طريقة سهلة لصنع الديول

[بنت سكيكدة]

بالنسبة لي استعمال المقلاةتيفال ضروري جدا و انا شخصيا اشتريت واحدة من النوع الجيد بسعر 1500 دج و عاملتها مخصوص للديول اي لا استعملها لشيء آخر لانو لو مسها الزيت لا تصلح للديول

فنوعية تيفال لا تلصق العجين

بالنسبة لي استعمل علبة زبدة la belle كمقدار لـــ 20 ورقة من الديول

تحيتي

المشاركة الأصلية كتبت بواسطة أم منى وياسين

هل استعمال المقلاة ضروري هل يمكن تعويضه بالسنيوة ورطل من السميد شحال يخرج من ورقة تاع الديول

[بنت سكيكدة]

المشاركة الأصلية كتبت بواسطة حياة نور الدين

اختي بنت سكيكدة هل العجينة تكون مثل عجينة المعارك او المحاجب ام اخف الكرة كيف تكون

اذن اخيتي عليك تعديل الكيفية فوق حتى ما نخسروش عضواتنا العزيزات

[بنت سكيكدة]

المشاركة الأصلية كتبت بواسطة حياة نور الدين

اختي بنت سكيكدة هل العجينة تكون مثل عجينة المعارك او المحاجب ام اخف الكرة كيف تكون

تقريبا مثل كرات المحاجب ان لم نقل اخف بقليل فقط

مودتي

[حياة نور الدين]

هل يمكن ان تعطينا مقاديرك بما انك مجربتها قبلنا وشكرا مسبقا

[بنت سكيكدة]

المشاركة الأصلية كتبت بواسطة حياة نور الدين

هل يمكن ان تعطينا مقاديرك بما انك مجربتها قبلنا وشكرا مسبقا

لـــ 20 ورقة ديول ناخذ علبة la belle كمقدار للسميد

شوي ملح

ماء دافئ

نضع السميد مع الملح و نصب القليل من الماء حتى نحصل على عجينة متماسكة نترك العجين ترتاح و ستكون على شكل عجينة الكسرة

بعد ربع ساعة نرجع للعجينة نعجنها جيدا و شيئا فشيئا نضيف الماء الى ان تصير كعجينة المحاجب

و الباقي راكم عارفينو

تحيتي

[حياة نور الدين]

شكرا لك وبارك الله فيك تقبلي تحياتي

[بنت سكيكدة]

و فيك بارك الله حياة

و لا داعي للشكر


يوم لك و يوم عليك

و غدوة نحتاجكم انا تاني

[/زهرة عصفور الجنة/]

هل تكون العجينة متلاصفة ام شادة روحها

[اميرة 10]

الف شكر اختى

[/زهرة عصفور الجنة/]

اقصد يجب ان تكون متلاصقة اكثر من عجينة المحاجب لكي تستطيعي فردها على المقلاة اليس كذلك جاوبيني بنت سكيكدة والعبار تاعك تاع رطل او نصف رطل

[بنت سكيكدة]

المشاركة الأصلية كتبت بواسطة أم منى وياسين

هل تكون العجينة متلاصفة ام شادة روحها

العجينة متلاصقة نوعا ما

[/زهرة عصفور الجنة/]

شكرا الكيلة تاعك توزن 500غ

[بنت سكيكدة]

المشاركة الأصلية كتبت بواسطة أم منى وياسين

شكرا الكيلة تاعك توزن 500غ

بالضبط

اتمنى تجربيها و ان ما فهمتي شيء راسليني

تحيتي

[/زهرة عصفور الجنة/]

كنت دايرا في بالي رطل يخرج كتر من 20ورقة ساجربها عندما اشتري المقلاة ان شاء الله بارك الله فيك

[*أنسام*الجنة*]

السلام عليكم


راح نكتبلك الطريقة الي نستعملها في تحضير الديول وتجي أوراقها هايلين

ومايلصقو

أول حاجه كيما قالت بنت سكيكدة لازم مقلاة طيفال من النوع الجيد

ولازم تبقى غير للديول وتاني حاجه ماتغسليها ب la vetteأنتاع لماعن

لاخاطر تتجرح ,يعنى اغسلوها بإسفنجه باش ما تتجرح وتولي تتلصق

المقادير


500غ سميد+2مغارف فرينة+ملح+ماء دافئ حتان تتلم لعجينة

لكن تبقى شادة روحها كيما عجينة الرخساس

ومن بعد نخلوها ساعه وهي ترتاح

ومن بعد نبدوا نعجنوا فيها على لقسى ونزيدوا الماء بالشوي بالشوي

حتان تولي طرية

لكن أنا نطريها أكتر من عجينة لمحاجب المهم تبقى تقدري تحكميها بإيدك

ومن بعد نخلوها ساعة أخرى ترتاح

ومن بعد نحطو الطيفال على نار في الاول قوية شوي باه تسخن المقلاة

ومن بعد نقصوا عليها حتان تولي خفيفه كامل

وقبل هذا نمسحوا المقلاة بقطعة من البصل

ومن بعد نأخدوا شوي من العجينة ونحطوه في المقلاة ساير داير

من الخارج للداخل وكي نكملوا كامل وتتغطي المقلاة

تسنيها شوي برك يعني لثواني ونحيها

باه ما تيبس وتولي تتكسر

إن شاء الله راني أفدتكم بشوي من تجربتي

وإلي ما فهمتش مليح راني هنا نعاودلها