احذرن يا بنات من الحافلات و النقل الجماعي ...مشكلة تمس الحياء....

[هدى الجيجلية]

السلام عليكم
اختي
بارك الله فيك
على هذا الموضع

[مريم الصابرة]

المشاركة الأصلية كتبت بواسطة hicham ahmed

قسما عظما .. 99% هو التفرج والعري.. فهما اساس ا لمشكل .. بل هما من أوصلنا لما نحن فيه.. وبارك الله فيكن .. لا تتحججن بشئ آخر.. لأن بنت الفاميلية المستورة ..يقيد لها الله عزوجل من يدافع عنها ومن يحميها ...

السلام عليكم اخي
شوف نقولك اخي انا درت مواضيع بزاف وناقشت لبست البنات والتبرج والإنحلال وما قلتش العكس لكن اخي نسقسيك حاجة إنت تقدر ديرها بهذي الطريقة وراك عارف الناس هنا ما تضحكش على الطفلة مهما تكون لابسة يقولو هو ماشي راجل اما يدافعو عليها او لا والله اللي راجل بغض النضر على لبستها يهد ويدافع لأنو النوع هذاك قادر يتعدى لختو او زوجتو على الأقل قدام ربي هو عندو اجر دافع عليها لكن الناس ما تشوفش لربي يقولك انا خاطيني لبستها هي اللي وصلتها وواش تقول فالمحجبات شرعا وتعرضو لهذا قولي هوما أغراوهم لا اخي اللي وليد أصل محال يديرها
شكرا وبارك الله فيك

[wafa16]

انا نقول ما كان ما دخل التبرج
احيانا يفضلو يتحرشو بالمستورة و يخلو المتبرجة
ما فهمتش اذا مرض و الا خوف
كي تكون الطفلة عاقلة و تحشم يقولك ما تدير والو لانها تخاف الفضائح و التبهديل و اما ان كانت متبرجة ماعندها علاش تحشم يخافو يقتربو منها
راني كل يوم نتنقل في الحافلة ة تاكدت من هاد الشسئ لانو تكرر امامي مرارا
و اللي ما يدخلوش روحهم مشكلتهم انهم ماشي رجال و خوافين
احيانا عجائز مساكن هوما اللي يتدخلو و بالمقابل شاب طول بعرض محبط راسو و ساكت
التبرج كان من بكري لكن ما كانش التحرش هكذا لانو كانو يخافو من المحيط و المجتمع و حتى الدولة الشرطة كانت عندها قيمة
لوكان يتحرش بامراة ياخذ المخبط باش ما يزيدش يعاود
لكن الان ..............

[" أبو عبود"]

الموضوع لديه عدة جوانب. الجانب الاول انه ولو كانت هناك كاسيات عاريات فلا يحق له ان يتعرض لاحداهن اما احتراما للمجتمع واما احترما لحريتها الشخصية وأقول لم يحق للرجل ان يلبس سروالا " هابط" دون ان يعتبر هذا تبرجا او سموه كما تشاؤون ثم نلوم المراة؟ نحن مجتمع يتحكم في الذكور، حلال عليهم معاكسة الفتيات بينما حرام على البنت النظر او المعاكسة او اقامةعلاقة. الحرام حرام على الجنسين. من جانب اخر ان كثرة تنقل النساء في كل مكان والانحلال الاخلاقي شجع على هذا الامر. لكن مع ذلك يجب ان تحتاط النساء لمثل هذه المواقف فلا تعطي لهؤلاء الفرصة.

[yousra14]

لماذا مثلا في تونس البنات وهذا قبل الانقلاب يلبسن ما شئن من اللباس كل وحدة ومعتقدها ورغم ذلك لم أرى شاباّ واحدا يعاكسهن والكل رجال أو نساء مهتم بشؤونه وفقط فلماذا لا نقتدي بهذا الشعب المتحظر الذي ورغم مظهره
الذي لايوحي بذلك ولكن يطبّق الاسلام بعدم ايذاء الآخرين ولو بظرة ؟؟؟؟
وهذا لايعني أن نترك الحابل على النابل وترك بناتنا يلبسن ماشئن لاأقول ذلك.
عليهنّ الحشمة وعليهم الاحترام وغض البصر ورب يهدي يا أختي

[joulia31]

ماتقولوش لي ماشي متحجبة لي يمسوها الرجال لالا

انا ماكنت متحجبة كانو يدناو ليا بصح ماشي بزاف

و الان راني ندير الحجاب الشرعي كلش عرض و الحمد لله راهم يدناو ليا اكتر من السابق


الرجال كي يشوفو وحدا بلا حجاب مايقروهاش يقول باينة قبيحة و دوك تبهدلنا اما لي دايرة الحجاب يقولو هادي تحشم ايا ناكلوها


