلك ليقدرك ويحترمك ويحط تاج فوق راسو

[anoucha anoucha]

أختاه لا تتسرعي في قرارك الأحسن كما قال الأخ أيمن اخضعيه لاختبار ............... و المكتوب ما منو مهروب ........alors .....متقلقيش روحك ......ربي يهدي ما خلق ويجيبلك اللي فيه الخير

[أم لُجَيْن]

اختي لا تبكي ولا تحزني
خيرو في غيرو انفصلي عنه وربي يجيبلك لي يستاهلك ويقيمك خليه في هواه وراه يندم وانت انفصلي ميديكش قلبك ومن بعد تتفر فيك

[التوليب الجميلة]

يا اختي واحد كاما هادا فراقوا خير و ربي يرزقك بماخير منو مازال ما دكش و راه يدير هكا و غدوة كي يديك كيفاش انت يخليك في الدار و برا يدير رايوا و يشبعك لمرار لالا يا اختي ما تقبليش هاد الشيء لروحك لوحدة فينا تحوس على لي يديرلها قيمة لي يكون معاها راجل ماشي لي يبكيها و يكرهلها حياتها

[فانيسا]

ربي ايفرج عليك اختي صلي استخارة ولي فيها الخير ايجيبها ربي

[mounaminou]

بصراحة خممي بعقلك يا اختي ...المشكل تاعو ماش كي نحا الخاتم ...المشكل كي مالف يعيط للبنت و كي راهو مايعاملكش مليح...نضن 3 سنين كانت كفيلة باه تعرفي عقليتو مليح مليح ....للأسف ظهر انسان صعيبة تعاشرو مرا واعية و حساسة لازملو وحدة كيفو .....حبسي و ربي يعوضك اللي خير منو ......هككا و لا كتر خير كون تزوجي بيه قادر يعاود يزوج عليك و قادر يمرضك نفسيا و يشكك في روحك ..

[zinotcha]

اولا : عليك بصلاة الاستخارة ، ثانيا : اخبري اهلك بالمعطياات الجديدة و بما تنوين اتخذه من قرار ، ثالثا : اعملي له اختباار ثم افصحي له عن نيتك في فسخ الخطوبة (( في حاالة استمراره على نفس النهج )) ، رابعا : اتخذي القرار الذي ترأينه مناسبا و يشكل رااحة لك ؟!!

[رحمة من المولى]

الله يسرلك أمرك و ينورلك طريق الخير

[sameur sama]

متقلقيش روحك اختي هو الخاسر وراح يندم المهم صلي استخارة وناقشيه في موضوع فسخ الخطبة وشوفي ردو
وربي يفرج عليك