الجزء 39 من واش طيبتي اليوم تشجيعا للفريق الوطني . - الصفحة 2

ghorba · 2013-11-17, 11:43

اقتباس:

المشاركة الأصلية كتبت بواسطة ilbeldelmondo

Scorpion يا جارتي ربي يسعدك و يفرحك و مبروك الكوزينة
انا ماشي عارفة وين راكم المهم نحط وصفة الكيش لمن طلبهاام لقمان

ديري كاس فرينة صفار بيضة نص ملعقة خميرة الخبز ملح نص ملعقة سكر زيت حسب عينك بسسيها و كملي بالماء و حطيها ترتاح شوي ثم افرديها في مول مدهون بالزبدة و حطيها ترتاح شوي برك
في مقلاة قطعي نص بصلة متوسطة شرائح و حبة بسباس الى شرائح و شوي زيت او زبدة و نص كاس ماء و شعلي النار حتى يذبالو و يتبخر الماء أضيفي ملعقة موتارد حسب الرغبة و ملح فلفل اسود و دجاج اذا توفر مقطع انا ربتها بدونه و جات تهبل كي يطيبو طفي
اخفقي بيضتين و حليب و كريم فراش اذا وجدت و ملح فلفل ملعقة صغيرة خميرة و معدنوس انا مايبوهش زيتون اخضر اذا تحبي
نسخن الفرن و ندخل العجينة بعد ما ثقبناها جيدا
كي تحمار مت تحت نجبدها
نخلط الحشو مع البيض و نسكب على العجينة و نحط قطع الجبن الطري ان وجد و نردها تكمل طيب كي طيب البيض لي فيه الحشو نحمرها من فوق و اذا وجد الجبن المبروش نديرلها من فوق و شهية طيبة

هنا درتها صغيرة بدون دجاج

الله يبارك

أم ماجد · 2013-11-17, 11:44

نحكم مكان ومن بعد نرجع جا الشيخ هههههههه

بشرى2008 · 2013-11-17, 11:48

مبرووووك الكوزينة الجديدة جيت بيديا فارغين لاخاطر راني من المتوسطة عندي فراغ قلت ندخل نشوف حباباتي غالياتي واش راهم دايرين فيها
غدايا خبز وكاشير وفرماج وياؤورت وحبات مندرين جبتهم معايا من الدار الحال بارد وزيد فطور بااارد ربي يستر

scorpionoir · 2013-11-17, 11:49

اقتباس:

المشاركة الأصلية كتبت بواسطة السعيدة بربها سارة

مبروك الكوزينة عتبة خير لكل مهمومة
واسف للمرة 1000 مع اني انبرر ليك ما قدرت
تردي عليا
شكرا

لا لا حبيبتي ماكان لاه تبرري كامل نغلطو وان شاء الله تكون مربوحة عليك نتي ويرزقك ربي

إلهام07 · 2013-11-17, 11:50

الف مبروك الكوزينة الجديدة وإن شاء الله تكون فاتحة خير على منتخبنا الوطني

طوكيو الأعشاب مانقصوليش الشهية بزاف عادي ممكن لأنو مازال بديتهم غير البارح مازال مانيش حاسة الفرق بصح اكيد نقصت شهيتي شوية
سقسيتك البارح قتلك ياخي ناكل عادي ؟ ماجاوبتينيش
ماعرفتش الصابلي والطمينة نتاعمن ؟ ممكن الريجيم دوخ كولومبو ههههههههههههههههههههههه
ممكن صابلي أم إلام وآية ولا نتاع ام رامي وين رايحة تروحي هههههههههههههههههههههه ماتقوليليش صابلي الميرانق نخنقك ههههههههههه وععععععععع نسخف

touta2010 · 2013-11-17, 11:55

الف مبروك ااكوزينة الجديدة وان شاء الله تكون فال لمنتخبنا لعزيز وادعوني ربي يوفقني ونحمر وج صاحب السمو سهرة المبارات حاب نقدم كل ما لذ وطاب راني نخمم في لماعن واش يغسلهم

روضة 88 · 2013-11-17, 12:04

مبروك علينا الكوزينة الجديدة
وحظ سعيد للمنتخب الوطني.

ام لقمان02 · 2013-11-17, 12:04

مبروك الكوزينة الجديدة الله يجعله قدم سعد علي المنتخب الوطني

اخت طومة الخمارة لي درتية في العجينة تاع حلوى ولا تاع خبز

إلهام07 · 2013-11-17, 12:06

بشرى ياو سقسي عليا أنا هوما واش خصهم ياكلو ويعاودو حنا الطباخ دارن لوبياء بصح ماشي بالكرعين راني جيت تسلق على ياسو كراع نجوز بيه ههههههههههههههههههههه
بشرى راني وليت نخرف والكوارث المطبخية مؤخرا والله هبطتلي المورال خلاص

غربة بصحتكم ماشي حرام عليك انا نقول لوبياء وأنت تجطيلي في صورة البيفتاك

رياحين مافهمتش واش هذاك اللي في الصحن اللي في الوسط نتاع الصينية هههههههههههه

توتة نعطيك فكرة ديريلهم كاسكروطات ههههههههههههههههههه ماتغسلي ماعن ماوالو والتحلية ياوورت
حقة علاه مافكرتيش في شاورما ولا تحلية أم أنس لياجواز رائعة
ديري غير الخفيف والناشف تخافي كون نخسرو يرميو الماكلة على بعضاهم تعشي ماشي غير تغسلي في الماعن تغسلي الفراش

ilbeldelmondo · 2013-11-17, 12:09

ام لقمان تاع الخبز و لي في البيض كيميائية

ام لقمان02 · 2013-11-17, 12:14

[SIZE="5"]نسيت الباروك تاع الكوزينة بسبوسة تاع ليدي جات روعة بصح لهيت عليه عند الميكرو نحرقت من الفوق بصح لحقته وداريت الحرق بكريم باتيسيارتاع العلب اعطاله مذاق رائع[

ام لقمان02 · 2013-11-17, 12:18

شكرا اختي طومة انشاء الله نجربه

نجمة ساطعة · 2013-11-17, 12:20

حدث خلل فني ههههههههههه في الكوزينة صلحوه و الا المنتدى راح يحبس هههههه المهم ندخلوا في زوج حاسة روحي تقول رايحة نبارك

على الحج المهم سكوربيون مبروك عليك الكوزينة و علقي علام ههههه

https://www.djelfa.info/vb/showthread.php?t=1468340

بريق الامل& · 2013-11-17, 12:20

توتة ديري طباسة جوتابل انشاء الله نربحو برك وطيابك يعجب صاحب السمو اكيد

ilbeldelmondo · 2013-11-17, 12:21

ان شاء الله يعجبك ام لقمان حبيبتي