تعرفو حتي الشيوخ مافيهمش الامان انا ماراني نتيق في حتا واحد

و الله المستعان

[Hicham Ahmed]

المشاركة الأصلية كتبت بواسطة مريم الصابرة

السلام عليكم اخي
شوف نقولك اخي انا درت مواضيع بزاف وناقشت لبست البنات والتبرج والإنحلال وما قلتش العكس لكن اخي نسقسيك حاجة إنت تقدر ديرها بهذي الطريقة وراك عارف الناس هنا ما تضحكش على الطفلة مهما تكون لابسة يقولو هو ماشي راجل اما يدافعو عليها او لا والله اللي راجل بغض النضر على لبستها يهد ويدافع لأنو النوع هذاك قادر يتعدى لختو او زوجتو على الأقل قدام ربي هو عندو اجر دافع عليها لكن الناس ما تشوفش لربي يقولك انا خاطيني لبستها هي اللي وصلتها وواش تقول فالمحجبات شرعا وتعرضو لهذا قولي هوما أغراوهم لا اخي اللي وليد أصل محال يديرها
شكرا وبارك الله فيك

أختي الكريمة ..
أدعك تتفكرين وتتأملين .. لماذا ألزم الله النساء بالستر والتحجب .. لماذا؟؟..
قد تقولين لي وتصرين على أن من المتحجبات ايضا من هن ضحايا ..لهؤلاء الوحوش .. اقول لك نعم وبنسبة قليلة جدا..

[تسنيم مسلمة]

السلام عليكم
بارك الله فيك أختي
نفس الحكاية لي راكي تحكي فيها صرات قدام عيني لشابة و لابسة جلباب ...
و حتى واحد ماهدر للأسسسسسسسسف

[Hicham Ahmed]

ياو قلنا مليون مرة .. صح فيه من الضحايا متجلببات متحجبات ساترات مستورات ..لكن بالله عليكم كم تكون نسبتهن مقارنة بالمتبرجات البارجات المبروجات..

والله لا يكاد يذكر .. والا هناك فهم خاطئ لقضية التبرج والتحجب؟

[Amine456]

يا اخوات والله هذه حقيقة مرة الواقعة في المجتمع الاسلامي عامة وفي المجتمع الجزائري خاصة اتركونا من هذه الحجج ولناحذ موقف يرجع لنا كرامتنا وخاصة حيائنا ساروي لكم تجربتي الخاصة انا طالبة في الجامعة ملحقة خروبة علوم شرعية وبطبيعة الحال استقل النقل كل يوم ولكن احاول قدر المستطاع ان ابتعد عن الازدحام سواء كان مع الرجال او النساء خاصة في الاونة الاخيرة ظهرت السرقة من طرف النساء وبكل احتراف ويستدعي الامر احيانا الوقوف في المحطة لساعات من اجل ان يكون خالي ولو القليل حتي لا اضطر للمزاحمة مع الركاب واذا ركبت احرص ان اجلس مع امراة ولاتنسي الدعاء وخاصة الاستغفار هو الذي اعانني على هذا المشكل واتذكر دائما قول الله تعالي ومن يتقي الله يجعل له مخرجا والله خذوا بهذه النصيحة انا عندي عامين وانا ادرس ماجلست مع رجل الا مرة واحدة واحسست بتانيب الضمير وادركت في الحين اني لم استغفر الله وادعولي ان اكمل هذا العام بتوفيق من الله

[hodahodahoda]

فعلا اختي
هناك من لا يستحي

[ghada91]

شكرا ليكم اخواني اخواتي

و الله تفاجأت حينما رأيت كل هذه الردود

و الله كلكم معكم حق

و كل واحد و رأيو

لكن الهدف هو ان الرسالة تصل الى كافة البنات و مايصرالهاش كيما صرا مع هاذيك البنت

و الرسالة الثانية هي للرجال : يا خاوتي الرجال دافعوا و لو بكلمة عن البنات علاش ما تدافعوش عليهم

في هاذيك الحافلة كان قادر واحد يتدخل و ينزل الراجل اللي دار الفضيحة و يناقشو الامر و يسندو الفتاة

ايه مالا ماكانش كامل اللي هدر معاها مسكينة و الدمعة على خدها

و كانت متحجبة و مستورة و لاباس عليها

الله يهدينا هاذا ما نقول

[ghada91]

ان لم تستحي فافعل ما شئت***********

[sarra5]

صحيح انا شفتها بعيني

والي راهم يقولو يستاهلو ياو خاطر نتوما راحت الرجلة منكم تخافو تهدرو مع هاد المتخلفين تقولو واش اداني هذا ماكان

اما قصة تستاهل وماتستاهلش سبة برك

[ghada91]

كلامك جواهر

شكرا اختي