هل انا معقدة

[مومي23]

عليك بطبيب نفسي حتى تخرجي من هذه العقدة

[rafahe2012]

السلام عليكم


اختي لازم تعاودي تروحي للجينيكولوغ تكوني تعرفيها مليح ثقة وتحكيلها هي راها تعرف

بلي صح نتاع اغتصاب ولالا خطراكش راه تختلف العذرية كي تكون وحدة مجبرة ووحدة

برغبتها وهي تولي ديرلك حل وتدي هدا لي راه يخطبك وناويك صح صح مش اي واحد يعود

خطرة واحدو خرى يخرج عليك الهدرةلللجينيكولوغ هيتولي تفهموا بالادلة

وربي يطيحك في وليد الحلال لي يسترك ان شاء الله

ويخي دايما المرا في مجتمعنا تتظلم في مواقف كيما هكدا

الله غالب مكانش الرجال بزاااااااااف ليقدروا هادي الوضعية

[مريم الصابرة]

السلام عليكم اختي
والله تأسفت لحكابتك ونقولك للأسف نحن شعب لا نعرف من الشرف إلا العذرية هذا مجتمعنا ولكن هذا ما يمنعش ربي يبعثلك واحد يسترك ولما يعرف الحقيقة يكون بالنسبة ليه امر عادي صديقتك قالت هكذاك عندها الحق فالوقت هذا رجعت الفتاة تفرط في شرفها بالساهل ما يأمنوكش إنو إعتداء لكن عندك اوراقك والدليل والشهادة تبين شعال المدة وشعال كان في عمرك وارواق حفظ القضية من رأي عادي لما يخطبوك شوفي اللي يتقدملك احكي معاه شخصيا وبينلو الأوراق وهو وضميرو حاب يسترك يسترو ربي كان ما حبش من حقو وما تلوميهش الله غالب
انا نقولك موضوع الزواج راه عند ربي واللي كان السبب وكلي ربي وخليه إنت ضرك صلي ودعي ربي يرزقك براجل يسترك وربي هو الستار موفقة

[Golden Princess]

ربي يفرج عليك

[mounaminou]

يا أختي ماتصارحي ماوالو ......نقوللك علاه?......
كاين 1 بالمية يقبل ل الحالة تاعك.....و هدا واقع ...مام يكون مثقف و قاري و مام تديه للجينيكولوق يتفهم ف الاول و مبعد قادر يوسوسلو الشيطان و يدحل الشك في قلبو.........مادام انتي ضحية normalement تسقسي لاكان تقدري تديري العملية و ترجعي كي بكري لانو من حقك علا الاقل تستري روحك و تعيشي حياة طبيعية.....و قبل هدا سقسي الناس تاع الدين يفتولك....لانو هدا يبقا رايي و ماعلاباليش بالحكم تاعو

[نجلاء السلفية]

سترك الله ورزقك الزوج الصالح

[بيت النّسيم]

السّلام عليكم و رحمة الله و بركاته
أنصحك يا أختي بأن تستفتي احد الشُّيوخ الثّقاة في هذا الأمر,, و اسال الله أن يفرّج عنك همّك و أن يرزقك الزّوج الصّالح